YOHANES 19:22 - Alkitab Singog In Mongondow Masa In Tanaa

²² Táe ki Pilatus in notubag, “Onu inta ain pinaisku, diá bidon motaau baḷuian.”

YOHANES 19:22 ပူးပေါင်းရင်းမြစ်များ

KINOBAḺIAN 43:14

Poigumon mako ki Allah Inta Totok in Mokawasa mopobaḻí kon i gubernur tatua motabi kon i monimu, dapot in moibogdon in sia mopobui mangoi kon i Benyamin bo kon i Simeon kon i monimu. Yo akuoi naa, aka mustibí kobuḻian i adíku mita, yo donaaidon mako aka tuabí in mobaḻí.”

ESTER 4:16

“Sipundon in bayongan intau in Yahudi inta kon Susan bo sambayangai in akuoi. Dika mongaan bo monginum in toḷu nosinggai bo toḷu nogobii in koonggotnea. Akuoi tontaní bo mongodeaga mita inta nobantung kon inakó in mopuasabí doman. Mopaḷut mako kon tua akuoi in mayá kon tayowon i datu, umpakabí ḻimimpat tua kon undang-undang. Aka akuoi bo musti matoi popisí intua, dá biódon mako in akuoi matoi!”

MAZMUR 65:7

Pinongin ropot-Mu pinosindog-Mu in buḷud mita, sin mopoontong in kawasa-Mu inta motorindog.

MAZMUR 76:10

Kon tungkuḷ in Iko simindog sin monisigdon sin moposaḷamat kon intau inta dinorot kon dunia.

AMSAL 8:29

kon tungkuḷ in Sia nomarenta kon tubig in dagat sinbá dika ḻimimpat kon tonsigadnea mita. Akuoi in kon tua doman kon dodai in aip in butá naa pinoompat-Nea.

YOHANES 19:12

Nokodongogmai kon natua in ki Pilatus, totokdon ramujionnea pobebason in ki Yesus. Táe intau mita in Yahudi totokdon momaḷú in moguman, “Aka ki Tuang mopobebas kon i Nia, yo ki Tuang in deeman yobayat i Kaisar!”