YOHANES 20:14 - Alkitab Singog In Mongondow Masa In Tanaa

¹⁴ Naonda in nosingog mako natua, sia in nobobui ná tumi bo inontongnea in ki Yesus sinimindog kon tua. Táe diábí kinotaauannea kon ki Yesus intua.

YOHANES 20:14 ပူးပေါင်းရင်းမြစ်များ

KINOBAḺIAN 42:8

Umpaka kinotaauan i Yusup kon mosia tua in ki guya-guyangnea, táe mosia in diá bidon nonotaau kon inia.

MATIUS 28:9

Bo ki Yesus in noyodungkuḷ monia bo noguman, “Salam kon inimu!” Dinimiug in mosia kon i-Nia bo ginumakap kon sioḷ-Nea bo nosumba doman kon i-Nia.

MARKUS 16:12

Noiduduimai kon tua ki Yesus nokipogontong kon murí-Nea doyowa takin aid ibanea. Tua in nobaḻí wakutu in murí-Nea taya dua kon daḷan mopobayá in ḻipú tobatú.

MARKUS 16:9

Naonda in ki Yesus nobiag nongkon kinopatoian-Nea, doḷo-doḷom kon singgai in Diminggu, muna-munamai nokipogontong in Sia kon i Maria Magdalena. (Ki Maria naa inta pinopoḷuaian i Yesus in dimukud moraat taya pitu.) Bobay mita tatua minayá kon i Petrus bo kon yobayatnea mita bodongka nongonguman notoyong kon bayongan inta ain pinotaau kon i monia i intau tayowmobiag tatua.

LUKAS 24:16

Táe ná oyúon in noiḷamboi kon mata monia, sahingga in diá kinotaauan monia mongo ki ine in Sia.

LUKAS 24:31

Kon dodaipa doman intua bo kinotaauandon monia kon ki Yesusbí inta kotaki-takin monia tua.

LUKAS 4:30

Táe minayá in Sia bo ginimilo-gilot mako kon intau mobayong dá diá nouḻí monia bo minayádon in Sia.

YOHANES 21:4

Wakutu mata in singgai momangkoidon momuká, ki Yesus in sinimindogdon kon pintad, táe diábí kinotaauan monia kon ki Yesus intua.

YOHANES 8:59

Bo intau mita in Yahudi tatua in nogamá kon batu sin pogandur kon i-Nia; táe ki Yesus inumadop, bodongka nonaḷámai kon Baḷoi Tuhan.