YOHANES 15:11 - Alkitab Singog In Mongondow Masa In Tanaa

¹¹ Naa mita in pinoguman-Ku kon i monimu, sinbá sanang in gina-Ku oyúon domandon kon i monimu, bo sanang in gina-Ku motompodon.

YOHANES 15:11 ပူးပေါင်းရင်းမြစ်များ

YESAYA 53:11

Tuamai in ki Tuhan in noguman, “Naonda in nobaba mako kon roriga, sia in mosanangbí bo mopuas. Mogogundoi-Ku tua, inta mokosanang kon gina-Ku, ain nobaba kon hukuman in intau mobayong; pinodoyon kon inia Akuoi in mongampung kon i monia.

YESAYA 62:4

Tangoimu in deeman bidon ‘Inta Sinaḷáan’, butámu deeman bidon ‘Inta Noingongow’. Iko in tangoion bidon, ‘Inta Kinotabi i Allah’, bo butámu in sinangoian, ‘Inta Ain Nonika,’ sin ki Tuhan in noibogdon kon inimu, Sia in nádon buḷoi ḷoḷaki kon butámu.

YEREMIA 32:41

Mopiabí in gina-Ku in mopoaid kon inta mopia kon i monia, bo mopobaḻí kon i monia mogutun motantú kon butá tanaa modapot in mononoi.

YEREMIA 33:9

Yerusalem in mobaḻí koḷungangaan bo koyunggagaan-Ku. Bayongan in bangusa kon dunia in mobaḻíbí moondok bo mourot poḷat mohoromat kon i-Nakó, aka mokodongogdon kon bayongan inta mopia inta inaidan-Ku kon intau inta nogutun kon Yerusalem, bo kobiagan motompia inta ogoi-Ku kon kotá tatua.”

ZEPANYA 3:17

Moiko in iḷukadan i Tuhan Allahmu inta motorindog. Moiko in mountung popisí in kawasa-Nea. Mopia bo moḷunganga in gina i Tuhan sin moiko, kon bonu in tabi-Nea moiko in mobiag mobagu.

LUKAS 15:23

Mopaḷut mako pogamá kon ki adí in sapi inta totok in noḷongó bo ratádon. Kita in mongaan moyotakin poḷat morame.

LUKAS 15:32

Tanaa in kita in patusbí mosanang in gina bo morame moyotakin, sin ki ai-aimu uḻe inta ain minatoi in nobiagdon bui. Ki ai-aimu inta nobuḻi in nouḻídon bui.’ ”

LUKAS 15:5

Bo aka mouḻíneadon bui in domba tatua, yo totokbí in mopia-pia in ginanea, dá in potaanonneadon in domba tatua,

LUKAS 15:9

Bo aka mouḻíneadon in doitnea tatua, yo mogoiníbí in sia kon yobayatnea mita bo topodiugmai mita, bodongka moguman, ‘Igai mobarasanangpa in kita sin doitku inta nobuḻi in nouḻíkudon bui!’

YOHANES 16:24

Umaai in tanaa mako, moiko in diápa kon dodai onda in noigum kon onu bo onu pinongin tangoi-Ku. Poigumdon, dá motarimabí in moiko, sinbá ḷunganga in ginamu motompodon.”

YOHANES 16:33

Naa komintan in poguman-Ku sinbá moiko in mokouḻí kon kobiagan motompia bo moonow sin notobatú-Kudon. Kon dunia naa moyoyangpabí in moiko, táe korotonbí in ginamu, sin Akuoi in diábí taḷowon in dunia naa!”

YOHANES 17:13

Tanaa Akuoi in mamangoidon kon i Amá. Tua komintan in pinotaau-Kudon wakutu in Akuoi kon duniapa naa, sinbá totu-totuudon korasaan monia in ḷunganga in gina-Ku.

YOHANES 3:29

Nonikaan bobay tatua in kapunyaanbí in nonikaan ḷoḷaki. Yobayat in nonikaan ḷoḷaki tatua tongábí simindog moyotakinnea bo mokidongog, bo mopia in ginanea aka mokodongog kon singog in nonikaan ḷoḷaki. Natuabí doman in akuoi. Mopiadon totok in ginaku in tanaa.

SURAT I PAULUS KON JAMAAT RUM 15:13

Poigumon mako kon i Allah, inta tampat pohoharapan monimu, sinbá Sia in mobogoi kon i monimu in gina mosanang bo kobiagan motompia sin moiko in mopirisaya kon i-Nia. Poigumon doman mako sinbá moiko in umuran kawasaan in Roho i Allah, sahingga in modugangdon moḷoben in harapan monimu kon i Allah.

KORINTUS 2 1:24

Akuoi in diábí momakisa kon i monimu kon soaḷ onu inta musti pirisayaan monimu, sin moiko in totokdon nopirisaya kon i Kristus. Akuoi in tongábí mogaid moyotakin monimu sinbá modugang pia in gina monimu.

EPESUS 5:18

Donaai in moiko moḷoḷangu in anggur, sin tua in mokogoguyaat kon i monimu, táe ramujidon bá Roho i Allah in mongawasa kon i monimu.

PILIPI 1:25

Moyakinbí in akuoi kon soaḷ tatua. Tuamai kotaauankubí kon umuranpabí in kita moyotakin, sinbá motaaupa motuḷung moginropot bo modugangdon sanang ginamu kon onu inta ain pinirisayamu kon i Tuhan.

TESALONIKA 1 5:16

Tantú kosanang in gina,

PETRUS 1 1:8

Bo umpakabí moiko in diápa dodai onda nokoontong kon inia, táe moiko in motabibí bo umuran mopirisaya kon i-Nia. Manangka intua moḷungangabí totok in gina monimu, ḷunganga in gina inta diábí in poporupaan.

YOHANES 1 1:4

Naa komintan in pinaisdon nami, sinbá gina naton totu-totuudon moḷunganga.

YOHANES 2 1:12

Mobayongpa in pogumanku kon i Iná, táe mopia-piabí kon deeman tongá pongin surat. Haraponku mako tua, akuoi in motaaupa mayá mokipodungkuḷ kon i monimu bo mongonguman moyogintayowan mako monimu, sinbá gina naton totu-totuudon moḷunganga.