YOHANES 18:20 - Alkitab Singog In Mongondow Masa In Tanaa

²⁰ Ki Yesus in notubag, “Akuoi in umuran taran-tarangan kon tayowon intau mobayong. Akuoi umuran doman mobogoi in totundú kon bonu in baḷoi pososambayangan bo kon bonu in Baḷoi Allah inta nobaḻí tampat poyoyosipunan intau in Yahudi. Diábí kon dodai onda Akuoi tongá umuni-uni in mosingog.

YOHANES 18:20 ပူးပေါင်းရင်းမြစ်များ

MAZMUR 22:22

Akuoi in diádon mokopongonu, poḷuatdon in akuoi nongkon tungoi in bantong bo nongkon tunggi in singa.

MAZMUR 40:9

Mopia in ginaku in mogaid kon kinoibog-Mu, o Allah, hukum-Mu sinagúku kon bonu in gina.”

YESAYA 45:19

Akuoi in diábí tongá umuni-uni in mosingog, andeka tongá bunion kon intau ibanea. Akuoi in diábí nopotabá kon umat-Ku Israel motayak kon i-Nakó takin diá in mangaḻenea. Akuoi, ki Tuhan, mosingog kon inta banar, bo mopotaau kon onu inta totuu.”

YESAYA 48:16

Angoidon diug kon i-Nakó bo indongogaidon, nongkon dungkuḷpabímai diábí bunion-Ku in tosingogon-Ku; onu in siningog-Ku umuranbí pototuu-Ku.” Tanaa in ki Tuhan Allah nopotabá kon inakó bo nobogoi kon inakó in kawasa-Nea tontaní.

MATIUS 24:26

Aka intau moguman kon i monimu, ‘Indoiai, Sia intua kon Padang gurun!’ – dikabí moiko mayá intua. Andeka, kai monia, ‘Indoiai, Sia intua kon bonu in yuang!’ – dikabí in moiko mopirisaya.

MATIUS 26:55

Wakutu intua ki Yesus nosingog kon intau moantó inta namangoi nodomok kon i-Nia, “Irai monimu degá Akuoi naa mononakowbí sahingga in moiko mamangoi kodia-dia in pitow bo bobobak bo modomok kon i-Nakó? Pomuḷoi in singgai Akuoi in ḻimitú mako kon Baḷoi Tuhan, bo motundú kon tua táe diábí dinomok monimu!

MATIUS 26:65

Nokodongogmai kon tua, ki imang moḷoben nomerak kon ḷambungnea, bo nosingog, “Sia in noningkuḻe kon i Allah! Diá bidon paraḷu in kita motayak kon sakusi ibanea. Moiko tontaní in nokodongogdon kon tosingogon inta pinoningkuḻe-Nea kon i Allah.

MATIUS 4:23

Ki Yesus minaya-mayá mako in bayongan ḻipú kon Galilea. Sia in sinumuot bo notundú kon bonu in baḷoi pososambayangan poḷat nopotaau in Habar Mopia soaḷ naonda in ki Allah mamangoi momarenta saḷaku Datu. Kon tua Sia nongundam doman kon bayongan panyaki in intau mita inta kon tua.

MATIUS 9:35

Natuata in inaidan i Yesus kon wakutu in Sia minaya-mayá mako in bayongan kotá bo ḻipu-ḻipúannea. Sia in nobogoi in totundú kon bonu in baḷoi mita pososambayangan bo nopoyaput in Habar Mopia kon naonda in ki Allah momarenta saḷaku Datu. Sia in nongundam doman kon bayongan takit bo yoyiga.

MARKUS 8:32

Nosilangbí totok in pinongonguman i Yesus kon murí-Nea mita soaḷ tatua. Dá inugut pinosí i Petrus bo sinogurnea in ki Yesus.

LUKAS 21:37

Aka singgai, ki Yesus in mobogoi in totundú kon bonu in Baḷoi Pososambayangan, táe aka doḷom yo sia in mayá in Buḷud Zaitun mogutun kon tua.

LUKAS 4:15

Kon tua, Sia minaya-mayá mako kon baḷoi pososambayangan bo nopoyaput in Habar Mopia bo umuran dayowon in bayongan intau in Sia.

YOHANES 18:21

Dá nongonu sin iko in moḻibóbí kon i-Nakó natua? Ḻibódon kon i monia inta ain nokodongog kon onu inta sinundú-Ku; kinotaauan bidon monia totok onu inta siningog-Ku.”

YOHANES 6:59

Tua komintan in pinoguman i Yesus dodai in Sia nobogoi in totundú kon baḷoi pososambayangan kon Kapernaum.

YOHANES 7:14

Wakutu in koyogotdon pinoramean, ki Yesus in sinumuot kon Baḷoi Tuhan, bo nomangkoidon nobogoi in totundú.

YOHANES 7:26

Táe indoiai mobebasbí in Sia in mosingog kon tayowon intau moantó, bo diábí in moguman kon onu bo onu kon i-Nia. Kinotaauandon degá in pomarenta naton kon Sia naa in Datu Mopoposaḷamat?

YOHANES 7:28

Wakutu in ki Yesus koyogot mobogoimai in totundú kon bonu in Baḷoi Tuhan, Sia in nosingog noropot, kai-Nia, “Dá kinotaauan bidon monimu mongo ki ine in Akuoi naa bo kinotaauan bidon monimu in asaḷ usuḷ-Ku? Tongá bá kotaauan monimu, kon deemanbí ibog-Ku tontaní in namangoi. Akuoi naa in pinotabábí i-Nia inta Mobanar, táe diá kinotaauan monimu in Sia.

YOHANES 7:4

Diábí intau in mobuni kon onu inta inaidannea, aka moibog in sia kotaauan in bayongan intau. Aka Iko in mogaid kon soaḷ mita ná tatua, yo musti poontong kon bayongan in dunia!” (

YOHANES 8:2

Nopoikoḷomai kon singgai, subupa Sia in minayádon bui in Baḷoi Tuhan, bo nobayong intau in namangoi kon i-Nia. Ki Yesus in iḻimitú bo nomangkoidon nobogoi in totundú kon i monia.

YOHANES 8:26

Mobayongpabí in musti poguman-Ku bo hakimon-Ku soaḷ moiko nion. Táe Sia inta nopotabá kon i-Nakó in diábí mouboḷ. Bo Akuoi in mopotaau kon dunia naa onu inta dinongog-Ku nongkon i-Nia.”

OUMAN IN RASUL MITA 26:26

Ki Tuang Agripa tontaní in porasaanku nonotaaubí totok kon soaḷ mita tanaa. Tuamai nobaranidon taran-tarangan in akuoi in nosingog kon tayowon i Tuang. Sin nodait bidon kinotaauan i Tuang in naa komintan, sin diábí in nobaḻí kon tampat inta noibuni.