YOHANES 20:15 - Alkitab Singog In Mongondow Masa In Tanaa

¹⁵ Ki Yesus noḻibó kon inia, “Iná, nongonu sin mongombaḷ? Ki ine in tayakon i Iná?” Sinangka i Maria kon Sia tua in moḷoḷukadbí kon taman tatua, dá sia in noguman, “Amá, aka ki Amá in nomamping kon i-Nia nongkon naa, yo tuḷungaipa poguman kon inakó mongo kon onda in pinotagúan i Amá kon i-Nia, sinbá motaauku bayáan gamáan in Sia.”

YOHANES 20:15 ပူးပေါင်းရင်းမြစ်များ

DONDONG MOḶANTUD 3:2

Akuoi moibog mobangon bo moḻibu kon kotá, modondaḷoi kon bayongan daḷan bo lorongnea. Akuoi moibog motayak kon batoḷ in dodobku; sinayakku in sia, táe diá nouḻí.

DONDONG MOḶANTUD 6:1

Minayá onda in batoḷ in dodobmu, ei bobay inta totok in moḷunat? Minayá onda in batoḷ in dodobmu, sinbá kami tumakin motayak kon inia?

MATIUS 12:34

Ei moiko buí inta moromú, naondabí in moiko motaau mosingog kon soaḷ mita inta mopia aka moiko tontaní in mogaid doman kon inta diá mopia? Sin onu siningog in bibig tuabí doman inta iḷumuai nongkon bonu in gina!

MATIUS 28:5

Táe malaekat tatua in noguman kon bobay mita tatua, “Dikadon moondok in moiko! Sin kinotaauankubí kon moiko in mamangoi motayak kon i Yesus inta ain pinopopakú kon kayu pinoyotaḻempang.

MARKUS 16:6

Táe tayowmobiag tatua in noguman kon i monia, “Dika moondok! Kinotaauankubí kon moiko in motayak kon i Yesus intau Nazaret inta ain pinopopakú kon kayu pinoyotaḻempang. Diábí in Sia in kon naa. Sia ain nobiag! Indoiaidon naa in tampat pinoguḻidan monia kon i Yesus.

LUKAS 2:44

Kai monia kamai Sia in noitakinbí kon yua-yuak in intau mita inta topobayáan monia tua. Bambí tosinggaidon kon binayáan monia bo mulaidon sinayak monia in Sia kon sigad in ginaḷum mita monia bo kon bayongan in intau inta nogogintaauan monia.

LUKAS 24:5

Mosia in totok inagían in ondok, bo sinumungkud dapot in butá, táe intau doyowa tatua in noguman kon i monia, “Nongonu sin moiko in motayakbí kon intau inta nobiagdon kon sigad in intau minatoi?

YOHANES 1:38

Ki Yesus in nobobui kon i monia inta dumuduianmai kon i-Nia bo poḷat noḻibó, “Onu in tayakon monimu?” Tubag monia, “Rabi, kon onda in pinogutunan i Rabi?” (Rabi mangaḻenea guru.)

YOHANES 18:4

Kinotaauanbí i Yesus in bayongan inta mobaḻí kon i-Nia. Dá Sia in dinimiug kon intau mita tatua bo noḻibó, “Motayak kon i ine in moiko?”

YOHANES 18:7

Bo ki Yesus in bui noḻibó, “Ki ine in tayakon monimu?” Dá kai monia doman, “Ki Yesus Intau in Nazaret.”

YOHANES 20:13

Malaekat mita tatua in noḻibó, “Iná, nongonu sin mongombaḷ?” Ki Maria in noguman, “Ki Tuhanku in ginamádon in intau, bo diá doman kinotaauanku mongo pinobayá monia in onda.”

SAMUEL 1 1:16

Dikabí anggapon kon akuoi in bobay inta diá mopia. Akuoi in nosambayang ná tanaa sin monakitdon totok in ginaku.”