YOHANES 13:21 - Alkitab Singog In Mongondow Masa In Tanaa

²¹ Naonda in noguman mako natua in ki Yesus, totokdon in moajar in gina in Sia. Bo Sia in noguman, “Akuoi in mogumandon kon i monimu: Tobatú nongkon sigad monimu nion momaḻidawanbí kon i-Nakó.”

YOHANES 13:21 ပူးပေါင်းရင်းမြစ်များ

MATIUS 26:21

Bo naonda in mosia koyogot nongaan, Sia in noguman nanaa, “Akuoi in mogumandon muna kon i monimu: kon sigad monimu naa oyúon in tobatú murí in moposarakan kon i-Nakó.”

MATIUS 26:38

Dá Sia in noguman kon i monia, “Morobonoḷdon totok in dodob-Ku, korasaan nádon onda bo matoi. Kon naapa in moiko bo moḷukad moyotakin-Ku.”

MARKUS 14:18

Bo wakutu in mosia iḻimitúdon nongaan, ki Yesus in noguman, “Akuoi in moguman kon i monimu, kon tobatú nongkon sigad monimu nion inta nongaan noyotakin-Ku tanaa, moposarakan kon i-Nakó.”

MARKUS 3:5

Korogi-rogi in ki Yesus nobobui magí-mako kon intau mita inta kon tua, táe moajar doman totok in gina-Nea sin totuu motogat in gina monia tua. Onda intua Sia in noguman kon intau inta noḻempeng in ḻima tatua, “Sintakdon in ḻimamu.” Dá sinintak doman in intau tatua in ḻimanea, bo baḷú domandon nopia in ḻimanea tatua.

YOHANES 11:33

Naonda inontong i Yesus in ki Maria nongombaḷ, bo intau mita in Yahudi inta namangoi noyotakinnea tua nongombaḷ doman, norobonoḷdon totok in gina-Nea, bo totokdon inagían tabi in Sia.

YOHANES 11:35

Bo ki Yesus in nongombaḷ.

YOHANES 11:38

Totokpa in inangoian in tabi in ki Yesus minayá in Sia in poḷoḷobongan. Poḷoḷobongan tatua in tobatú angob inta sinaḷoban in batu moḷoben.

YOHANES 12:27

“Moḻia-ḻiaw totok in gina-Ku; onu degá in musti singogon-Ku in tanaa? Musti degá in Akuoi moguman, ‘Amá, potaḻibdon kon i-Nakó in roriga tanaa mako’? Diá! Sin tuabí in mangaḻe in inangoian-Ku.

YOHANES 13:18

Onu in pinoguman-Ku naa in deemanbí soaḷ moiko komintan. Kotaauan-Kubí ki ine inta ain piniḻí-Ku, táe bá mobaḻídon onu inta pinais kon bonu in Buk Motusi nanaa, ‘Intau inta ain nongaan noyotakin-Ku, in moḷawangbí kon i-Nakó.’

YOHANES 13:2

Kon wakutu in ki Yesus bo murí-Nea mita yogot mongaan, Ibilis nopogonúdon in niat moraat kon bonu in gina i Yudas Iskariot ki adí i Simon sinbá sia in momaḻidawan kon i Yesus.

YOHANES 13:22

Murí-Nea mita nooindoian takin noherang sin diábí kinotaauan monia mongo ki ine imakusud-Nea tua.

OUMAN IN RASUL MITA 17:16

Wakutu in ki Paulus nogoḷatpa mako kon i Silas bo kon i Timotius kon Atena, noajar totok in ginanea sin kotá tatua nopuḻing in berhala mita.

YOHANES 1 2:19

Saturu mita i Kristus tua in intaubí mita inta nonaḷámaidon kon i naton naa, lantaran mosia tua in deemanbí totuu intau naton. Aka mosia intau mita naton, tantú mosia in umuranbí noyotakin naton. Natuabí sinbá motarangdon kon i naton kon mosia tua in diábí totu-totuu moibog mopirisaya kon i Tuhan moyotakin naton.