YOHANES 15:2 - Alkitab Singog In Mongondow Masa In Tanaa

² Pomuḷoi in tanga kon i-Nakó inta diá momomungai, pongkóon-Nea, bo pomuḷoi in tanga inta momungai, gaatannea in daunnea bo daritan-Nea sinbá modugangdon modatog in bungainea.

YOHANES 15:2 ပူးပေါင်းရင်းမြစ်များ

AYUB 17:9

Intau inta mopia bo inta diá kotaḷá, moyakindon totok kon kobobiagnea mokosanang kon i Allah.

MAZMUR 92:14

Mosia in naonda bo pangkoi in kayu inta pinomuḷa kon Baḷoi Tuhan, bo mobui kon Baḷoi Allah naton,

AMSAL 4:18

Daḷan in intau moraat in mosindip ná kon sindip in doḷom. Mosia in moipintud bo moḷabú diá butungonmai monia. Noyotoḻikud kon tua in daḷan inta bayáan in intau mopia in naonda bo kinobukaan in mata in singgai; koonggot-koonggot kobayag-kobayag, modapot in imbuitnea mobayagdon totok.

YESAYA 27:9

Táe dosa mita in Israel in tongábí motaau ampungan aka mezbah in dewa mita giḻingon koyimokon naonda bo silon. Bayongan in pototubáan kon dupa bo lambang i Dewi Asyera in rimumudon doman.

YESAYA 29:19

Intau mita bogá bo mokooyá in mokorasadon bui kon kobiagan mopia inta inogoi i Allah inta mokudus Allah in Israel.

DANIEL 11:35

Tongosilai nongkon itoi mita inta mobijaksana in koḻimodanbí, táe tua in mobaḻíbí totungkuḷ kon umat modapot in mosia mobaḻí modarit. Tua in mobaḻíbí modapot in singgai tumi, singgai inta ain sinantú i Allah.

HOSEA 6:3

Tuamai in koḻigai in kita moḷongasi totu-totuu monotaau kon i Tuhan. Sia in notantúbí kon mamangoi kon i naton naonda bo koangoi in bayag doḷo-doḷom, bo naonda bo uyan inta nomuntad kon butá kon imbuit in pongonguyan.”

MALEAKHI 3:3

Sia in mamangoi sin mohakim, naonda bo intau inta mondarit bo mopomurni in saḷaka. Naonda bo intau momomia kon logam mopomurni in buḷawan bo saḷaka, natuata in totabá i Tuhan in mopomurni in imang mita sinbá mosia in moposumba in kuruban mita podudui kon onu inta kinoibog i Tuhan.

MATIUS 13:12

Intau inta oyúondon kon inia in duganganbí ogoian, sinbá sia in mokouḻí kon moiḻiu in kobayongnea. Táe intau inta diá in kon inia yo onupa inta kon inia yo daitondon gamáan.

MATIUS 13:33

Onda intua ki Yesus nongonguman doman kon poumpamaan nanaa kon i monia. “Aka ki Allah mamangoi momarenta, yo ná umpama ragi inta ginamá in bobay, bo pinobauk kon topong torigu opat nopuḷú noliter nodapot in kinumutad komintan!”

MATIUS 15:13

Tubag i Yesus, “Pomuḷoi in pinomuḷa inta deeman ki Amá-Ku in nomuḷa, yo musti rabuton takin uakatnea mita.

MATIUS 21:19

Kon diugmai in daḷan oyúon pangkoi in ara inontong-Nea, dá Sia minayá notayak kon bungainea, táe diá nokouḻí kon tobatúmai koḻikudbí in daunnea mita kon tua. Dá siningog-Nea in pangkoi ara tatua, “Iko in diá bidon mopomunga-mungai!” Bo kon dodaipa doman tatua, pangkoi in ara tatua noingkag.

MATIUS 25:29

Sin pomuḷoi intau inta nooyúondon yo duganganbí bui, sinbá kalebeannea in mobarong totok. Táe ki ine inta diá nooyúon, yo onupa doman inta oyúon kon inia tua yo gamáandon doman nongkon inia.

MATIUS 3:10

Pokotorop! Boḻiung aindon inukat mako kon uakat in kayu. Bo pomuḷoi in pangkoi inta diá mopomungai in mopia yo notantú kon pupuḷonbí bo pogonag kon tuḷu.

MATIUS 3:12

Digu ain kokada-kadai-Nea mako. Tampat posipunan kon gandum toko daritan-Neadon, gandum sipunon-Nea bo uaban, inta mopia tagúonnea kon tampatnea, táe bayongan pangkoinea in tubáan-Nea kon tuḷu inta diá mopio-piong.”

MATIUS 7:19

Sin pomuḷoi in pangkoi inta mopomungai in diá mopira yo musti pupuḷon bo tubáan.

MARKUS 4:20

Bo bibit inta noḷabú kon butá inta mopia, tua in ibarat intau mita inta nokidongog kon habar tatua bo sinarimanea. Mosia in nomungai nodatog. Oyúon in toḷu nopuḷú, oyúon in onom nopuḷú, bo oyúon doman in mogatut noguntuḷ in kobarong in bungainea.”

LUKAS 8:13

Aka bibit inta noḷabú kon butá inta nobayong in batu, tua in ibarat intau inta nokidongog kon Pirman i Allah, bo notarima takin pia in gina, táe onu in dinongog monia tua diá noitonop kon bonu in gina monia. Mosia in tongá nopirisaya notoyong, naonda in kino angoian sobaan, mosia in diá nonahang bo nobaḷui in pirisaya monia kon i Allah.

YOHANES 15:1

Ki Yesus in noguman bui, “Akuoi in pangkoi in anggur inta mopia, bo ki Amá-Ku in monononggobánea.

YOHANES 15:16

Deemanbí moiko in nomiḻí kon i-Nakó. Akuoibí in nomiḻí kon i monimu, bo nopotabá kon i monimu mayá sinbá modiamai kon bungai mobayong, bungai mita inta diá moyopú. Dá ogoibí i Amá in onukabí inigum monimu inta pinodoyon kon tangoi-Ku.

YOHANES 15:3

Moiko nion in nodarit bidon, sin totundú inta inogoi-Ku kon inimu.

YOHANES 15:6

Ki ine in diá umuran motobatú takin-Ku, ḷumbúon naonda bo tanga, bo moingkagdon. Tanga mita inta moingkagdon natua daiton sipunon bo pogarab kon bonu in tuḷu bo tubáan.

YOHANES 15:8

Aka moiko momungai modatog, yo ki Amá-Ku in pomuliaan; bo moiko in totu-totuudon mobaḻí murí-Ku mita.

YOHANES 17:12

Wakutu in Akuoi koyota-yotakinpa monia, Akuoi ain noḷukad kon i monia takin kawasa in tangoi i Amá, tangoi inta inogoi i Amá kon i-Nakó. Iḷukadan-Kudon in mosia bo diábí in tobatúmai nobaḻí kon sigad monia tua, koḻikudbí in sia inta ain sinantú kon mobuḻi; sinbá mobaḻídon onu inta ain pinais kon Buk Motusi.

SURAT I PAULUS KON JAMAAT RUM 11:17

Tosilai in tanga mita in kayu Zaitun – tuata intau mita in Yahudi – ain pinongkó. Bo kon paḷot in pinomongkóan tatua pinopokompitdon in tanga in pangkoi zaitun ḷoḷog, tuata in ki utat mita inta deeman Yahudi. Ki utat pinopokompitdon kon tua sinbá ki utat in mokorasa kon bayongan inta mopia nongkon kobobiag in rohani in intau mita Yahudi.

SURAT I PAULUS KON JAMAAT RUM 11:22

Dá kon naa in kinoontongandon naton in koḷoḷoben in tabi i Allah bo kototogat doman in gina-Nea. Diábí irekeng-Neamai mopoḷabú in hukuman kon i monia inta binaradosa, táe Sia in totok doman mopia kon i utat, asaḷ bo ki utat in umuran mobiag nongkon kopopia-Nea. Aka diá yo iko in ḷumbúon-Neabí doman.

SURAT I PAULUS KON JAMAAT RUM 8:28

Kinotaauanbí naton kon ki Allahbí in nonoinut kon bayongan yagi-yagi, sahingga in mokopoangoi kon onu inta mopia kon intau mita inta motabi kon i-Nia bo inta inoiní-Nea podudui in tomayá-Nea.

KORINTUS 1 13:1

Umpakabí akuoi in nonotaau kon bayongan bahasa, nodapot kon bahasa in malaekat, táe aka diá in tabiku kon tumpaḷa intau, yo singogku mita tatua in tongábí naonda bo dorom inta diá kobonu andeka lonceng inta moḷangon in singognea, táe diá in mangaḻenea.

TITUS 2:14

Sia tuata inta ain noposarakan in awak-Nea sin mopoḷuat kon i naton nongkon bayongan inta moraat, bo kita in baḻíon-Nea tobatú umat inta noiḷuatdon nongkon kawasa in dosa bo tongádon mobaḻí umat-Nea inta morajing mogaid kon inta mopia.

IBRANI 12:15

Ḷukadaibí sinbá diá tobatúmai in intau ḷumuai nongkon kobiagan inta pinodoyon kon totabi i Allah, sinbá diá in mobaḻí rasum inta mokopomuká kon ropatoi bo inta mokogoguyaat kon kobiagan intau mobayong.

YOHANES 1 2:19

Saturu mita i Kristus tua in intaubí mita inta nonaḷámaidon kon i naton naa, lantaran mosia tua in deemanbí totuu intau naton. Aka mosia intau mita naton, tantú mosia in umuranbí noyotakin naton. Natuabí sinbá motarangdon kon i naton kon mosia tua in diábí totu-totuu moibog mopirisaya kon i Tuhan moyotakin naton.

WAHYU 3:19

Intau mita inta kotabi-Ku, mosia tuata in toboḷowon-Ku bo sambokon-Ku. Manangka intua koropotdon in gina monimu bo pogogaidon in mogaid kon dosa mita.