YOHANES 18:40 - Alkitab Singog In Mongondow Masa In Tanaa

⁴⁰ Táe mosia in nomaḷúdon totok, “Diá motaau, dikabí in intau tanion, ki Barabasdon!” (Ki Barabas naa in tobatú intau mogogagow bo mononakow.)

YOHANES 18:40 ပူးပေါင်းရင်းမြစ်များ

MATIUS 26:55

Wakutu intua ki Yesus nosingog kon intau moantó inta namangoi nodomok kon i-Nia, “Irai monimu degá Akuoi naa mononakowbí sahingga in moiko mamangoi kodia-dia in pitow bo bobobak bo modomok kon i-Nakó? Pomuḷoi in singgai Akuoi in ḻimitú mako kon Baḷoi Tuhan, bo motundú kon tua táe diábí dinomok monimu!

MATIUS 27:16

Kon wakutu intua kon ponjara oyúon tobatú intau inta totok in moraat, tangoinea in ki Yesus Barabas.

MATIUS 27:26

Bo ki Barabas in pinoḷuaineadon bo inogoi kon i monia, táe ki Yesus in sinambokneapa muna; bodongka pinosarakannea sin pokipopakúdon kon kayu pinoyotaḻempang.

MARKUS 15:15

Moibog in ki Pilatus moposanang gina intau moantó tatua, dá pinoḷuaineadon in ki Barabas kon i monia. Onda intua sia nopotabá in intau nosambok kon i Yesus, bodongka pinosarakan sin popopakúdon kon kayu pinoyotaḻempang.

MARKUS 15:7

Kon bonu in ponjara tatua oyúon intau tangoinea ki Barabas. Sia in pinonjara takin tongonumai intau inta nomarontak wakutu in korusuhan sin mosia tua in noḻimod.

LUKAS 23:25

bo pinobebasneadon in intau inta inigum monia. Tobatú intau inta pinonjara popisí in pinomarontakan bo pinoḻimodan. Onda intua ki Yesus in pinosarakanneadon kon i monia sin aidanmai podudui in ibog intau mita tatua.