YOHANES 14:25 - Alkitab Singog In Mongondow Masa In Tanaa

²⁵ Bayongan intua in poguman-Kudon kon i monimu kon dodai in Akuoi koyota-yotakinpa monimu.

YOHANES 14:25 ပူးပေါင်းရင်းမြစ်များ

YOHANES 13:19

Soaḷ tanaa muna-Kudon poguman kon i monimu kon dodai in diápa mobaḻí, sinbá aka mobaḻídon in soaḷ tatua yo pirisayaandon monimu kon Akuoibí in Sia inta sinumangoi ‘AKUOI OYÚON.’

YOHANES 14:24

Bo intau inta diá motabi kon i-Nakó, in doíbí dumudui kon totundú-Ku. Totundú inta dinongog monimu tua, deemanbí nongkon i-Nakó, táe nongkon i Amábí inta nopotabá kon i-Nakó.

YOHANES 14:26

Táe Roho i Allah, Mototuḷung inta bain potabá i Amá podoyon kon tangoi-Ku. Siadon tua in motundú kon i monimu kon bayongan rupa-rupa bo moponorop bui kon i monimu kon bayongan inta ain pinotaau-Ku kon i monimu.

YOHANES 14:29

Tanaa in muna-Kudon potaau kon i monimu wakutu intua diápa mobaḻí, sinbá mopirisaya in moiko aka soaḷ tatua bo mobaḻídon.

YOHANES 15:11

Naa mita in pinoguman-Ku kon i monimu, sinbá sanang in gina-Ku oyúon domandon kon i monimu, bo sanang in gina-Ku motompodon.

YOHANES 16:12

Mobayongpabí in musti poguman-Ku kon i monimu, táe tanaa mako in diápa mokosanggup in moiko in motarima kon tua mita.