YOHANES 16:17 - Alkitab Singog In Mongondow Masa In Tanaa

¹⁷ Nokodongogmai kon natua, tongonumai in murí-Nea nosiḻibóan, “mongo onu in makusud-Nea in noguman: ‘Diá bidon moonggot bo diádon in moiko mokoontong kon i-Nakó, bo diá domandon moonggot in poindoian monimu kon i-Nakó. Bo Akuoi in mayá kon i Amá’?”

YOHANES 16:17 ပူးပေါင်းရင်းမြစ်များ

MARKUS 9:10

Dinuduian monia in koyow tatua, táe mosia tontaní in momangkoidon mongonguman mongo onu in makusud in singog i Yesus, “mobiag bui nongkon kinopatoian”.

MARKUS 9:32

Diá kinomangaḻean in murí-Nea mita in makusud in singog i Yesus tatua, táe moondok mosia in moḻibó kon i-Nia.

LUKAS 18:34

Singog i Yesus tatua, diábí kinomangaḻean in murí-Nea mita tatua. Mangaḻe in singog mita tatua in sinokobunibí kon i monia. Dá diábí kinotaauan monia mongo onu in inouman-Nea tatua.

LUKAS 9:45

Tongá diá kinomangaḻean in murí-Nea mita in singog-Nea tatua. Sin tua in sinontuonbí binuni kon i monia sinbá diá komangaḻean monia. Bo mosia in moondok doman in moḻibó kon i-Nia.

YOHANES 12:16

Dodai intua diápa nodait kinomangaḻean in murí mita i Yesus intua. Táe naonda in ki Yesus pinomulia, bain tua bo kinotoropan monia in onu inta ain pinomia in intau mita kon i Yesus, ain bidon pinais kon bonu in Buk Motusi.

YOHANES 14:22

Ki Yudas (deemanbí ki Yudas Iskariot) in noḻibó kon i Yesus, “Tuhan, nongonu sin ki Tuhan in mokipogontongbí kon inami deemanbí kon dunia?”

YOHANES 14:5

Bo ki Tomas in noguman kon i Yesus, “Tuhan, diá kotaauan nami mongo kon onda in bayáan i Tuhan, yo naondabí in kotaauan nami in daḷannea?”

YOHANES 16:1

Tua komintan in potaau-Ku kon i monimu sinbá diá mobaḷui in pirisaya monimu.

YOHANES 16:16

“Diádon moonggot bo diádon in moiko mokoontong kon i-Nakó, ná doman tua diádon moonggot poindoian mako monimu kon i-Nakó.”

YOHANES 16:18

Mosia in umuran moḻibó, “Onu in mangaḻenea, ‘diádon moonggot’? Diá komangaḻean naton mongo onu in oumanon-Nea tanion!”

YOHANES 16:19

Kinotaauanbí i Yesus kon mosia in moibog moḻibó kon i-Nia. Dá tuamai Sia in noguman, “Koina Akuoi in noguman, ‘Diádon moonggot, moiko in diádon mokoontong kon i-Nakó, bo diá domandon moonggot poindoian monimu kon i-Nakó.’ Tua degá inta oumanonmai monimu mongo onu in makusudnea?

YOHANES 16:5

Táe tanaa Akuoi in mayádon kon i-Nia inta ain nopotabá mangoi kon i-Nakó; bo diá tobatúmai intau kon sigad monimu in moḻibó kon onda in bayáan-Ku.