YOHANES 19:40 - Alkitab Singog In Mongondow Masa In Tanaa

⁴⁰ Binayá ginamá nayadua in mayat i Yesus bo binakut in pusi pinoyobakut in ramuan mobondu tatua pinodudui kon kabiasaan poḷoḷobong in intau Yahudi

YOHANES 19:40 ပူးပေါင်းရင်းမြစ်များ

KINOBAḺIAN 50:2

Ki Yusup in nomarenta kon intau mita inta mononompia kon mayat sinbá pakéandon in bahan mita inta ponahang kon mayat bá diá mobondot in mayat i Yakub.

TAWARIKH 2 16:14

Mayatnea in pinakéan in toyokayu nongkon pododungú mita bo inta mongo bo mongobondu, bo iḷobong kon poḷoḷobongan kon datu kon Kotá i Daud. Bo saḷaku horomat kon inia rayat nonontuḷúdon noḷoben totok.

MATIUS 26:12

Kon dodai in sia nopoingú in ḷana tatua kon awak-Ku, sia aindon noposadia kon poḷobongan kon i-Nakó.

MARKUS 14:8

Bobay tanaa ain nogaid kon onu in motaaunea aidan. Ḷananea tatua in pinosadianea kon poḷobongan kon i-Nakó kon wakutu in Akuoi diápa minatoi.

LUKAS 24:12

Táe umpaka natua, ki Petrus in bango-bangon bo noribatuk minayá noindoi kon poḷoḷobongan tatua. Naonda in sia iḷumongow monag kon bonu in poḷoḷobongan tatua, dongkadon pusi inta pinobakut kon i Yesus in inontongnea. Ki Petrus in noherang totok bo nobui sindaḷan morai kon soaḷ onu inta ain nobaḻí.

YOHANES 11:44

Dá iḷumuaidon in intau inta ain minatoi tatua. Ḻima bo sioḷnea kobaku-bakutpa in pusi, bo pogotnea in kobaku-bakutpa doman in pusi inta pinobakut kon pogotnea. “Bukádon in pusi tanion sinbá mobebasdon sia in mayá”. guman i Yesus kon intau mita kon tua.

YOHANES 12:7

Táe ki Yesus in noguman, “Pomayádon mako in pogaidan bobay tatua kon natua! Sia in nogaid kon natua sin moposadia kon poḷobongan kon i-Nakó.

OUMAN IN RASUL MITA 5:6

Bo tongonumai in tayowmobiag in namangoi bo nobakut kon mayat i Ananias tatua, bo binuḻigan monia pinoḷuai sin bayáan ḷobongon.