YOHANES 20:16 - Alkitab Singog In Mongondow Masa In Tanaa

¹⁶ Ki Yesus in noguman kon inia, “Maria!” Ki Maria inimindoi kon i Yesus bo noguman kon bonu in singog in Ibrani, “Rabuni!” (Mangaḻenea “Guru”.)

YOHANES 20:16 ပူးပေါင်းရင်းမြစ်များ

KINOBAḺIAN 22:1

Diá noonggot kon tua, kotoindudui Abraham sinungkuḷan i Allah. Ki Allah in nogoiní, “Abraham!” Bo ki Abraham sinumubag, “Ya Tuhan.”

KINOBAḺIAN 22:11

Táe malaekat i Tuhan in nokuuk kon inia nongkon ḷangit, “Abraham, Abraham!” Tubag i Abraham, “Ya, Tuhan!”

KINOBAḺIAN 45:12

Guman bui i Yusup, “Tanaa indoiaidon monimu tontaní, bo indoiaimu doman Benyamin, kon akuoi in totu-totuubí ki Yusup.

IḶUAIAN 3:4

Inontong i Tuhan in ki Musa mamangoi dimiug kon tampat tatua, dá nomaḷú in ki Tuhan nongkon yua-yuak in ḻimbuyun tatua, “Musa! Musa!” “Ya Allah,” tubag i Musa.

IḶUAIAN 33:17

Guman i Tuhan kon i Musa, “Onu in pinoigummu tatua duduian-Ku, sin kinotaauan-Ku in Iko bo kinoibog-Ku doman in iko.”

DONDONG MOḶANTUD 3:4

Bagupa sinaḷáanku in mosia, noyodungkuḷkudon in batoḷ in dodobku. Kinadaianku in sia, bo diádon inukatanku nodapot in diniaku kon baḷoi i ináku, kon gopot in intau inta nopononggadí kon inakó.

DONDONG MOḶANTUD 5:2

Akuoi in nosiug, táe ginaku in nobangon. Indongogaidon, batoḷ in dodobku nonangkokó kon ḷoḻingkop. Bukataipa in ḷoḻingkop, uḻe, batoḷ in dodobku, paḷomaku, intau inta totok in kinotabiku; uḷuku nobuntad in oḷú, buokku nobuntad in oḷú doḷom.

YESAYA 43:1

Israel, nanaa in guman i Tuhan, “Akuoibí in inta nomaḻí bo inta nomia kon inimu, dika moondok, iko in notantú bidon kon posaḷamaton-Ku! Akuoi in nogoinídon kon inimu pinongin tangoimu, iko in Akuoi in kitogi.

MATIUS 14:27

Táe ki Yesus ḷagi noguman kon i monia, “Pokopoonow! Sin Akuoibí in naa. Dika moondok!”

MARKUS 10:51

Iḻibó i Yesus kon inia, “Onu in koibogmu aidan-Ku kon inimu?” Intau bilog tatua in noguman, “Pak Guru, akuoi moibog mokoontong.”

LUKAS 10:41

Táe ki Tuhan in noguman, “Marta, Marta! Iko naa in totokbí mohawatir bo mopoyoyiga in awakmu tontaní bo tongá umuran morai kon bayongan rupa-rupa.

YOHANES 1:38

Ki Yesus in nobobui kon i monia inta dumuduianmai kon i-Nia bo poḷat noḻibó, “Onu in tayakon monimu?” Tubag monia, “Rabi, kon onda in pinogutunan i Rabi?” (Rabi mangaḻenea guru.)

YOHANES 1:49

“Pak Guru, guman i Natanael, ki Amá in ki Adí i Allah!”

YOHANES 10:3

Moḷoḷukad kon ḷantung momukatbí kon ḷoḻingkop sin tuotannea, bo domba mita in mokidongogbí kon singognea wakutu in oiníonnea in mosia podudui in tangoi monia tontaní bo diaannea ḷumuai.

YOHANES 11:28

Noguman mako natua in ki Marta, minayá in sia bo nogoiní kon i utatnea ki Maria bo nopogombong kon inia, “Ki Pak Guru kon naadon; iḻibó-Nea iko.”

YOHANES 13:13

Moiko in mogoiní kon i-Nakó Guru bo Tuhan. Bo Noitutuibí intua, sin totuu kon Akuoi in Gurubí bo Tuhan.

YOHANES 20:28

Ki Tomas in noguman kon i Yesus, “Tuhanku bo Allahku!”

YOHANES 3:2

Kon doḷom tobatú, sia in namangoi kon i Yesus bo noguman, “Pak Guru, kinotaauan nami kon ki Amá in pinotabábí i Allah. Sin diábí in tobatúmai intau in motaau mogaid kon soaḷ mita inta mokoherang ná inta pinomia i Pak Guru aka ki Allah diá kotaki-takinnea.”

YOHANES 5:2

Kon Yerusalem kon diug in tampat inta sinangoian “Ngara in Domba” oyúon in tobatú tabang, inta aka kon bonu in bahasa Ibrani sinangoian Betesda. Kon tua ḻima in tampat pobobarasanangan.

YOHANES 6:25

Naonda in intau mita tatua noyodungkuḷdon i Yesus kon ḷoḷan danow, mosia in noḻibó kon i-Nia, “Pak Guru, dodai onda ki Pak Guru noidapot in naa?”

OUMAN IN RASUL MITA 10:3

Kon singgai tobatú, degá jam intoḷuneadon ḷoḷabungnea, inontongnea notarang in tobatú malaekat sinumuot kon baḷoinea bo nokuuk kon inia nanaa, “Kornelius!”

OUMAN IN RASUL MITA 9:4

Dá noumpag in sia kon butá bo dinongognea in singog noguman nanaa kon inia, “Saulus, Saulus! Nongonu sin momogutúbí in iko kon i-Nakó?”

SAMUEL 1 3:10

Onda intua namangoidon in ki Tuhan, bo sinimindog kon tampat tatua poḷat nogoiní bui, “Samuel, Samuel!” Bo ki Samuel in notubag, “Pogumandon, Tuhan, indongoganbí in mogogundoi-Mu naa.”

SAMUEL 1 3:6

Onda intua ki Tuhan bui nogoiní kon i Samuel, táe diábí kinotaauan i Samuel kon ki Tuhanbí in nogoiní kon inia tua, sin diápabí kon dodai in onda in ki Tuhan noyosingog takinnea. Tuamai in nobangon in sia, bo bui minayá kon i Eli bo noḻibó, “Nongonu Amá? Nongonu sin mogoiníbí in ki Amá kon inakó?” Ki Eli notubag, “Diábí in akuoi nogoiní kon inimu, adíku; posiugdon bui.”