YOHANES 19:19 - Alkitab Singog In Mongondow Masa In Tanaa

¹⁹ Kon dotá omonikan kayu inta pinopopakúan kon i Yesus pinoki popakúan doman i Pilatus in kayu topongkó inta pinaisan, “Ki Yesus Intau Nazaret, Datu in Yahudi.”

YOHANES 19:19 ပူးပေါင်းရင်းမြစ်များ

MATIUS 2:23

Kon tua, sia nogutun kon ḻipú inta tangoinea in Nazaret. Tua komintan nobaḻí sinbá motompodon Pirman inta aindon pinoyaput i nabi mita, kon sia in tangoion, “Intau in Nazaret.”

MATIUS 27:37

Bo kon ḻimonik in uḷu-Nea pinopopakuan monia in dopí inta pinaisan in pais inta binaḻí dodoyonan pinohukuman kon i-Nia: “Naadon in ki Yesus Datu intau Yahudi.”

MARKUS 15:26

Bo kon ḻimonik in kayu pinoyotaḻempang tatua pinopopakúan doman monia in pais inta binaḻí monia dodoyonan pinopopakúan monia kon i-Nia. Nanaa in pinais tua: “Datu Intau in Yahudi”.

LUKAS 18:37

Dá kain tubag doman monia kon intau bilog tatua, “Ki Yesus intau in Nazaret noitaḻib.”

LUKAS 23:38

Kon uḷuanmai i Yesus pinaisan nanaa, “Naadon in Datu Intau Yahudi.”

YOHANES 1:49

“Pak Guru, guman i Natanael, ki Amá in ki Adí i Allah!”

YOHANES 18:33

Ki Pilatus in sinumuot bui kon komaḻig bo nogoiní kon i Yesus poḷat noḻibó, “Degá Iko nion Datu Intau Yahudi?”

YOHANES 19:12

Nokodongogmai kon natua in ki Pilatus, totokdon ramujionnea pobebason in ki Yesus. Táe intau mita in Yahudi totokdon momaḷú in moguman, “Aka ki Tuang mopobebas kon i Nia, yo ki Tuang in deeman yobayat i Kaisar!”

YOHANES 19:14

Wakutu intua singgaidon pinobasadiaan kon poramean Paska, degá jam mopuḷúdon bo doyowa. Ki Pilatus nogumandon kon intau mita tatua, “Naa in datumu!”

YOHANES 19:21

Dá imang mita itoi in noguman kon i Pilatus, “Donaai paison ‘Datu Intau Yahudi’, táe paisbí nanaa, ‘Intau tanaa in noguman, Akuoi Datu Intau Yahudi.’ ”

YOHANES 19:3

bo mopobui-buimai mamangoi kon i Yesus bo moguman, “Mobiag datu intau Yahudi!” Onda intua mosia monokap kon pogot-Nea.

OUMAN IN RASUL MITA 26:9

Koḻipod akuoi in totokbí doman in diá mopirisaya kon ouman soaḷ ki Yesus intau in Nazaret tatua.

OUMAN IN RASUL MITA 3:6

Táe ki Petrus in noguman kon inia, “Aka doit yo diábí in kon inakó naa, táe onu in kon inakó ogoikubí kon inimu: Podoyon kon tangoi i Yesus Kristus intau in Nazaret tatua, mokobayádon in iko!”