YOHANES 16:25 - Alkitab Singog In Mongondow Masa In Tanaa

²⁵ “Naa komintan in poguman-Ku kon i monimu takin momaké in oandaian. Táe moiangoibí in wakutunea, Akuoi in diádon momaké in oandaian, táe poguman-Ku bidon taran-tarangan kon i monimu in soaḷ ki Amá.

YOHANES 16:25 ပူးပေါင်းရင်းမြစ်များ

MAZMUR 49:4

Akuoi in mopoyaputbí in tosingogon mita inta mobijaksana, onu in kon raianku naa totuubí modaḷom.

MAZMUR 78:2

Akuoi in moibog mopoyaput in tangkí bo poumpamaan, bo moginsilang kon tangkí dungkuḷmai,

AMSAL 1:6

Pongin natua dá mosia in monotaaudon kon onu inta noibunipa kon bonu in tonggina bo monotaaudon kon tosingogon mita in intau mobijaksana bo onu mita inta pinoyaput monia.

YEHEZKIEL 20:49

Táe akuoi ki Yehezkiel nomayow poḷat moguman, “Tuhan Inta Totok in moḷantud, dika potabá in akuoi moguman kon tua! Bayongan in intau ain nogamui sin akuoi in moibog mosingog pongin tangkí dá mororiga komangaḻean.”

MARKUS 4:13

Onda intua, ki Yesus in noguman kon i monia, “Aka diá komangaḻean monimu in poumpamaan tatua, yo naondabí in komomangaḻe monimu kon poumpamaan ibanea mako?

MARKUS 4:34

Ki Yesus umuran nomaké in poumpamaan aka motundú kon intau mita tatua. Táe aka kon murí-Nea mita, yo daiton-Neabí insilangan.

MARKUS 8:32

Nosilangbí totok in pinongonguman i Yesus kon murí-Nea mita soaḷ tatua. Dá inugut pinosí i Petrus bo sinogurnea in ki Yesus.

YOHANES 10:24

Dodai intua intau mita in Yahudi namangoi noḻipung kon i Yesus. Mosia in noguman, “Modapot in toonu in pomayá-Mu mako in kami diá motantú in pirisaya? Pogumankadon kosilang, aka Iko nion totu-totuu Datu Mopoposaḷamat.”

YOHANES 10:6

Ki Yesus in nongonguman kon poumpamaan tatua, táe diá kinotaauan monia in makusud-Nea.

YOHANES 16:12

Mobayongpabí in musti poguman-Ku kon i monimu, táe tanaa mako in diápa mokosanggup in moiko in motarima kon tua mita.

YOHANES 16:2

Moiko in poḷuaionbí nongkon baḷoi mita in pososambayangan. Bo moiangoibí in wakutunea kon intau inta moḻimod kon i monimu in mosangka kon sia tua in dinumuduibí kon parenta i Allah.

YOHANES 16:32

Pokotorop! Moiangoibí in wakutunea, sedang bo noiangoi bidon, moiko in poyayiton. Moiko in mobuidon kon baḷoinea-baḷoinea bo taḷaandon monimu in Akuoi. Táe Akuoi in diábí tongá Aku-Akuoi mita, sin ki Amá in kotaki-takin-Kubí.

KORINTUS 2 4:2

Kami in doíbí tongá umuni-uni sin mokooyábí in natua. Bo kami in doíbí mogaid takin gina inta diá motuḻid bo poḷat doman mopotaḷá in singog i Allah. Kami in nogaid kon oaidan i Allah takinbí gina motuḻid ná inta kinoibog-Nea. Tuamai in harapon mako tua, kopiaan in monilai kon i nami.