YOHANES 18:8 - Alkitab Singog In Mongondow Masa In Tanaa

⁸ Tubag i Yesus, “Ain pinoguman-Ku kon Akuoibí inta sinayak monimu. Bo aka Akuoibí in tayakon monimu, dá pomayádon mako in ibanea nion mayá.” (

YOHANES 18:8 ပူးပေါင်းရင်းမြစ်များ

YESAYA 53:6

Kita komintan in noiḷangkam naonda bo domba, kon batúannea notayak kon daḷannea-daḷannea. Ki Tuhan ain nopouma kon inia in bayongan aid naton inta moraat.

MATIUS 26:56

Táe totuu kon tua in mustibí mobaḻí sinbá motompodon onu inta aindon pinais kon bonu in buk nabi mita.” Kon tua dumodudui-Nea noḷagui komintan nonaḷámai kon i-Nia.

YOHANES 10:28

Mosia tua in ogoian-Kubí in kobiagan mononoi, bo nopasti bidon kon diábí moputu-putú. Diábí tobatúmai intau in mokoagow kon i monia nongkon ḻima-Ku.

YOHANES 13:1

Tosinggaipa in Singgai Moḷoben Paska, koyongandon kinotaauan i Yesus kon wakutuneadon Sia in monaḷámai kon dunia naa sin mobuidon kon i Amá-Nea. Sia motabi kon intau mita inta nobaḻí kapunyaan-Nea kon dunia naa, bo tantú-Neabí doman kotabi umaai in kopaḷutan dunia naa.

YOHANES 13:36

Ki Petrus in noḻibó kon i Yesus: “Tuhan, kon onda in bayáan i Tuhan?” Ki Yesus in notubag, “Kon onda in bayáan-Ku, diápabí in iko motaau dumudui tanaa mako. Iko in bambí dumudui kon singgai moiduduimai.”

YOHANES 16:32

Pokotorop! Moiangoibí in wakutunea, sedang bo noiangoi bidon, moiko in poyayiton. Moiko in mobuidon kon baḷoinea-baḷoinea bo taḷaandon monimu in Akuoi. Táe Akuoi in diábí tongá Aku-Akuoi mita, sin ki Amá in kotaki-takin-Kubí.

YOHANES 18:7

Bo ki Yesus in bui noḻibó, “Ki ine in tayakon monimu?” Dá kai monia doman, “Ki Yesus Intau in Nazaret.”

YOHANES 18:9

Singog-Nea tatua, noponiata kon nobaḻídon onu inta ain pinoguman-Nea muna nanaa: “Amá, nongkon sigad in intau mita inta inogoi i Amá kon i-Nakó, diá tobatúmai in mobuḻi.”)

KORINTUS 1 10:13

Bayongan in totungkuḷ inta korasaan monimu tua in bagubí totungkuḷ inta biasamai korasaan in intau. Táe ki Allah in tantúbí mosatia kon dandi-Nea. Diábí pomayá-Nea mako in moiko in koantugan totungkuḷ inta moiḻiudon kon komampuan monimu. Kon dodai in koantugan in sobaan in moiko, Sia in umuranbí mobogoi in daḷan kon i monimu, sinbá umuran moropot in moiko bo mokotahang.

KORINTUS 2 12:9

Táe sinubagan i Tuhan nanaa, “Tugatdon in totabi-Ku kon inimu; sin aka naníon kaadaan in awakmu, yo kawasa-Ku in modugangbí moropot.” Tuabí manangka in mopiabí totok in ginaku bo duíonkubí in onu inta nogaat kon awakku. Sin aka akuoi bo diádon mokopongonu, yo kon wakutu intuata korasaanku in kawasa i Kristus inta totok in moḷoben motuḷung kon i nakó.

EPESUS 5:25

Buḷoi ḷoḷaki, musti motabi kon i buḷoinea, ná doman tabi i Kristus kon jamaat inta dapot in noposarakan in awak-Nea sin kopontingan in jamaat tatua.

PETRUS 1 5:7

Posarakaidon kon i Allah in bayongan inta mokoḻia-ḻiaw kon ginamu, sin Siabí in umuran moindoi kon inimu.