YOHANES 14:9 - Alkitab Singog In Mongondow Masa In Tanaa

⁹ Táe ki Yesus in noguman kon inia, “Noonggotdon in Akuoi noyotakinmai monimu, bo diápa doman kinotaauan-Mu in Akuoi Pilipus? Intau inta ain nokoontong kon i-Nakó, yo sia tua in nokoontong domandon kon i Amá. Yo nongonu sin iko in mogumanpabí, ‘Poontongdon in ki Amá kon inami’?

YOHANES 14:9 ပူးပေါင်းရင်းမြစ်များ

KINOBAḺIAN 26:9

Dá inoinínea in ki Ishak bo poḷat noguman, “Ki buḷoimu in bobay tatua, yo nongonu sin kainimu sia tua in ki ai-aimubí?” Tubag i Ishak, “Akuoi in norai, kon akuoi in ḻimodon aka pogumanku kon sia in ki buḷoiku.”

MAZMUR 11:1

Kon i itoi in mododondong. Mazmur i Daud. Akuoi in noniung kon i Tuhan; diábí in mangaḻenea in moguman kon inakó, “Posaḷamatdon in awakmu naonda bo ḷagapan inta iḷumayug kon buḷud.

YEREMIA 2:23

Totuu mokobaḻí in iko in mosingog kon iko in diá moromú, bo Baal in diábí kon dodai in onda in dinuduianmu! Indoiai in dodiamu kon ḷopá, torop in aidmu moraat bo akudon! Iko in naonda bo unta kobaayan inta iḷanúan in ibog, moribatuk mamagí mamako diádon koḷamboian,

MARKUS 9:19

Dá ki Yesus in noguman kon murí-Nea mita, “Moiḻiu-ḻiu bidon in moiko nion! Totu-totuubí kon moiko nion intau inta diá mopirisaya. Modapotpa in onda in Akuoi musti mogutun moyotakin monimu bo mokoposabar? Dia mangoi kon naa in adí tanion!”

LUKAS 12:56

Uḻe, moiko intau inta mongomunapik! Kaadaan in butá bo ḷangit motaau monimu takuseron táe nongonu sin tanda mita in zaman masa in tanaa in diábí motaau monimu takuseron?”

YOHANES 1:14

Pirman ain nobaḻí intau, Sia in nogutun kon sigad naton, bo kita ain nokoontong kon kamuliaan-Nea. Kamuliaan inta sinarima-Nea saḷaku Adí tuḷong i Amá. Pinongin i-Nia tua kita mokoontong kon i Allah bo tabi-Nea kon i naton.

YOHANES 10:30

Akuoi bo ki Amá in tobatúbí.”

YOHANES 12:45

Bo intau inta nokoontong kon i-Nakó, nokoontong kon i-Nia inta nopotabá mangoi kon i-Nakó.

YOHANES 14:20

Aka wakutuneadon, dá kotaauan bidon monimu kon Akuoi in notobatúbí takin i Amá, moiko in notobatú takin-Ku, bo Akuoi in notobatú takin i monimu.

YOHANES 14:7

Aka kuma bo kinotaauandon monimu in Akuoi, yo pastibí kon kinotaauan bidon monimu in ki Amá-Ku. Tanaa in kinotaauandon monimu in Sia, bo inontong domandon monimu in Sia.”

YOHANES 8:19

Dá iḻibó monia, “Kon onda in ki Amá-Mu tua?” Ki Yesus in notubag: “Akuoi ande ki Amá-Ku in tumpaḷa diá kinotaauan monimu. Aka kuma bo kinotaauan monimu in Akuoi, yo tantú kotaauan bidon monimu in ki Amá-Ku.”

KORINTUS 1 15:12

Aka kami ain nopotaau kon i monimu kon ki Kristus ain biniag nongkon sigad in intau minatoi, yo nongonu sin oyúonpabí doman in kon sigad monimu in moguman kon diábí in kobiagan bui kon sigad in intau minatoi?

PILIPI 2:6

Aka podudui in kaadaan-Nea sabanarnea, Sia tua in notongkaibí i Allah, táe kaadaan-Nea tatua in diábí binaḻí-Nea patokan.

KOLOSE 1:15

Ki Kristus tua in gambar inta noniata nongkon awak i Allah inta diá koontongan; Sia in ki Adí i Allah inta guya-guyang, bo inta totok in moponting nongkon bayongan inta pinomia.

IBRANI 1:3

Sia doman naa in moponiata in kamuliaan i Allah inta diá in poḻiuan tua. Bo noniatadon totok kon i-Nia in rupa i Allah tontaní. Singog-Nea inta mokawasa totok tua in pinaké-Nea moḷukad kon dunia naa. Bo naonda in sinobut-Neadon in dosa mita in intau, iḻimitúdon in Sia kon ḷoḻitúan pomomarentaan kon soroga moyotakin i Allah Pongawasa inta totok in moḷantud.

YOHANES 1 5:20

Kinotaauan bidon naton kon ki Adí i Allah ain namangoi bo ain nobogoi in pongortian kon i naton, sinbá kotaauan naton in ki Allah inta mobanar. Kita in nobiag notobatú takin i Allah inta mobanar bo umuran nobiag notobatú takin i Adí-Nea ki Yesus Kristus. Naadon in ki Allah inta mobanar, bo naadon in kobiagan inta mopia bo mononoi.