YOHANES 2:23 - Alkitab Singog In Mongondow Masa In Tanaa

²³ Kon tungkuḷ in ki Yesus kon Yerusalempa dodai in Singgai Moḷoben Paska, nobayong intau in nopirisaya sin nokoontong kon soaḷ mita inta mokoherang pinomia-Nea.

YOHANES 2:23 ပူးပေါင်းရင်းမြစ်များ

LUKAS 8:13

Aka bibit inta noḷabú kon butá inta nobayong in batu, tua in ibarat intau inta nokidongog kon Pirman i Allah, bo notarima takin pia in gina, táe onu in dinongog monia tua diá noitonop kon bonu in gina monia. Mosia in tongá nopirisaya notoyong, naonda in kino angoian sobaan, mosia in diá nonahang bo nobaḷui in pirisaya monia kon i Allah.

YOHANES 11:45

Nobayong in intau Yahudi inta namangoi nohibur kon i Maria in nopirisayadon kon i Yesus naonda in nokoontong kon onu inta nobaḻí tatua.

YOHANES 2:11

Tuata in soaḷ mokoherang inta dungkuḷ totok inta pinomia i Yesus. Tua in pinomia-Nea kon Kana inta kon Galilea. Takin tanda tatua Sia in nopoontongdon in kawasa-Nea. Dá murí-Nea mita in nopirisayadon kon i-Nia.

YOHANES 2:13

Naonda in Singgai Moḷoben Paska in Intau Yahudi nodiugdon, ki Yesus minayá in Yerusalem.

YOHANES 3:2

Kon doḷom tobatú, sia in namangoi kon i Yesus bo noguman, “Pak Guru, kinotaauan nami kon ki Amá in pinotabábí i Allah. Sin diábí in tobatúmai intau in motaau mogaid kon soaḷ mita inta mokoherang ná inta pinomia i Pak Guru aka ki Allah diá kotaki-takinnea.”

YOHANES 4:45

Táe naonda in Sia noiyaputmai in Galilea, intau mita in nonontomu kon i-Nia takin sanang in Gina, sin wakutu in Singgai Moḷoben Paska kon Yerusalem, inontongdon monia in bayongan inta pinomia i Yesus.

YOHANES 5:36

Táe kon i-Nakó in oyúon in kosakusian inta moponti-ponting nongkon kosakusian inta pinoyaput i Yohanes, tuata in oaidan inta pinoki aid i Amá kon i-Nakó. Oaidan tatuata inta yogot-Ku in aidan tanaa mako, tuata in mobaḻí bukti kon ki Amábí in nopotabá kon i-Nakó.

YOHANES 6:14

Naonda intau moantó tatua nokoontong kon inta mokoherang pinomia i Yesus, mosia in noguman, “Totuu, naabí in nabi inta i harap mako mamangoi in dunia!”

YOHANES 6:2

Noiyaputmai in tua, mobayong in intau in dinumudui kon i-Nia sin nokoontongdon in mosia kon inta mokoherang inta pinomia i Yesus kon intau mita nongotakit inta sinokoundamanan-Nea.

YOHANES 7:31

Nobayong in kon sigad monia tua in nomangkoidon mopirisaya kon i-Nia, bo noguman, “Aka Datu Mopoposaḷamat tua in mamangoi, yo degá Sia mokoaid kon mobayo-bayong in inta mokoherang mita nongkon Intau tanaa?”

GALATIA 5:6

Sin aka kita bo ain notobatú takin i Kristus Yesus, yo soaḷ sunaton ande diá sunaton, diábí mobaḻí soaḷ kon i naton. Sin totok moponting in pirisayabí kon i Kristus bo tua in moniata kon tabi naton kon tumpaḷa intau.

YOHANES 1 3:23

Naa in pinarenta-Nea kon i naton: Kita in musti mopirisaya kon i Adí-Nea, tuata in ki Yesus Kristus, bo kita in musti umuran mositabian, ná inta ain pinarenta i Kristus kon i naton.