YOHANES 19:39 - Alkitab Singog In Mongondow Masa In Tanaa

³⁹ Ki Nikodemus inta nokoimontandon in namangoi kon i Yesus doḷom, minayá doman noyotakin i Yusup. Ki Nikodemus in nodia doman kon ramuan taḷong mobondu bo gaharu degá toḷumai nopuḷú nokilo in kobayongnea.

YOHANES 19:39 ပူးပေါင်းရင်းမြစ်များ

KINOBAḺIAN 50:2

Ki Yusup in nomarenta kon intau mita inta mononompia kon mayat sinbá pakéandon in bahan mita inta ponahang kon mayat bá diá mobondot in mayat i Yakub.

TAWARIKH 2 16:14

Mayatnea in pinakéan in toyokayu nongkon pododungú mita bo inta mongo bo mongobondu, bo iḷobong kon poḷoḷobongan kon datu kon Kotá i Daud. Bo saḷaku horomat kon inia rayat nonontuḷúdon noḷoben totok.

MAZMUR 45:8

Iko in moibog in inta mobanar bo mondoí kon inta moraat; tuamai, ki Allah, Allahmu ain nomiḻí kon inimu, bo nopoḷunganga kon inimu noiḻiu kon datu mita ibanea.

AMSAL 7:17

bo ain binutakanku in taḷong mobondu, sondana bo kayu manis.

DONDONG MOḶANTUD 1:13

Batoḷ in dodobku naonda bo taḷong mobondu in bónea, kon dodai in inumuḻid kon dodobku.

DONDONG MOḶANTUD 4:14

narwastu, koḷawag, kayu manis bo túan, bo noyagi-yagimai in pangkoi in kamania. Taḷong mobondu bo gaharu, takin noyagi-yagimai in toyokayu inta notompiḻí.

DONDONG MOḶANTUD 4:6

Moibog in akuoi mayá kon buḷud in taḷong mobondu, kon buḷud in kamania, modapot in mogirup in tompot doḷo-doḷom, inta monginggamá kon sindip in doḷom.

MATIUS 12:20

Aog inta nokoḷung diábí pongkóon-Nea, bo sumbu inta nokuyoyowdon dokotnea in diábí piongan-Nea. Modapot in atorang mita tatua aidan-Nea;

MATIUS 19:30

Táe moantó in intau inta noiuna in mobaḻí moitontumi, bo inta noitontumi mobaḻí moiuna.”

MATIUS 2:11

Bo sinumuotdon in mosia kon bonu in baḷoi tatua bo noindoi kon Adí tatua takin ki Maria ki iná-Nea. Mosia sinumungkud bo nosumba kon i-Nia. Mosia nobuká kon tampat pobobonuan kon pakakat monia bodongka nobogoi in barang pinosumba kon i-Nia. Barang inta inogoi monia tua in buḷawan, kamania, bo taḷong mobondu.

MARKUS 16:1

Naonda in noitaḻibdon in singgai in Sabat, ki Maria Magdalena, ki Maria ki iná i Yakobus bo i Salome minayá notaḷui kon toyokayu mita sin poḷana kon mayat i Yesus.

YOHANES 12:3

Noiduduimai kon tua, ki Maria in namangoi takin kodia-dia in ḷana mobondu narwastu inta totok in momahaḷ in boḻinea degá tobotakmai in liter. Pinopobutaknea in ḷana tatua kon sioḷ i Yesus, onda intua iradatannea bui in buoknea. Dá tombonu in baḷoi tatua nobondudon in bo ḷana tatua.

YOHANES 12:7

Táe ki Yesus in noguman, “Pomayádon mako in pogaidan bobay tatua kon natua! Sia in nogaid kon natua sin moposadia kon poḷobongan kon i-Nakó.