YOHANES 17:10 - Alkitab Singog In Mongondow Masa In Tanaa

¹⁰ Onda in kapunyaan-Ku, kapunyaanbí doman i Amá-Ku intua, bo onda in kapunyaan i Amá, kapunyaan-Kubí doman tua. Akuoi ain pinomulia kon sigad monia.

YOHANES 17:10 ပူးပေါင်းရင်းမြစ်များ

YOHANES 10:30

Akuoi bo ki Amá in tobatúbí.”

YOHANES 11:4

Táe naonda in dinongog i Yesus in habar tatua, Sia in noguman “Takitnea tatua in diábí mokopatoi kon inia. Naa in nobaḻíbí sinbá kawasa i Allah poponiatadon bo bá popisí in takit tatua ki Adí i Allah in poḷantudon doman.”

YOHANES 12:23

Ki Yesus in noguman kon i monia, “Wakutuneadon Adí Intau pomuliaan.

YOHANES 5:23

Pinomia i Amá intua sinbá bayongan in intau mohoromat kon i Adí ná mosia in mohoromat kon i Amá. Intau inta diá mohoromat kon Adí in diábí doman mohoromat kon i Amá inta nopotabá mangoi kon i Adí.

OUMAN IN RASUL MITA 19:17

Bayongan intau in Yahudi bo intau mita ibanea inta nogutun kon Epesus komintan nokodongog kon soaḷ mita tatua, dá nongoondok in mosia bo totok in nodayow kon tangoi i Tuhan Yesus.

GALATIA 1:24

Dá mosia totokdon in nodayow kon i Allah sin akuoi in nopirisaya domandon kon tua.

PILIPI 1:20

Inta totok in kinoibogku bo iharapku mako in bá diá mokoimontanmai in akuoi in diá mokopogaid kon oaidanku. Táe haraponku bá pomuḷoi mako, torutama totok in tanaa mako mobaranidon totok in akuoi sahingga in bayongan onu inta kon inakó – mobiag andeka matoi – ki Kristus in pomuliaan.

KOLOSE 2:9

Sin bayongan in onu inta oyúon kon i Allah in tuadon komintan kon i Kristus, inta kon bonu in kaadaan-Nea saḷaku intau.

TESALONIKA 2 1:10

tua komintan in mobaḻí kon singgai koangoian-Nea kon wakutu in poḷantudon in umat-Nea in Sia bo horomaton in bayongan intau inta mopirisaya kon i-Nia. Moiko nion in moyotakinbí doman in umat mita i Allah tatua sin moiko in nopirisaya kon habar inta pinoyaput nami kon i monimu.

TESALONIKA 2 1:12

Aid monimu tatua aindon nopoḷantud kon i Tuhan naton ki Yesus Kristus, sahingga in moiko in poḷantudon doman i Tuhan Yesus lantaran pia in gina i Allah naton bo i Tuhan Yesus Kristus.

PETRUS 1 2:9

Táe moiko nion in bangusa inta kinopiḻían, imang mita inta mobantung kon datu, bangusa inta mokudus, umat inta kapunyaan i Allah. Ain piniḻí bo inoiní i Allah in moiko iḷumuai nongkon sindip bo mayá tumuot kon bayag-Nea inta momulia, takin makusud bá moiko in mopotaa-taau mako in habar in bayongan inta pinomia i Allah inta diá in poḻiuan tua.