YOHANES 19:20 - Alkitab Singog In Mongondow Masa In Tanaa

²⁰ Nobayong intau in Yahudi nokobaca kon pais tatua, sin tampat inta pinopopakúan kon i Yesus kon kayu pinoyotaḻempang in nodiug kon kotá. Tua in pinais doman kon bahasa Ibrani, Latin, bo Yunani.

YOHANES 19:20 ပူးပေါင်းရင်းမြစ်များ

LUKAS 23:38

Kon uḷuanmai i Yesus pinaisan nanaa, “Naadon in Datu Intau Yahudi.”

YOHANES 19:13

Nokodongogmai kon natua, pinoki diadon i Pilatus iḷumuai in ki Yesus, bo minayádon in sia iḻimitú kon kadera pongadilan inta sinangoian Taḷog Batu (Litostrotos). (Kon bonu in bahasa Ibrani sinangoian Gabata.)

YOHANES 19:42

Lantaran poḷoḷobongan tatua in nodiug, apa doman singgai in Sabat motoyongdon pangkoion, dá iḷobongdon monia kon tua in ki Yesus.

YOHANES 5:2

Kon Yerusalem kon diug in tampat inta sinangoian “Ngara in Domba” oyúon in tobatú tabang, inta aka kon bonu in bahasa Ibrani sinangoian Betesda. Kon tua ḻima in tampat pobobarasanangan.

OUMAN IN RASUL MITA 21:37

Naonda in ki Paulus diaandon kon bonu in tampat monia tatua, sia in noḻibó kon itoi in tontara tatua, “Motaau degá in akuoi in moyosingog motoyong takin i Tuang?” Dá itoi in tontara tatua in noḻibó, “Eta motaau tumon bahasa in Yunani in iko?”

OUMAN IN RASUL MITA 21:40

Dá naonda in ki Paulus inogoian kasampatan nosingog, sia in sinimindog kon tukad bo nonuḷadá in noguman bá intau mita kon tua in kibio-biópamai. Dá intau mita tatua in kibio-biómaidon. Onda intua ki Paulus nosingog kon i monia takin bahasa Ibrani, kainia,

OUMAN IN RASUL MITA 22:2

Naonda in dinongog monia ki Paulus nosingog nomaké in bahasa Ibrani, nodugangdon nobió in mosia. Ki Paulus in noguman nanaa,

OUMAN IN RASUL MITA 26:14

Dá nongoumpag kon butá in kami. Onda intua nokodongog kon singog in akuoi kon bonu in bahasa Ibrani, ‘Saulus, Saulus! Nongonu sin umuranbí pogutúonmu in Akuoi? Umuranbí mororiga iko aka umuran moḷawang kon i-Nia inta nobaḻí ki Tuangmu.’

IBRANI 13:12

Manangka intua ki Yesus in minatoi doman kon ḷuai in ngara moḷoben in kotá sin mondarit kon umat-Nea nongkon bayongan in dosa. Dugú-Neabí tontaní in pinodugú-Nea.

WAHYU 16:16

Onda intua dimukud mita tatua in nosipun kon datu mita tatua kon tampat inta kon bahasa Ibrani sinangoian Harmagedon (Tampat poyoyangan/pomutúan.)

WAHYU 9:11

Oyúon datu nomarenta kon i monia, datu tatua in ki malaekat inta noḷukad kon irang in popatoi tangoinea aka kon bahasa Ibrani Ki Abadon; bo aka kon bahasa Yunani Ki Apolion (mangaḻenea “Momoguyaat”).