YOHANES 15:26 - Alkitab Singog In Mongondow Masa In Tanaa

²⁶ Potabá-Kubí mangoi kon i monimu in Mototuḷung tobatú inta nongkon i Amá. Tuata in Roho inta moponiata kon kobobanar soaḷ ki Allah. Aka Sia in mamangoidon, yo Sia in mobogoibí in kosakusian soaḷ Akuoi.

YOHANES 15:26 ပူးပေါင်းရင်းမြစ်များ

LUKAS 24:49

Sin onu inta ain pinodandi i Amá kon i monimu, Akuoibí in mobogoi. Táe moiko in musti umuran mogoḷat kon kotá tanaa modapot ogoiandon i Allah in kawasa in moiko.”

YOHANES 14:26

Táe Roho i Allah, Mototuḷung inta bain potabá i Amá podoyon kon tangoi-Ku. Siadon tua in motundú kon i monimu kon bayongan rupa-rupa bo moponorop bui kon i monimu kon bayongan inta ain pinotaau-Ku kon i monimu.

YOHANES 16:7

Táe totuubí in poguman-Ku tanaa kon i monimu: Totokbí in mopia kon i monimu aka mayá in Akuoi, sin aka Akuoi bo diá mayá, yo diábí mamangoi kon i monimu in mototuḷung tatua. Táe aka Akuoi bo mayá dá potabá-Kubí mangoi in Sia kon i monimu.

YOHANES 8:42

Dá ki Yesus in noguman kon i monia, “Aka ki Allah tua ki Amámu, yo motabibí in moiko kon i-Nakó, sin Akuoi in namangoibí nongkon i Allah. Bo deemanbí ibog-Ku tontaní in namangoi, táe ibogbí i-Nia inta nopotabá mangoi kon i-Nakó.

OUMAN IN RASUL MITA 1:4

Bo kon wakutu in Sia noyosipun noyotakin monia, Sia in noguman kon i monia nanaa, “Dikapa in moiko monaḷámai kon Yerusalem. Oḷatdon kon tua modapot in ki Amá mobogoidon kon onu inta pinodandi-Nea, inta ain pinotaau-Ku kon i monimu koḻipod.

OUMAN IN RASUL MITA 15:8

Bo ki Allah inta nonotaau kon gina in bayongan intau in noponiatadon kon sinarima-Nea bidon in mosia; soaḷ tatua pinoniata-Nea takin nobogoi in Roho-Nea kon i monia ná inta ain inogoi-Nea kon i naton.

OUMAN IN RASUL MITA 5:32

Ain bidon inontong nami tontaní in kinobaḻian intua komintan. Kami bo Roho doman i Allah inta inogoi i Allah kon bayongan intau inta umuran dinumudui kon parenta-Nea.”

KORINTUS 1 1:6

Bo tua komintan mangaḻenea in moponiatabí kon naanta habar mopia i Yesus Kristus tua in totu-totuu bidon noitonop kon bonu in ginamu.

IBRANI 2:4

Koḻikud intua, iniropotan doman i Allah in bayongan inta ain inouman in intau mita tatua takin nopoontong in noyagi-yagimai aid inta mokoherang totok kon intau bo soaḷ mita inta diá in poḻiuan bo poḷat nosila-silai mako kon onu inta pinonotabi in Roho i Allah podudui in ibog-Nea tontaní.

WAHYU 22:1

Bo malaekat tatua in nopoontong doman kon inakó in ongkag inta mobogoi in kobiagan. Ongkag tatua in nosilang totok naonda bo kristal inta moiḻig nongkon tampat pomomarentaan i Allah bo i Adí in Domba tatua,