YOHANES 19:24 - Alkitab Singog In Mongondow Masa In Tanaa

²⁴ Dá tontara mita tatua in noyosingog, “Donaaidon poyopongkóon in jubah tanaa. Koḻigai bá morabut kon lot in kita, tayakon mongo ki ine in mokouḻí.” Soaḷ tatua in nobaḻí sinbá motompodon onu inta ain pinais kon bonu in Buk Motusi, nanaa: “Mosia in mosilai kon pakeang-Ku, bo norabut kon lot sin motayak kon jubah-Ku.” Bo totuu natuabí in pinomia in tontara mita tatua.

YOHANES 19:24 ပူးပေါင်းရင်းမြစ်များ

MAZMUR 22:18

Bayongan in tuḷanku koiapanku, Musung in inimindoi kon inakó naonda bo tontonan.

IḶUAIAN 28:32

Bubú in sigogownea inirigonan in pita sinuji sinbá diá mogampang moberak.

YESAYA 10:7

Táe datu in Asyur oyúon in tomayánea tontaní. Sia in moniat momaké in aid motogat bo moyopú kon mobayong in bangusa.

MATIUS 27:35

Nopaḷut mako pinopopakú monia kon kayu pinoyotaḻempang, ḷambung-Nea in sinila-silai mako monia. Mosia nosilai kon ḷambung-Nea tatua takin nomaké in lot.

MARKUS 15:24

Onda intua pinopopakúdon monia in Sia kon kayu pinoyotaḻempang, bo mosia in nosilai kon ḷambung i Yesus táe muna norabut kon undi sin monantú kon silai monia tontaní.

LUKAS 23:34

Bo ki Yesus in nosambayang, “Amá ampungaidon in mosia sin diábí kinotaauan monia onu inaidan monia naa.” Onda intua, pakeang i Yesus sinilaidon monia kon tua táe munapa inundi.

YOHANES 10:35

Kinotaauanbí naton kon onu inta ain pinais kon bonu in Buk Motusi umuranbí pakéon, diábí in goga-gogainea. Dá aka ki Allah monangoi ‘ilah’ kon intau mita inta nopirisayadon kon singog-Nea.

YOHANES 13:18

Onu in pinoguman-Ku naa in deemanbí soaḷ moiko komintan. Kotaauan-Kubí ki ine inta ain piniḻí-Ku, táe bá mobaḻídon onu inta pinais kon bonu in Buk Motusi nanaa, ‘Intau inta ain nongaan noyotakin-Ku, in moḷawangbí kon i-Nakó.’

YOHANES 19:28

Kinotaauan bidon i Yesus kon tanaa bayongan yagi-yagi ain noḷapat, bo bá onu inta ain pinais kon bonu in Buk Motusi in mobaḻídon, dá Sia in noguman, “Akuoi in moyogang.”

OUMAN IN RASUL MITA 13:27

sin bayongan intau inta nogutun kon Yerusalem bo itoinea mita in diábí nonotaau kon Siabí tua inta mopoposaḷamat, sahingga ihukumbí monia in Sia nodapot minatoi. Táe hukuman tatua in mogintompodbí kon onu inta ain pinoguman muna in nabi mita inta tantú bacaan monia aka kon singgai in Sabat.