YOHANES 19:18 - Alkitab Singog In Mongondow Masa In Tanaa

¹⁸ Kon tua in Sia pinopopakúdon kon kayu pinoyotaḻempang. Oyúon doman intau doyowa in pinopopakú kon kayu pinoyotaḻempang takin i Yesus singgai tua. Tobatú kon dotá in koḷoigi, tobatú kon dotá in koḷanan, bo ki Yesus kon yua-yuak monia.

YOHANES 19:18 ပူးပေါင်းရင်းမြစ်များ

MAZMUR 22:16

Sigoḷokku noingkag naonda bo rumog in posilag, diláku notorondódon. Tuhan, sinaḷáan-Mu in akuoi kon tudu in ḷobud nádon onda bo intau inta ain minatoi.

YESAYA 53:12

Nobayagbí in ginanea in nobogoi in kobiagannea bo pinoyoiap intau moraat. Sia in nomotaan kon dosa in intau mobayong bo nosambayang sinbá mosia in ampungan. Dá inogoian-Ku in sia in intau mobayong nobaḻí tombuinag, bo sia in nokouḻí kon tonsilai noyotakin in intau mita mobanar.”

MATIUS 27:44

Intau mononakow inta pinopopakú doman kon kayu pinoyotaḻempang noyotakin-Nea noningkuḻe doman natua kon i-Nia.

YOHANES 18:32

Naa in nobaḻí sinbá mobaḻídon onu inta ain pinoguman i Yesus soaḷ kopopatoi-Nea.)

YOHANES 19:32

Dá tontara mita tatua in minayá bo nomutoḷ muna kon sioḷ in intau doyowa inta pinopopakú noyotakin i Yesus.

OUMAN IN RASUL MITA 2:23

Bo pinodudui in tomayá i Allah kon i-Nia, Sia pinosarakan kon imonimu. Sia in pinopopakú monimu kon kayu pinoyotaḻempang bo pinomayá mako in iḻimod in intau mita inta mongoromú.

GALATIA 3:13

Táe ki Kristus ain nomilat kon i naton nongkon kutukan in hukum i Musa tatua. Sia nopomayádon mako in awak-Nea tontaní kinutuk sinbá kita in mopilat kon kutukan. Sin kon Buk Motusi ain pinais, “Kinutukdon in intau inta minatoi binambé kon kayu pinoyotaḻempang.”

IBRANI 12:2

Mogaid in kita kon tua takin umuran mopirisaya kon i Yesus, sin Sia tuata inta nopobangon kon pirisaya naton bo umuran noḷukad kon pirisaya naton nongkon pinomangkoianpamai dapot in pangabisannea. Nonahangbí in ki Yesus in iyoyiga kon kayu pinoyotaḻempang! Diábí pinandung-Neamai in matoi kon kayu pinoyotaḻempang tua kon totokbí in mokooyá. Tongábí ḷunganga inta korasaan-Nea kon singgai moiduduimai in umuran pinonorop-Nea mako. Bo tanaa mako, Sia in iḻimitúdon kon dotá in koḷanan i Allah bo nomarenta noyotakin-Nea.