YOHANES 13:23 - Alkitab Singog In Mongondow Masa In Tanaa

²³ Murí inta totok kinotabi Yesus iḻimitú kon diugmai i Yesus

YOHANES 13:23 ပူးပေါင်းရင်းမြစ်များ

SAMUEL 2 12:3

bo ki inta nobiag nobogá in tongá oyúon in ki adí in domba tobatú, inta sinaḷuinea. Ki adí in domba tatua biniagnea nodapot in noḷoben kon bonu in baḷoinea noyotakin i adínea mita. Ki adí in domba tatua pinokaannea in kaanon in intau tatua, nodapot in nonginum kon palonea, bo mosiug kokoyo-koyotnea; impoḷok mako in tosingogon, pinomianea naonda bo ki adínea bobay tontaní.

LUKAS 16:22

Diá noonggot kon tua minatoi in intau bogá tatua bo dinia in malaekat mita pinobayá in tampat inta mopia kon diug i Abraham kon soroga. Natua doman in intau inta nooyúon tatua, minatoidon doman bo iḷobong.

YOHANES 1:18

Diábí in nokoimontanmai in nokoontong kon i Allah, koḻikudbí in ki Adí tuḷong i Amá, inta notongkai i Amá bo modagin totok kon i-Nia. Kon i-Nia tuata moniata kon i naton in ki Amá.

YOHANES 11:3

Dá ki Maria bo ki Marta naa in minayá kon i Yesus bo nopotaau; “Tuhan, ki utat nami inta totok in kinotabi Tuhan tua notakit.”

YOHANES 11:36

Bo intau mita in Yahudi noguman, “Indoiaika, totokbí in Sia motabi kon i Lazarus!”

YOHANES 11:5

Ki Yesus in motabibí kon i Maria, kon i Marta bo kon i Lazarus ki utat monia.

YOHANES 13:24

Dá ki Simon Petrus in nonuḷadá kon inia, sin mokiḻibó mongo ki ine imakusud-Nea tatua.

YOHANES 13:25

Dá murí-Nea tatua in dinimiugdon kon i Yesus, bo noḻibó, “Ki ine in sia, Tuhan?”

YOHANES 19:26

Naonda in ki Yesus nokoontong kon i iná-Nea bo murí inta kinotabi-Nea sinimindog mako kon tua, Sia in noguman kon i iná-Nea, “Iná, tua in ki adí i Iná.”

YOHANES 20:2

Dá noribatuk in sia bo minayá notayak kon i Simon Petrus bo kon murí inta kinotabi totok i Yesus, bo noguman, “Ki Tuhan in ginamádon in intau nongkon poḷoḷobongan. Diá kinotaauanku mongo sinagú monia kon onda.”

YOHANES 21:20

Wakutu in ki Petrus nobobui, sia in nokoontong kon tumineamai in murí inta totok in kinotabi i Yesus. (Sia tua inta iḻimitú kon diug i Yesus kon wakutu in nongaan bo sia doman inta noḻibó kon i Yesus, “Ki ine in moposarakan kon i-Nia?”)

YOHANES 21:24

Murí tatuata inta nobogoi in kosakusian kon soaḷ mita inta ain nobaḻí tanaa. Sia domandon tatua inta ain nomais kon naa. Bo kinotaauanbí naton kon onu in pinogumannea tatua in totuubí.

YOHANES 21:7

Dá murí inta totok in kinotabi i Yesus in noguman kon i Petrus, “Ki Tuhan intua!” Naonda in kinotaauan i Petrus kon ki Tuhan intua, nogiḷambungdon in sia (sin diá nogiḷambung in sia) bo iḷumabú in sia kon tubig.