YOHANES 14:26 - Alkitab Singog In Mongondow Masa In Tanaa

²⁶ Táe Roho i Allah, Mototuḷung inta bain potabá i Amá podoyon kon tangoi-Ku. Siadon tua in motundú kon i monimu kon bayongan rupa-rupa bo moponorop bui kon i monimu kon bayongan inta ain pinotaau-Ku kon i monimu.

YOHANES 14:26 ပူးပေါင်းရင်းမြစ်များ

MAZMUR 51:11

Dikapa bobuion in dosaku mita, bo popataidon in bayongan in taḷáku.

YESAYA 54:13

Bayongan in intaumu mobaḻí murí-Ku, mosia in mobiag mooyúon bo motompia.

YESAYA 63:10

Táe mosia in nomarontak bo nokoajar kon gina i Tuhan. Dá nomurow in Sia bo nobaḻí musung monia Sia tontaní in noparang noḷawang kon i monia.

MATIUS 1:18

Nanaa in ouman kinolahiran i Yesus Kristus: Kon wakutu in ki Maria ki iná-Nea bagupa kinantangan i Yusup, mangaḻenea taya dua naa diápabí notonibuḷoi, táe naanta ki Maria ain bidon sidia. Tongá adí inta kon siannea tua in nobaḻí lantaran kawasa in Roho i Allah.

MATIUS 1:20

Tongá kon wakutu in sia koyogot nopomiki-mikirmai kon makusudnea tatua, malaekat i Tuhan namangoi kon inia kon bonu in togoindop bo noguman: “Yusup, buí i Daud, donaaibí moondok iko motonibuḷoi takin i Maria, sin adí inta kon bonupa in siannea tua in nobaḻí sin kawasabí in Roho i Allah.

MATIUS 28:19

Tuamai, bayádon, bo baḻídon in bayongan intau dumodudui-Ku, bo baptisdon in mosia podoyon kon tangoi i Amá, Adí, bo in Roho i Allah.

MATIUS 3:11

Akuoi mopobaptis in tubig kon i monimu, saḷaku bukti kon moiko aindon mogogai in mogaid kon inta diá mopia, táe Sia inta mamangoi moiduduimai kon inakó naa, kawasa-Nea moiḻiu totok kon inakó, sedang tongá mobuka kon togot in sapatu-Nea yo diá patus in akuoi. Sia in mopobaptis kon i monimu in Roho i Allah bo tuḷu.

MARKUS 12:36

Bokaka ki Daud tontaní kon dodai in kinawasa in Roho i Allah – noguman, ‘Ki Tuhan nogumandon kon i Tuhanku: ḻitúdon kon dotá in koḷanan-Ku modapot in potungkud-Ku in bayongan saturu-Mu.’

MARKUS 13:11

Bo aka domokon bo diaan in moiko kon pongadilan, yo dikabí mohawatir kon soaḷ onu in musti singogon monimu. Aka wakutudon monimu mosingog, yo singogdon onu in poporoho kon i monimu kon wakutu intua. Sin deemanbí moiko in mosingog, táe Rohobí i Allah.

LUKAS 1:15

Sia in mobaḻí intau moḷoben kon tayowon mata i Tuhan, bo sia tua in diábí monginum kon anggur andeka oinumon ibanea mako inta mokoḷoḷangu, bo sia in kinawasadon in Roho i Allah nongkon bonupamai in sian i inánea.

LUKAS 1:35

Dá tubag in malaekat tatua kon inia nanaa, “Roho i Allah takin kawasa-Nea inta totok in moḷantud mamangoi bo mongawasa kon inimu. Tuamain Adí inta polahirmu tua in tangoion Mokudus, ki Adí i Allah.

LUKAS 1:41

naonda in dinongog i Elisabet in salam i Maria tatua, adí inta kon bonupa in siannea tua iḻimiai noropot bo dodai doman intua ki Elisabet kinawasa in Roho i Allah,

LUKAS 1:67

Ki Zakharia, ki amá in adí tatua kinawasa in Roho i Tuhan bo sia in nopoyaput in habar nongkon i Tuhan. Nanaa in kainia,

LUKAS 11:13

Dá aka moiko inta moraat bo motaau mobogoi kon inta mopia kon i adímu mita, yo bambíkabí ki Amámu inta kon soroga! Sia in mobogoibí in Roho-Nea kon i monia inta umuran moigum kon i-Nia!”

LUKAS 2:25

Kon wakutu intua, kon Yerusalem oyúon intau tangoinea ki Simeon. Sia naa intau mopia bo inta umuran dinumudui kon parenta i Tuhan, bo sia in mogoḷat doman mako kon koangoian in mopoposaḷamat kon Israel. Sia naa in umuran kinawasa in Roho i Allah.

LUKAS 24:49

Sin onu inta ain pinodandi i Amá kon i monimu, Akuoibí in mobogoi. Táe moiko in musti umuran mogoḷat kon kotá tanaa modapot ogoiandon i Allah in kawasa in moiko.”

LUKAS 3:22

bo Roho i Allah noponag kon i-Nia naonda bo ḷagapan paḷoma. Bo kinodongogandon in singog nongkon ḷangit noguman nanaa, “Iko in ki Adí-Ku inta kinotabi-Ku. Iko in kinoibog-Ku.”

YOHANES 1:33

Tungkuḷ intua diápabí kinotaauanku mongo ki ine in Sia. Táe ki Allah inta nopotabá kon inakó mopobaptis in tubig nogumandon kon inakó nanaa, ‘Aka mokoontong in iko kon Roho i Allah moponag bo mogutun kon intau tobatú, yo intaubí tatuata inta mopobaptis in Roho i Allah.’

YOHANES 12:16

Dodai intua diápa nodait kinomangaḻean in murí mita i Yesus intua. Táe naonda in ki Yesus pinomulia, bain tua bo kinotoropan monia in onu inta ain pinomia in intau mita kon i Yesus, ain bidon pinais kon bonu in Buk Motusi.

YOHANES 14:16

Poigumon-Kubí kon i Amá, bo ogoian-Neabí moiko in mototuḷung ibanea, inta umuran mogutun moyotakin monimu.

YOHANES 14:25

Bayongan intua in poguman-Kudon kon i monimu kon dodai in Akuoi koyota-yotakinpa monimu.

YOHANES 15:26

Potabá-Kubí mangoi kon i monimu in Mototuḷung tobatú inta nongkon i Amá. Tuata in Roho inta moponiata kon kobobanar soaḷ ki Allah. Aka Sia in mamangoidon, yo Sia in mobogoibí in kosakusian soaḷ Akuoi.

YOHANES 16:7

Táe totuubí in poguman-Ku tanaa kon i monimu: Totokbí in mopia kon i monimu aka mayá in Akuoi, sin aka Akuoi bo diá mayá, yo diábí mamangoi kon i monimu in mototuḷung tatua. Táe aka Akuoi bo mayá dá potabá-Kubí mangoi in Sia kon i monimu.

YOHANES 2:22

Dá tuamai naonda in ki Yesus nobiag nongkon kinopatoian-Nea, buidon kinotoropan in murí-Nea mita, kon soaḷ tatua pernadon pinoguman i Yesus. Dá mosia in nopirisayadon kon onu inta pinais kon bonu in Buk Motusi bo bayongan inta siningog i Yesus.

YOHANES 20:22

Nosingog mako natua, Sia in nopoirupdon in tompot-Nea kon i monia bo noguman, “Tarimadon in Roho i Allah.

YOHANES 6:45

Kon bonu in Buk in nabi mita pinais nanaa: ‘Komintan intau tundúonbí i Allah.’ Dá bayongan intau inta ain nokodongog kon totundú bo nobalajar nongkon i Amá, mamangoibí kon i-Nakó.

YOHANES 7:39

Ki Yesus in nongonguman kon soaḷ Roho i Allah, inta bain tarimaan in intau mita inta mopirisaya kon i-Nia. Sin wakutu intua Roho i Allah in diápa inogoi; sin ki Yesus in diápa pinomulia.)

OUMAN IN RASUL MITA 1:2

noidapot in singgai kinobingkatan-Nea kon soroga. Kon wakutu in Sia diápa namonik in soroga, takin kawasa in Roho i Allah, Sia in nobogoidon muna in parenta-Nea kon rasuḷ mita inta piniḻí-Nea.

OUMAN IN RASUL MITA 1:4

Bo kon wakutu in Sia noyosipun noyotakin monia, Sia in noguman kon i monia nanaa, “Dikapa in moiko monaḷámai kon Yerusalem. Oḷatdon kon tua modapot in ki Amá mobogoidon kon onu inta pinodandi-Nea, inta ain pinotaau-Ku kon i monimu koḻipod.

OUMAN IN RASUL MITA 1:8

Tongá moiko in mokouḻíbí kon kawasa, aka Roho i Allah mamangoidon kon i monimu bo moikodon nion in mobaḻí sakusi-Ku kon Yerusalem, kon bayongan butá in Yudea, kon Samaria, bo modapot in popod in dunia.”

OUMAN IN RASUL MITA 11:16

Dá kinotoropankudon in singog i Tuhan nanaa, ‘Ki Yohanes mobaptis in tubig, táe moiko in baptison in Roho i Allah.’

OUMAN IN RASUL MITA 13:2

Kon singgai tobatú wakutu in mosia nosambayang kon i Tuhan bo nopuasa, Roho i Allah in noguman kon i monia nanaa, “Piḻídon in ki Barnabas bo ki Saulus mobaḻí totabá-Ku, sinbá mosia in mogaid kon oaidan inta aindon sinantú-Ku pokiaid kon i monia.”

OUMAN IN RASUL MITA 13:4

Lantaran pinotabá in Roho i Allah, dá ki Barnabas bo ki Saulus minayádon in Seleukia. Nongkon tua mosia in sinumakoi kon uangga minayá in Siprus.

OUMAN IN RASUL MITA 15:28

Sin naabí inta kinoibog in Roho i Allah – bo mopia doman in gina nami – sinbá moiko in diá pokiaidan in oaidan inta moboga-bogat nongkon oaidan mita tanaa:

OUMAN IN RASUL MITA 15:8

Bo ki Allah inta nonotaau kon gina in bayongan intau in noponiatadon kon sinarima-Nea bidon in mosia; soaḷ tatua pinoniata-Nea takin nobogoi in Roho-Nea kon i monia ná inta ain inogoi-Nea kon i naton.

OUMAN IN RASUL MITA 16:6

Ki Paulus bo ki Silas in diá inogoi in Roho i Allah mopoyaput in Habar Mopia kon propinsi Asia. Dá mosia in nopobayádon kon daerah in Prigia bo Galatia.

OUMAN IN RASUL MITA 2:33

Sia biningkat bo inogoian in tampat pomomarentaan inta moḷantud, bo inogoian i Allah in kawasa, bo notarima kon Roho i Allah inta ain pinodandi tua, bo Roho doman tatua in inogoi-Nea kon inami naa, tuata inta inontong bo dinongog monimu kon naa,

OUMAN IN RASUL MITA 2:4

Mosia tua in komintandon kinawasa in Roho i Allah. Dá nomangkoidon in mosia nosingog nomaké in bahasa in intau ibanea. Mosia in nosingog podudui in singog inta inogoi in Roho i Allah singogon.

OUMAN IN RASUL MITA 20:28

Manangka intua yo mokopopiadon in moiko bo umuran moḷukad kon awak monimu bo poḷat doman ḷukadai in bayongan umat i Allah inta ain pinosarakan i Allah kon i monimu sinbá ḷukadan. Sin moiko nion ain sinantú in Roho i Allah mobaḻí moḷoḷukad bo mononompia kon umat i Allah inta ain sinobut-Nea in dugú i Adí-Nea tontaní.

OUMAN IN RASUL MITA 20:35

Tua komintan in inaidanku sinbá moiko in moibog dumayan kon i nakó, sin aka kita in mogaid mokoporajing tua in mangaḻenea kita ain notuḷung kon intau mita inta nongoyangkó. Mustibí toropon mako in naa: ‘Mopi-piabí kon mobogoi dika in motarima.’ ”

OUMAN IN RASUL MITA 28:25

Dá mosia posi-posimaidon minayá nonaḷámai kon tampat tatua takin diábí notantúmai in raian monia. Dá ki Paulus in nosingog kon i monia, “Totuubí in onu inta ain pinoguman in Roho i Allah inta ain pinoyaput i Nabi Yesaya kon mogoguyang monimu!

OUMAN IN RASUL MITA 5:3

Dá ki Petrus in noḻibó kon inia, “Ananias nongonu sin pomayámubí mako in Ibilis mongawasa kon ginamu, modapot in iko monguboḷ kon Roho i Allah, takin umuni-uni mako motagú kon boḻi in butá ibanea sin pakéonmu tontaní?

OUMAN IN RASUL MITA 7:51

Nádomai tua in kinototogat in gina monimu nion. Totokbí in mororiga didikon kon bá motoindudui kon i Allah! Diábí indongogan monimu in singog i Allah! Moiko nion in naonda bo mogoguyang mita monimu; umuran diá mokidongog kon Roho i Allah.

OUMAN IN RASUL MITA 7:55

Táe ki Stepanus inta kinawasa in Roho i Allah tatua, iḷumangag kon ḷangit bo inontongnea in kamuliaan i Allah bo ki Yesus in sinimindog kon dotá in koḷanan i Allah.

SURAT I PAULUS KON JAMAAT RUM 14:17

Sin aka ki Allah in momarenta kon kobiagan intau, yo soaḷ onu in motaau kaanon ande inumonnea, tua in diábí moponting. Inta moponting in soaḷbí intau inta dumudui kon onu in kinoibog i Allah in mokorasabí kon moonow in gina bo motarima kon kasanangan gina inta inogoi in Roho i Allah, tua in moponting.

SURAT I PAULUS KON JAMAAT RUM 15:13

Poigumon mako kon i Allah, inta tampat pohoharapan monimu, sinbá Sia in mobogoi kon i monimu in gina mosanang bo kobiagan motompia sin moiko in mopirisaya kon i-Nia. Poigumon doman mako sinbá moiko in umuran kawasaan in Roho i Allah, sahingga in modugangdon moḷoben in harapan monimu kon i Allah.

SURAT I PAULUS KON JAMAAT RUM 15:16

Binaḻí-Neadon in akuoi mogogaid kon oaidan i Kristus sin pinotabá minayá kon intau mita inta deeman Yahudi. Bo akuoi in nogaidon naonda bo imang, inta nopoyaput in Habar Mopia nongkon i Allah, sinbá intau mita inta deeman Yahudi in mobaḻí tobatú sosumba kon i Allah inta motaau tarimaan-Nea. Poigumondon mako bá baḻíondon in Roho i Allah in mosia tobatú sosumba kon i Allah tontaní.

SURAT I PAULUS KON JAMAAT RUM 5:5

Bo harapan ná tanaa in diábí mokokecewa kon i naton, sin gina naton ain notarima kon totabi i Allah. Tua in inaidan i Allah pinongin Roho-Nea, inta ain inogoi kon i naton.

KORINTUS 1 12:3

Manangka intua mustibí kotaauan monimu kon intau inta kinawasadon in Roho i Allah in diábí motaau mosingog, “Binaḷa-baḷa in ki Yesus!” Ná doman tua, diábí doman in tobatúmai intau in moguman, “Ki Yesus tua in Tuhanbí!” aka intau tatua bo diá kinawasa in Roho i Allah.

KORINTUS 1 6:19

Mustibí kotaauan monimu, kon awak monimu nion tampatbí in Roho i Allah. Roho i Allah tua in nogutunbí mako kon awak monimu. Awak monimu nion in deemanbí moiko in kitogi, táe ki Allahbí in kitogi.

KORINTUS 2 6:6

Takin gina motuḻid, mobijaksana, mosabar bo mopia in gina, pinoniatadon nami kon kami in mogogundoibí i Allah. Bo takin kinumadai kon totuḷung in Roho i Allah, bo takin tabi inta noiḷuai nongkon gina inta motuḻid,

EPESUS 1:13

Moiko nion aindon nobaḻí umat i Allah wakutu in moiko nokodongog kon koyow i Allah. Koyow tatua in Habarbí Mopia inta mobogoi in kasaḷamatan kon i monimu. Moiko in nopirisaya kon i Yesus Kristus, tuamai sinontandáan-Neadon in moiko saḷaku kapunyaan-Nea. Tanda-Nea tatua in Rohobí mokudus inta pinodandi-Nea.

EPESUS 1:17

Akuoi in mopoigum kon i Allah, inta ki Tuhan naton ki Yesus Kristus, ki Amá inta momulia totok, sinbá ogoian in Roho-Nea in moiko. Roho tatua in mopobaḻí kon i monimu mobijaksana bo poontong-Nea in ki Allah kon i monimu, sahingga in kotaauandon monimu in Sia.

EPESUS 4:30

Dika mopoajar kon gina in Roho i Allah. Sin moiko aindon sinontandaan-Nea sinbá mobaḻí kapunyaan i Allah. Bo Roho doman tatua inta mobaḻí jaminan, kon singgai pobebasan tatua in moiangoibí kon i monimu.

TESALONIKA 1 4:8

Tuamai ki ine in doí motarima kon singogku, yo deemanbí intau in bayowannea, táe ki Allahbí inta ain nobogoi in Roho-Nea mokudus kon i monimu in bayowannea.

TIMOTIUS 2 1:14

Takin totuḷung in Roho i Allah inta umuran kotaki-takin naton, umurai ḷukadai kopira in onu inta ain inogoi i Tuhan kon inimu, sin koboḻibí totok intua.

TITUS 3:5

Sia in noposaḷamat kon i naton, táe deemanbí popisí in kita ain nogaid kon inta mopia, táe popisíbí in tabi-Nea kon i naton. Sia in noposaḷamat kon i naton takin Roho i Allah inta ain nobogoi kon i naton in kolahiran bo kobiagan mobagu takin cara nondarit kon i naton.

IBRANI 10:15

Kon soaḷ mita tatua Roho i Allah ain bidon doman noguman kon i naton nanaa,

IBRANI 2:4

Koḻikud intua, iniropotan doman i Allah in bayongan inta ain inouman in intau mita tatua takin nopoontong in noyagi-yagimai aid inta mokoherang totok kon intau bo soaḷ mita inta diá in poḻiuan bo poḷat nosila-silai mako kon onu inta pinonotabi in Roho i Allah podudui in ibog-Nea tontaní.

IBRANI 3:7

Tuamai, ná inta ain pinoguman in Roho i Allah nanaa: “Aka singgai naa moiko mokodongog kon singog i Allah,

IBRANI 9:8

Roho i Allah nopoontongdon kino tarang pinongin atorang tatua, kon solama ḷoḷaigan dotá in muna moisindogpa mako, yo daḷan tumuot kon bonu in yuang inta totok in motusi tatua in diápa nobukat.

PETRUS 1 1:12

Ki Allah ain noguman kon nabi mita tatua, kon onu in pinomia monia tatua, deemanbí inaidan monia sin kopontingan monia tontaní, táe kopontinganbí monimu, tua in soaḷ mita inta tanaa mako ain dinongog monimu notarang nongkon intau mita inta nopoyaput in Habar Mopia soaḷ ki Yesus Kristus. Mosia in nopoyaput intua komintan kon i monimu takin kawasa in Roho i Allah inta pinotabá-Nea mangoi nongkon soroga. Bo umpakabí malaekat mita yo moibogbí doman totok monotaau kon habar inta pinoyaput monia tua.

PETRUS 2 1:21

Sin diábí kon dodai in onda koyow inta nongkon i Allah tatua in pinotaau tongá pinodudui kon ibog in intau inta noibog nopoyaput in koyow-Nea tatua.

YOHANES 1 2:20

Táe moiko in notarimadon kon Roho i Allah inta ain inogoi i Yesus Kristus, manangka intua moiko in nonotaaudon kon totundú mita inta nobanar.

YOHANES 1 2:27

Táe aka soaḷ moiko nion ain bidon inogoian i Kristus in Roho-Nea. Bo kon dodai in Roho tatua mongawasapa kon i monimu, diá bidon paraḷu in intau ibanea in motundú kon i monimu, sin Roho bidon tatua in motundú kon bayongan yagi-yagi kon i monimu. Bo onu in tundúon-Nea totuubí intua deemanbí tongá uboḷ. Tuamai tantúdon dudui kon onu inta ain sinundú-Nea tua kon i monimu bo umurandon kobiag motobatú takin i Kristus.

YOHANES 1 5:7

Toḷu in sakusi kon soroga: ki Amá, Pirman bo Roho Mokudus. Toḷu tatua in notobatúbí:

YUDAS 1:20

Táe moiko, utatku mita, tompiabí saḷaḷu in kobobiagmu podudui in pirisayamu kon i Yesus Kristus. Pirisaya inta totok in modarit. Bo posambayangdon takin kawasa in Roho i Allah,

WAHYU 2:11

Ki ine in mokodongog, yo tarukira in onu in pinoguman in Roho i Allah kon jamaat mita! Mosia inta mountung, beresi bidon diá mokorasa kon roriga in kopatoian induanea.”