YOHANES 17:21 - Alkitab Singog In Mongondow Masa In Tanaa

²¹ Akuoi in mopoigum Amá sinbá mosia komintan in motobatúdon, ná ki Amá notobatú takin-Ku bo Akuoi in notobatú doman i Amá; sinbá mosia in motobatú doman takin Naton sinbá dunia in mopirisaya kon Ikobí inta ain nopotabá kon i-Nakó.

YOHANES 17:21 ပူးပေါင်းရင်းမြစ်များ

YEREMIA 32:39

Akuoi in mobogoibí kon i monia in tongábí tobatú in tujuan kobiagan: tuata in mohoromat kon i-Nakó modapot in mononoi; tua in modiabí kon kopiaan kon i monia tontaní, bo kon i buí monia.

ZEPANYA 3:9

Táe onda intua baḷuian-Ku in gina in bangusa mita tatua, dá mosia in dongkadon mosambayang kon i-Nakó, bo diá bidon kon ilah mita ibanea. Bangusa mita tatua in komintanbí dumudui kon i-Nakó.

ZAKHARIA 14:9

Dá ki Tuhan in momarenta saḷaku datu kon sinangkub in butá; pomuḷoi in intau in mosumbabí kon i-Nia saḷaku ki Allah bo monotaau kon i-Nia takin tangoi inta notongkai intua.

MARKUS 3:24

Sin aka tobatú dodatuan bo mosilai mokolo-kolompó inta mososaturuan, yo diábí mononoi in dodatuan tatua.

YOHANES 10:16

Oyúonpabí doman in domba-Ku mita ibanea, inta diá noitakin kon paanan in domba tanaa. Mosia tua in mustibí doman diaan-Ku bo mosia in mokidongogbí kon singog-Ku. Mosia komintan in mobaḻí topaanan takin tobatú in gombalanea.

YOHANES 10:30

Akuoi bo ki Amá in tobatúbí.”

YOHANES 10:38

Táe popisí in inaidan-Ku intua, dá pirisayadon in onu in inaidan-Ku tatua, umpakabí moiko doí mopirisaya kon i-Nakó. Takin natua yo kotaauandon bo komangaḻeandon monimu kon ki Amá in umuranbí notobatú takin-Ku, bo Akuoi in umuranbí doman notobatú i Amá.”

YOHANES 11:42

Kinotaauan-Kubí kon umuran-Mubí indongogan in Akuoi, táe singogon-Ku in naa, kon tayowon in intau mita inta kon naa, sinbá mopirisaya in mosia kon Ikobí in nopotabá mangoi kon i-Nakó.”

YOHANES 13:32

Aka ki Allah pomuliaan pongin i-Nia, dá Sia in pomuliaanbí doman i Allah pongin awak-Nea tontaní. Bo ḷagi bidon pomuliaan i Allah.

YOHANES 13:35

Aka moiko bo mositabian, yo kotaauandon in intau kon moiko nion in murí-Kubí mita.”

YOHANES 17:11

Akuoi in mamangoidon kon inimu in tanaa. Diá bidon in Akuoi mogutun kon dunia naa, táe mosia in umuranpabí kon dunia naa. Amá inta motusi! Ḷukadaipa in mosia takin kawasa in tangoi-Mu. Tangoi inta ain inogoi-Mu kon i-Nakó – sinbá mosia in motobatúdon ná kitada.

YOHANES 17:18

Ná ki Amá nopotabá kon i-Nakó namangoi in dunia naa, dá natua doman in Akuoi mopotabá kon i monia kon dunia naa.

YOHANES 17:20

Bo deemanbí tongá mosia in sambayangan-Ku, táe intaubí doman mita inta mopirisaya kon i-Nakó kon singgai moiduduimai sin mosia in nopirisaya kon onu inta pinotaau monia naa.

YOHANES 17:25

Amá inta moadil! Diá kinotaauan in dunia naa in ki Amá, táe Akuoi in nonotaaubí kon i Amá bo intau mita tanaa in nonotaau bidon kon ki Amábí in nopotabá kon i-Nakó.

YOHANES 17:3

Nanaa in kobiagan mononoi tua; ibogon tua bayongan intau in monotaau kon i Amá inta tongábí Sia tua in ki Allah inta mobanar, bo monotaau doman kon i Yesus Kristus inta pinotabá i Amá.

YOHANES 17:8

Pinotaau-Kudon kon i monia in singog inta inogoi i Amá kon i-Nakó; bo sinarimadon monia. Kinotaauan monia kon Akuoi in totu-totuubí namangoi nongkon i Amá bo mosia in mopirisayabí kon ki Amábí in nopotabá kon i-Nakó.

YOHANES 3:17

Sin ki Allah in nopotabá kon i Adí-Nea namangoi in dunia naa deemanbí mamangoi mohakim kon intau kon dunia naa, táe mamangoibí moposaḷamat kon i monia.

YOHANES 5:23

Pinomia i Amá intua sinbá bayongan in intau mohoromat kon i Adí ná mosia in mohoromat kon i Amá. Intau inta diá mohoromat kon Adí in diábí doman mohoromat kon i Amá inta nopotabá mangoi kon i Adí.

OUMAN IN RASUL MITA 2:46

Pomuḷoi in singgai mosia in moyosipun kon Baḷoi Tuhan; mosia mongaan doman moyotakin kon baḷo-baḷoiannea. Tua komintan inaidan monia takin pia in gina bo takin doman dodia inta moompá.

OUMAN IN RASUL MITA 4:32

Komintan intau inta ain nopirisaya tua in nobiag notobatú kon gina bo porasaan. Diá tobatúmai in kon sigad monia tua in norai kon onu inta kon i monia yo tongábí monia tontaní in kitogi.

SURAT I PAULUS KON JAMAAT RUM 12:5

Natua doman in kita. Umpaka kita in nobayong, táe kita in tongoawakanbí monag, sin kita ain notobatú kon i Kristus. Bo kita komintan in noyoguputbí in tobatú bo tobatú saḷaku anggota in awak tobatú.

KORINTUS 1 1:10

Utatku mita! Podoyon kon tangoi i Tuhan naton ki Yesus Kristus, poigumonku sinbá moiko umuran mosiduduian bo mokokidongogan; donaai umuran mobobayowan. Tantúbí kotobatúon in gina bo raian.

KORINTUS 1 12:12

Ki Kristus tua in ná bí onda bo awak in intau; awak naa in tongábí tobatú, táe nobarong in anggotanea. Táe umpakabí nobarong in anggota in awak tua, táe tongoawakanbí monag.

KORINTUS 1 6:17

Táe intau inta moibog motobatú i Tuhan, tantú rohonea in notobatúbí doman in Roho i Tuhan.

GALATIA 3:28

Tuamai intau in Yahudi andeka intau in Yunani, diá bidon in yoposinea bo diábí domandon in sinangoian ata andeka intau nobebas, ḷoḷaki andeka bobay. Moiko komintan ain bidon notobatú takin i Kristus Yesus.

PILIPI 1:27

Dá tuamai naa in poigumonku, kobiagbí in moiko podudui in onu inta pinoigum kon bonu in Habar Mopia i Kristus, sinbá aka moiangoi in akuoi yo diá bo diá kodongogankudon, kon moiko in umuranbí notobatú kon gina bo raian in moramuji mogaid kon onu inta pinirisaya podudui in Habar Mopia nongkon i Allah.

YOHANES 1 1:3

Onu inta ain inontong bo dinongog nami, tuabí doman in potaau nami kon i monimu, sinbá moiko in motobatú domandon nami bo motobatú domandon i Amá bo i Kristus ki Adí-Nea.

YOHANES 1 5:7

Toḷu in sakusi kon soroga: ki Amá, Pirman bo Roho Mokudus. Toḷu tatua in notobatúbí: