YOHANES 15:14 - Alkitab Singog In Mongondow Masa In Tanaa

¹⁴ Moiko nion in yobayat-Ku mita, aka pomiaan monimu in onu inta pinarenta-Ku kon inimu.

YOHANES 15:14 ပူးပေါင်းရင်းမြစ်များ

DATU MITA 2 18:6

bo mosatia kon i-Nia. Diábí kon dodai in onda in sia moḷawang kon i Tuhan. Bayongan in parenta i Tuhan inta inogoi pinongin i Musa, totu-totuubí kon dinuduian i Hizkia.

TAWARIKH 2 20:7

Ikobí in ki Allah nami. Kon tungkuḷ in umat-Mu, bangusa in Israel, namangoi kon butá tanaa, Iko nopoguntun kon intau mita inta kon dodai intua nogutun kon naa. Bo Iko in nobogoi kon butá tanaa kon buí i Abraham, yobayat-Mu, sin mobaḻí butá kapunyaan monia modapot in mononoi.

IḶUAIAN 7:6

Ki Musa bo ki Harun nogaid kon onu inta ain pinarenta i Tuhan.

AMSAL 18:24

Oyúon in yobayat inta diá mosatia, oyúon doman in modagi-dagin nongkon utat.

DONDONG MOḶANTUD 5:1

Akuoi in namangoi in gobáku, batoḷ in dodobku, buḷoiku, sinipunku in taḷong mobondu bo toyokayuku mita; kinaanku in ḻipú in pasukan bo bilukku, ininumku in susu bo tubig in anggurku. Pongaan bo ponginumdon yobayat mita, ponginumdon modapot in moḷoḷangu in totabian.

YESAYA 41:8

Táe iko, Israel, mogogundoi-Ku, umat inta piniḻí-Ku, iko in buí i Abraham, yobayat-Ku.

YEREMIA 32:23

Táe naonda in mosia namangoi in butá tanaa bo nogagow, mosia in diábí notoḷutui kon parenta-Mu mita, bo diá nobiag podudui in totundú-Mu mita. Bayongan inta pinarenta-Mu kon i monia diá tobatúmai in inaidan monia. Tuamai in pinopoangoi-Mu in bayongan bodito tanaa kon i monia.

YEHEZKIEL 12:7

Bo inaidankudon onu in pinoki aid i Tuhan kon inakó. Kon singgai doman tatua, kon dodai in nobayagpa, sinouḷutkudon in pakakatku mita bo binantaḷ ná biasamai aidan in intau mita inta iḷumbú. Kon dodai in moungkoḷomdon, iḷombanganku in dinding in baḷoiku, bodongka iḻumuai nongin bubú tatua. Koonto-ontong in bayongan in intau, binantaḷ tatua in pinotaanku, onda intua nobuat in akuoi.

MATIUS 12:50

Sin ki inekabí inta mogaid kon inta kinoibog i Amá-Ku kon soroga, yo sia tua in ki utat-Ku mita ḷoḷaki, bo ki utat-Ku bobay, bo sia in ki iná-Ku doman.”

LUKAS 12:4

“Pokotorop uḻe yobayat-Ku mita! Dika moondok kon i monia inta tongá motaau moḻimod kon awak, táe onda intua diádon motaau mogaid moiḻiu kon tua.

YOHANES 13:17

Aka kinotaauandon monimu komintan in naa, yo mosanang bidon in moiko aka pomiaanmu.

YOHANES 14:15

“Aka moiko in motabi kon i-Nakó, yo moiko in dumuduibí kon parenta-Ku mita.

YOHANES 14:21

Intau inta notarima kon parenta-Ku mita bo nopoaid, sia tuata inta motabi kon i-Nakó. Bo Akuoi in motabibí doman kon intau tatua bo mokipogontongbí kon inia.”

YOHANES 14:28

Dinongog bidon monimu in Akuoi in noguman, ‘Akuoi in mayábí, táe buibí in Akuoi mamangoi kon inimu.’ Aka moiko in motabi kon i-Nakó, yo mosanangbí in gina monimu in Akuoi in mayá kon i Amá, sin ki Amábí in moḷobe-ḷoben nongkon i-Nakó.

YOHANES 2:5

Táe ki iná i Yesus in noguman kon simpaḷ mita kon pinonikaan tatua: “Aidaidon in onu in pokiaid-Nea kon i monimu.”

YAKOBUS 2:23

Tua noyokaan in tontagá kon Buk Motusi inta noguman nanaa: “Ki Abraham in nopirisaya kon i Allah, bo lantaran pirisayanea tatua dá sinarima i Allah in sia saḷaku intau inta nogaid kon onu in kinoibog i Allah.” Tuamai ki Abraham in sinangoi, “Yobayat i Allah”.

YOHANES 1 5:3

Sin aka motabi kon i Allah yo mustibí motoindudui kon parenta-Nea mita. Bo parenta-Nea mita in diábí mobogat kon i naton,

RUT 3:6

Dá minayádon in ki Rut kon tampat poḷoḻintogan in intau kon gandum. Kon tua inaidannea in bayongan inta pinoki aid i guyánea.