YOHANES 13:27 - Alkitab Singog In Mongondow Masa In Tanaa

²⁷ Naonda in ki Yudas notarima kon roti tatua, ginanea in kinogonúandon in Ibilis. Bo ki Yesus in noguman kon inia, “Aidaidon koḻikat onu in kino ibogmu pomiaan.”

YOHANES 13:27 ပူးပေါင်းရင်းမြစ်များ

DATU MITA IMITÁNEA 18:27

Naonda in noutudon in singgai momangkoidon in ki Elia noningkuḻe kon i monia. “Koropotdon totok in mosambayang! Sia tua kan ilah? Degá yogot in sia mongamang, andeka minayá sinumapang. Andeka degá kon daḷanpa in sia! Andeka degá noḷoḷotpa, bo mustipa guḷungon monimu in sia!”

MAZMUR 109:6

Duídon in intau moraat tobatú sin monisig kon inia, biódon mako sia potaḷáan in saturunea.

AMSAL 1:16

Diábí mosanang in gina monia, aka diápa mogaid kon inta moraat. Ibogon monia in ḷagibí moḻimod.

MOHOHUTUBA 9:3

Dá, ukur inta motongkai in moiumabí doman kon i monia komintan. Bo tua in soaḷ inta mokonakit kon gina ná doman bayongan inta nobaḻí kon dunia. Kon dodai in mobiagpa gina in intau nopuḻing in inta moraat, bo raiannea in nopuḻing doman in kabodokan. Bo daḻídon in sia moyodungkuḷ in wakutunea matoi.

DANIEL 2:15

ki Daniel in noḻibó kon inia, nongonu sin ki datu in nopoḷuai bidon in parenta inta motogat tatua. Ki Ariokh in nopotaau kon i Daniel in onu inta ain nobaḻí.

MATIUS 12:45

Sia in bui minayá bo nogoiní kon pitu in dimukud inta noiḻiu kon koraatnea bo sinumuot in mosia mogutun kon intau tatua. Dá pangabisannea kaadaan in intau tatua noiḻiudon raat nongkon inta muna. Natua doman in mobaḻí kon intau mita moraat masa inta naa.”

MATIUS 4:10

Dá ki Yesus in notubag, “Bayádon iko, Ibilis! Sin aindon pinais nanaa: Iko in musti mosumba kon i Tuhan, ki Allahmu, bo tongábí Sia in motaau poibadaanmu!”

MARKUS 6:25

Adí bobay tatua baḷú sinumuot bo minayá kon tayowon i Herodes bo noguman, “Igumonku in uḷu i Yohanes Mobobaptis tuduon kon baki, tanaadon mako bo ogoi kon inakó!”

LUKAS 22:3

Onda intua Ibilis ginumonú kon i Yudas inta dinonoi ki Iskariot, tobatú murí i Yesus inta kon sigad nayamopuḷú bodoyowá.

YOHANES 13:2

Kon wakutu in ki Yesus bo murí-Nea mita yogot mongaan, Ibilis nopogonúdon in niat moraat kon bonu in gina i Yudas Iskariot ki adí i Simon sinbá sia in momaḻidawan kon i Yesus.

YOHANES 13:28

Diábí tobatúmai in kon sigad monia inta iḻimitú nongaan takin-Nea tua in nonotaau kon singog i Yesus tatua kon i Yudas.

YOHANES 6:70

Ki Yesus in notubag: “Kinotaauan bidon monimu kon Akuoibí in nomiḻí kon i monimu mopuḷú bodoyowá naa? Tongá tobatú kon sigad monimu nion in kinawasa in Ibilis!”

OUMAN IN RASUL MITA 5:3

Dá ki Petrus in noḻibó kon inia, “Ananias nongonu sin pomayámubí mako in Ibilis mongawasa kon ginamu, modapot in iko monguboḷ kon Roho i Allah, takin umuni-uni mako motagú kon boḻi in butá ibanea sin pakéonmu tontaní?