YOHANES 20:1 - Alkitab Singog In Mongondow Masa In Tanaa

¹ Kon singgai in Diminggu modiugpa mobayag, ki Maria Magdalena minayá in poḷoḷobongan. Inindoianneamai yo batu inta pinonaḷob noḻitoidon nongkon bubú in poḷoḷobongan tatua.

YOHANES 20:1 ပူးပေါင်းရင်းမြစ်များ

MATIUS 27:56

Kon sigad monia tua, oyúon doman in ki Maria Magdalena, bo ki Maria inta ki iná i Yakobus bo i Yusup, bo ki buḷoi i Zebedeus.

MATIUS 27:60

Bodongka pinopouḻidnea kon poḷoḷobongan nobagu, inta kinaḻinea kon bonu in buḷud batu. Nopaḷut mako iḻingkopannea in batu moḷoben, bodongka minayá.

MATIUS 27:64

Manangka intua pokiḷukadon kon moḷoḷukad mita in poḷoḷobongan tatua modapot in singgai intoḷunea; sin dika bo angoion in murí-Nea mita takowon in mayat-Nea, bo poguman monia kon Sia aindon nobiag bui kon sigad in intau mita minatoi. Sahingga in uboḷ kon singgai tumi in moraa-raatdon nongkon inta muna.”

MATIUS 27:66

Mosia in minayá in poḷoḷobongan tatua bo sinilotan monia bodongka iḷukadan.

MATIUS 28:1

Naonda in singgai in Sabat noitaḻibdon, subupa totok kon singgai dungkuḷ Diminggu tatua, ki Maria Magdalena bo ki Maria ibanea minayá in poḷoḷobongan tatua noindoi.

MATIUS 28:2

Bo daḻíbí dinandúan noropot totok. Tobatú malaekat i Tuhan noponag nongkon soroga bo noḻitoi kon batu inta pinonaḷob tatua, bodongka iḻitúannea.

MARKUS 15:46

Bo notaḷui in ki Yusup kon kaeng noaḷus inta nomahaḷ sin pinobakut. Onda intua pinoponagdon mayat i Yesus tatua bodongka binakutnea in kaeng tatua. Nopaḷut mako inukatneadon in mayat i Yesus kon tobatú poḷoḷobonganan inta inaidan kon bonu in buḷud batu. Onda intua iḻitoi monia in tobatú batu moḷoben bo pinoḻingkop kon ngara in poḷoḷobongan tatua.

MARKUS 16:9

Naonda in ki Yesus nobiag nongkon kinopatoian-Nea, doḷo-doḷom kon singgai in Diminggu, muna-munamai nokipogontong in Sia kon i Maria Magdalena. (Ki Maria naa inta pinopoḷuaian i Yesus in dimukud moraat taya pitu.) Bobay mita tatua minayá kon i Petrus bo kon yobayatnea mita bodongka nongonguman notoyong kon bayongan inta ain pinotaau kon i monia i intau tayowmobiag tatua.

YOHANES 11:38

Totokpa in inangoian in tabi in ki Yesus minayá in Sia in poḷoḷobongan. Poḷoḷobongan tatua in tobatú angob inta sinaḷoban in batu moḷoben.

YOHANES 11:41

Dá pinosídon monia in batu tatua. Onda intua ki Yesus iḷumangag kon ḷangit bo nosingog, “Sukur moantó Amá, sin ain inindongogan-Mu in Akuoi.

YOHANES 19:25

Kon diug in kayu inta pinopopakúan kon i Yesus, sinimindog kon tua ki iná i Yesus, ki utat bobay i iná-Nea, ki Maria ki buḷoi Klopas, bo ki Maria Magdalena.

YOHANES 20:26

Naonda in todiminggu noiduduimai kon tua, murí mita i Yesus noyosipun bui kon tua, ki Tomas in oyúon domandon kon tua noyotakin monia. Komintan kinunsían monia in ḷoḻingkop, táe ki Yesus in namangoi bo sinimindog kon yua-yuak monia bo noguman, “Salam dodamean bo kobiagan motompia kotaki-takin monimu.”

OUMAN IN RASUL MITA 20:7

Doḷom diminggu kami in noyosipun sin mongaan moyotakin in bayongan ginaḷum mita kon tua. Ki Paulus nososiritaanpa mako in bayongan intau inta mopirisaya kon tua, sin tomayánea in mayádon bui in sia in mopoikoḷomai kon singgai. Mosia in nongonguman nodapot noonggot kon doḷom.

KORINTUS 1 16:2

Kon singgai dungkuḷ pomuḷoi in diminggu, moiko in munadon monondí kon doit inta posumbang tua podudui onu in mouḻí monimu tontaní. Tagú intua modapot in moiangoi in akuoi, sinbá diá bain mamangoi in akuoi bodongka mulai mosipun in moiko.

WAHYU 1:10

Kon Singgai i Tuhan, akuoi in kinawasaan in Roho i Allah, bodongka nokodongog in akuoi kon singog moropot – naonda bo singog in torompet – nosingog kon tumikumai.