YOHANES 19:41 - Alkitab Singog In Mongondow Masa In Tanaa

⁴¹ Kon diug in tampat inta pinopopakúan kon i Yesus kon kayu pinoyotaḻempang oyúon in tobatú taman. Kon bonu in taman tatua oyúon in poḷoḷobongan mobagu inta diápa kon dodai in onda pinoḷobongan kon intau.

YOHANES 19:41 ပူးပေါင်းရင်းမြစ်များ

YESAYA 22:16

“Kainimukamai dá ki inebí in iko naa? Onu in hakmu nodapot in iko nomakang kon poḷoḷobongan kon inimu kon buḷud batu?

MATIUS 27:60

Bodongka pinopouḻidnea kon poḷoḷobongan nobagu, inta kinaḻinea kon bonu in buḷud batu. Nopaḷut mako iḻingkopannea in batu moḷoben, bodongka minayá.

LUKAS 23:53

Naonda intua, pinoponagneadon in mayat i Yesus bo binakutnea in daing inta totok in moaḷus bo inta totok in nomahaḷ. Nopaḷut mako kon tua inuḻidnea kon bonu in poḷoḷobongan inta pinomia kon bonu in buḷud batu. Poḷoḷobongan tatua in diápa kon dodai onda in pinaké pinoḷobongan.

YOHANES 19:42

Lantaran poḷoḷobongan tatua in nodiug, apa doman singgai in Sabat motoyongdon pangkoion, dá iḷobongdon monia kon tua in ki Yesus.

YOHANES 20:15

Ki Yesus noḻibó kon inia, “Iná, nongonu sin mongombaḷ? Ki ine in tayakon i Iná?” Sinangka i Maria kon Sia tua in moḷoḷukadbí kon taman tatua, dá sia in noguman, “Amá, aka ki Amá in nomamping kon i-Nia nongkon naa, yo tuḷungaipa poguman kon inakó mongo kon onda in pinotagúan i Amá kon i-Nia, sinbá motaauku bayáan gamáan in Sia.”