YOHANES 14:19 - Alkitab Singog In Mongondow Masa In Tanaa

¹⁹ Diádon moonggot bo diádon ontongon in dunia naa in Akuoi. Táe moiko in mokoontongbí kon i-Nakó. Bo lantaran in Akuoi nobiag, dá moiko in mobiagbí doman.

YOHANES 14:19 ပူးပေါင်းရင်းမြစ်များ

YOHANES 11:25

Ki Yesus in noguman bui kon i Marta, “Akuoibí inta mobogoi in kobiagan bo inta momiag kon intau minatoi. Intau inta mopirisaya kon i-Nakó in mobiagbí, umpakabí in sia minatoidon.

YOHANES 12:35

Ki Yesus in notubag: “Tongábí samantara in bayag tatua kon yua-yuak monimu. Tuamai bayádon kon dodai in bayag tatua kon yua-yuakpa monimu, sinbá moiko in diá kokawasaan in sindip, sin intau inta mayá kon bonu in sindip in diábí kotaauannea in bayáannea.

YOHANES 13:33

Adí-Ku mita, Akuoi in diá bidon moonggot in moyotakin monimu. Tayakonbí monimu in Akuoi, táe ná inta ain pinoguman-Ku kon itoi mita in Yahudi bo inta pinoguman-Ku doman kon i monimu, tampat inta bayáan-Ku in diábí kodapotan monimu.

YOHANES 14:6

Ki Yesus in notubag, “Akuoibí naa in daḷan kon monotaau kon i Allah bo mokouḻí kon kobiagan. Diábí in tobatúmai intau in mokoyaput kon i Amá, aka diá mongin i-Nakó.

YOHANES 16:16

“Diádon moonggot bo diádon in moiko mokoontong kon i-Nakó, ná doman tua diádon moonggot poindoian mako monimu kon i-Nakó.”

YOHANES 16:22

Natuabí doman in moiko: Tanaa mako mosusapabí in gina monimu, táe buipabí in Akuoi moyodungkuḷ monimu, dá moḷunganga in gina monimu; bo diábí tobatúmai intau in motaau mogamá kon ḷunganga in ginamu tatua.

YOHANES 6:40

Totuu, naabí in kinoibog i Amá-Ku: Bá bayongan intau inta nokoontong kon Adí bo nopirisaya kon i-Nia mokouḻí kon kobiagan mopia bo mononoi, bo mobiag bui kon singgai ponantúan.”

YOHANES 7:33

Ki Yesus in noguman kon intau mobayong inta kon bonu in Baḷoi Tuhan, “Diá bidon moonggot Akuoi in moyotakin monimu, sin mopaḷut mako kon tua Akuoi in mayádon kon i-Nia inta nopotabá kon i-Nakó.

YOHANES 8:21

Ki Yesus in bui noguman kon i monia, “Akuoi in mayá, bo moiko i motayakbí kon i-Nakó, táe moiko in matoibí kon bonu in dosamu. ‘Tampat inta bayáan-Ku, diábí kodapotan monimu.’ ”

OUMAN IN RASUL MITA 10:41

tongá deemanbí kon bayongan intau, táe tongábí kon inami inta piniḻí-Nea muna mobaḻí sakusi-Nea mita. Kami ain nongaan bo nonginum noyotakin-Nea wakutu in Sia nobiagdon bui nongkon kinopatoian-Nea.

SURAT I PAULUS KON JAMAAT RUM 5:10

Sin tungkuḷpa in nobaḻí saturu i Allah in kita, kita pinoyodamedon takin-Nea inta pinodoyon kon kinopatoian i Adí-Nea, apa doman in tanaa naonda in hubungan naton takin i Allah notompiadon bui, tantú kita in posaḷamatonbí doman bui pongin kinobiagan i Kristus.

SURAT I PAULUS KON JAMAAT RUM 8:34

Oyúon degá in intau moibog mopotaḷá kon i naton? Bain ki Kristus in mobela kon i naton! Siabí tua inta ain minatoi, táe Siabí doman tua inta ain biniag bui nongkon kinopatoian bo kon tampatdon i Allah inta mokawasa.

KORINTUS 1 15:20

Táe totu-totuubí kon ki Kristus aindon biniag bui nongkon sigad in intau mita minatoi. Bo Siata inta nopobaḻí dodoyonan in pirisaya naton kon intau mita inta ain minatoi in biagonbí bui.

KORINTUS 1 15:45

Kon bonu in Buk Motusi oyúon in pinais nanaa, “Intau inta muna-munamai in ki Adam, sia in nobaḻí mahaḷuk inta nobiag,” táe ki Adam inta tumi in Rohobí inta nobogoi in kobiagan.

IBRANI 7:25

Manangka intua ki Yesus in umuranbí motaau moposaḷamat kon intau mita inta namangoi kon i Allah inta mongin i-Nia. Sin Sia in nobiag mononoi bo umuran mopoyaput in mintahang kon i Allah sin kopontingan intau mita tatua.

WAHYU 20:4

Bo akuoi in nokoontong kon ḷoḻitúan mita pomomarentaan tatua inogoian in kawasa monantú kon hukuman. Inontongku doman in dimukud in intau mita inta sinokoratá popisí in nopotaau in habar soaḷ ki Yesus, bo lantaran nopoyaput in koyow i Allah. Mosia tua in diábí nosumba kon mahaḷuk tatua andeka patongnea bo doí doman sinandaan kon pogot bo kon ḻima monia; dá mosia in nobiag bui bo nomarenta saḷaku datu moyotakin i Kristus toribu notaong in koonggotnea.