YOHANES 20:18 - Alkitab Singog In Mongondow Masa In Tanaa

¹⁸ Dá binayá domandon i Maria pinotaau kon murí mita i Yesus, kon inontongneadon in ki Tuhan bo ki Tuhanbí doman in noguman kon tua komintan kon inia.

YOHANES 20:18 ပူးပေါင်းရင်းမြစ်များ

MATIUS 27:56

Kon sigad monia tua, oyúon doman in ki Maria Magdalena, bo ki Maria inta ki iná i Yakobus bo i Yusup, bo ki buḷoi i Zebedeus.

MATIUS 28:10

Bo ki Yesus in noguman kon i monia, “Dika moondok! Bayádon bo poguman kon i utat-Ku mita sinbá mosia in mayádon in Galilea; bain kon tua bo ontongon monia in Akuoi.”

LUKAS 24:10

Tangoi in bobay mita inta nopotaau kon dumodudui i Yesus mita tua in ki Maria Magdalena, ki Yohana bo ki Maria inta ki iná i Yakobus bo bobay doman mita ibanea inta noyotakin monia.

YOHANES 19:25

Kon diug in kayu inta pinopopakúan kon i Yesus, sinimindog kon tua ki iná i Yesus, ki utat bobay i iná-Nea, ki Maria ki buḷoi Klopas, bo ki Maria Magdalena.

YOHANES 20:1

Kon singgai in Diminggu modiugpa mobayag, ki Maria Magdalena minayá in poḷoḷobongan. Inindoianneamai yo batu inta pinonaḷob noḻitoidon nongkon bubú in poḷoḷobongan tatua.