YOHANES 16:24 - Alkitab Singog In Mongondow Masa In Tanaa

²⁴ Umaai in tanaa mako, moiko in diápa kon dodai onda in noigum kon onu bo onu pinongin tangoi-Ku. Poigumdon, dá motarimabí in moiko, sinbá ḷunganga in ginamu motompodon.”

YOHANES 16:24 ပူးပေါင်းရင်းမြစ်များ

KINOBAḺIAN 32:9

Onda intua ki Yakub in nosambayang, “O Allah, inta sinumba i akiku ki Abraham, bo i amáku ki Ishak, indongogaipa in akuoi! Ki Tuhan ain nopotabá kon inakó mobui kon butáku bo kon ginaḷumku. Bo ki Tuhan nodandi kon monompia kon inakó.

DATU MITA IMITÁNEA 18:36

Naonda in orasdon moposumba in kuruban ḷoḷabungnea, ki Nabi Elia in dinimiug kon mezbah tatua bo nosambayang, “Oo Tuhan, Allah inta sinumba i Abraham, i Ishak bo i Yakub, poniatadon in tanaa mako kon Ikobí in Allah kon Israel, bo akuoi naa in mogogundoi-Mu. Poniatadon doman kon bayongan inta pinomiaku naa in parenta-Mubí.

DATU MITA 2 19:15

bo nosambayang, kainia, “Tuhan, Allah in Israel, inta iḻimitú kon tudu in Kerub, Tongábí Iko tontaní in Allah inta nongawasa kon bayongan in dodatuan kon dunia naa. Ikobí in nomaḻí kon ḷangit bo butá.

MATIUS 6:9

Tuamai aka moiko bo mosambayang yo singogdon naa: ‘O Allah, Amá nami inta kon soroga, tongábí Iko in ki Allah inta sinumba bo inta dayo-dayowon nami.

YOHANES 14:1

“Donaai mohawatir in ginamu,” guman i Yesus kon i monia. “Popirisayadon kon i Allah, bo popirisaya kon i-Nakó doman.

YOHANES 14:14

Onukabí in poigumon monimu podoyon kon tangoi-Ku, yo aidan-Kubí.”

YOHANES 15:11

Naa mita in pinoguman-Ku kon i monimu, sinbá sanang in gina-Ku oyúon domandon kon i monimu, bo sanang in gina-Ku motompodon.

YOHANES 16:23

Kon singgai tatua, moiko diá bidon moḻibó kon onu bo onu kon i-Nakó. Poguman-Kudon kon i monimu: Onukabí in igumon monimu kon i Amá podoyon kon tangoi-Ku, ogoibí i Amá intua kon i monimu.

YOHANES 3:29

Nonikaan bobay tatua in kapunyaanbí in nonikaan ḷoḷaki. Yobayat in nonikaan ḷoḷaki tatua tongábí simindog moyotakinnea bo mokidongog, bo mopia in ginanea aka mokodongog kon singog in nonikaan ḷoḷaki. Natuabí doman in akuoi. Mopiadon totok in ginaku in tanaa.

TESALONIKA 2 1:2

in umuran mopoigum mako in doa sinbá ki Allah ki Amá naton bo ki Tuhan Yesus Kristus mobogoi in barakat bo kobiagan motompia kon i monimu komintan.

YOHANES 2 1:12

Mobayongpa in pogumanku kon i Iná, táe mopia-piabí kon deeman tongá pongin surat. Haraponku mako tua, akuoi in motaaupa mayá mokipodungkuḷ kon i monimu bo mongonguman moyogintayowan mako monimu, sinbá gina naton totu-totuudon moḷunganga.