YOHANES 2:16 - Alkitab Singog In Mongondow Masa In Tanaa

¹⁶ Bo Sia in noguman kon intau mita mopopotaḷui in paḷoma, “Tokodiadon komintan nongkon naa. Dikabí baḻíon monimu pasar in Baḷoi Amá-Ku!”

YOHANES 2:16 ပူးပေါင်းရင်းမြစ်များ

YEREMIA 7:11

Degá inanggap monimu kon Baḷoi-Ku naa in pugad in mogogagow? Bayongan in oaidmu ain inontong-Ku.

MATIUS 21:12

Kon tua ki Yesus sinumuot kon Baḷoi Tuhan bo noguntun kon intau mita inta nopotaḷui kon tua. Binaḻikuat-Nea mita in meja inta pononoḻiuan kon doit bo bangko mita in intau inta mopopotaḷui in ḷagapan paḷoma.

MATIUS 21:13

Bo Sia in noguman kon i monia nanaa, “Aindon pinais kon Buk Motusi, ‘Baḷoi-Ku in tangoionbí Baḷoi Pososambayangan.’ Táe inaidanbí monimu pugad in mogogagow!”

MATIUS 22:5

Táe diá in pandung in intau mita inta sinoko oiní tatua. Oyúon inta minayá in gobá, oyúon doman minayá nogaid kon oaidannea;

MARKUS 11:17

Noiduduimai kon tua ki Yesus nobogoi in totundú kon intau mita kon tua. Sia in noguman, “Kon bonu in Buk Motusi ain pinais: Ki Allah in noguman, ‘Baḷoi-Ku in tangoionbí Baḷoi Pososambayangan in bayongan bangusa.’ Táe tanaa in binaḻí bidon monimu pugad in mogogagow!”

LUKAS 2:49

Táe ki Yesus notubag, “Nongonu sin ki amá bo ki iná in motayakbí kon i-Nakó? Eta degá diábí kinotaauan i amá bo i iná kon Akuoi in mustibí oyúon kon bonu in Baḷoi i Amá-Ku?”

YOHANES 10:29

Inogoidon i Amá-Ku i-Nakó in mosia tua, bo noiḻiu kon bayongan in yagi-yagi. Bo diábí doman tobatúmai intau mokoagow kon i monia nongkon kawasa i Amá-Ku.

YOHANES 2:15

Ki Yesus in nonuḷapid kon tali bo pinomia sambok bodongka noguntun kon bayongan mahaḷuk kon tua, pinomayá domba, sapi pinoḷuai-Nea nongkon Baḷoi Tuhan. Bo meja mita inta tampat poponoḻiuanmai in doit sinoko baḻintuang-Nea, sahingga in doit nongoirangkap.

YOHANES 20:17

“Dikapa kadaian in Akuoi,” guman i Yesus kon inia, “sin Akuoi in diápa namonik kon i Amá. Táe bayádon kon i utat-Ku mita, bo potaaudon kon i monia kon tanaa Akuoi in mayá kon i Amá-Ku bo kon i Amá doman monimu, kon i Allah-Ku bo kon i Allah-mu.”

YOHANES 5:17

Táe ki Yesus in noguman kon i monia, “Ki Amá-Ku in umuranbí mogaid umaai in tanaa mako, dá Akuoi in mogaidbí doman.”

YOHANES 8:49

Ki Yesus in notubag, “Akuoi in diábí kinotoḷangan in dimbuḷó. Akuoi in totokbí mohoromat kon i Amá-Ku, táe moiko in moningkuḻe kon i-Nakó.

TIMOTIUS 1 6:5

bo umuran moyogenggeng. Raian in intau mita natua ain nobangkung bo diádon motaau pirisayaanmai. Inanggap monia in agama naa in motaaubí potayakan kon kauntungan tontaní.

PETRUS 2 2:3

Popisí in mosia motamaa, dá intau mita inta deeman totuu guru tua in mongonguman kon inimu in ouman mita inta tongá ai-aidan monia tontaní sinbá kouḻían monia kon kauntungan in moiko. Táe bá kotaauan monimu, pongadilan inta mopoḷabú in hukuman kon i monia tua in noonggot bidon in sinadia, bo koyoyangan inta ain sinantú kon i monia in mogoḷat bidon mako.