YOHANES 13:14 - Alkitab Singog In Mongondow Masa In Tanaa

¹⁴ Dá aka Akuoi inta Guru bo Tuhanmu nondaritdon kon sioḷ monimu, yo moiko in mustibí doman mosidaritan kon sioḷ.

YOHANES 13:14 ပူးပေါင်းရင်းမြစ်များ

YOHANES 11:2

Ki Maria naa in bobay inta nopoinggú in ḷana nobondu kon sioḷ i Tuhan bodongka iradatannea bui in buoknea. Kon singgai tobatú ki utat monia ki Lazarus naa in notakit.

OUMAN IN RASUL MITA 20:35

Tua komintan in inaidanku sinbá moiko in moibog dumayan kon i nakó, sin aka kita in mogaid mokoporajing tua in mangaḻenea kita ain notuḷung kon intau mita inta nongoyangkó. Mustibí toropon mako in naa: ‘Mopi-piabí kon mobogoi dika in motarima.’ ”

SURAT I PAULUS KON JAMAAT RUM 12:10

Utat mita, moiko in musti umuran mototabian tobatú bo tobatú naonda bo mogutat motoḷuadí kon tombonu in baḷoi, bo mosiunaan mohoromat.

SURAT I PAULUS KON JAMAAT RUM 12:16

Moiko in musti mobiag mototabian tobatú bo tobatú. Donaai morai kon soaḷ mita inta moḷantud. Táe raibí in soaḷ mita inta komampuan aidan. Dikabí tumekeng mopandoi in iko.

KORINTUS 1 12:3

Manangka intua mustibí kotaauan monimu kon intau inta kinawasadon in Roho i Allah in diábí motaau mosingog, “Binaḷa-baḷa in ki Yesus!” Ná doman tua, diábí doman in tobatúmai intau in moguman, “Ki Yesus tua in Tuhanbí!” aka intau tatua bo diá kinawasa in Roho i Allah.

KORINTUS 1 8:13

Tuamai aka mokobaradosabí kon i utatku mita in kaanon tatua, dá doí bidon in akuoi mokaan kon ponoyá tatua. Sin dikabo baradosaan in ki utatku tua popisí akuoi.

KORINTUS 2 10:1

Akuoi ki Paulus, inta kain intau in diá mobarani moyogintayow mako, tongá mobarani aka moyogiyayúan monimu. Tanaa mako pinodoyon kon koaḷus bo kopopia in gina i Kristus,

KORINTUS 2 8:9

Sin moiko in totokdon in nonotaau kon kita in totokbí in kinotabi i Yesus Kristus, Tuhan naton. Sia in nooyúonbí, táe sinumon intau bogá sin lantaranbí moiko, sinbá moiko in mobaḻí mooyúon.

GALATIA 5:13

Utat mita! Moiko aindon inoiní mobaḻí intau inta nobebas. Táe donaaibí pakéon in kabebasanmu tatua saḷaku kasampatan mogaid kon onukadon in koibog monimu aidan. Táe popobaragunabí in kasampatan tatua motuḷung kon intau táe musti podoyon kon tabi kon tumpaḷa intau.

PILIPI 2:11

Bo akúonbí monia komintan kon ki Yesus Kristus tua in Tuhanbí; takin natua dá ki Allah, ki Amá naton in pinomuliadon.

TIMOTIUS 1 5:10

bo kinotaauan doman in intau kon umuranbí in sia nogaid kon inta mopia, ná umpamanea, ain nonompia kon i adínea mita, motabi kon tumpaḷa intau, moibog mobogoi in kaanon kon intau mita mopirisaya. Moibog doman motuḷung kon intau mita inta nobiag nobogá, pokoknea mosia in totu-totuudon nogaid kon onu inta mopia.

IBRANI 12:2

Mogaid in kita kon tua takin umuran mopirisaya kon i Yesus, sin Sia tuata inta nopobangon kon pirisaya naton bo umuran noḷukad kon pirisaya naton nongkon pinomangkoianpamai dapot in pangabisannea. Nonahangbí in ki Yesus in iyoyiga kon kayu pinoyotaḻempang! Diábí pinandung-Neamai in matoi kon kayu pinoyotaḻempang tua kon totokbí in mokooyá. Tongábí ḷunganga inta korasaan-Nea kon singgai moiduduimai in umuran pinonorop-Nea mako. Bo tanaa mako, Sia in iḻimitúdon kon dotá in koḷanan i Allah bo nomarenta noyotakin-Nea.

PETRUS 1 4:1

Lantaran ki Kristus ain nokorasa kon roriga in awak naa, dá tua in musti umuran kon gina mako bá umuran moropot in pirisaya monimu. Sin ki ine inta nokorasadon kon roriga in awak, yo diá bidon in sia mogaid kon dosa.

PETRUS 1 5:5

Ná doman tua, utatku mita inta nongomudapa, mokopotoindudui kon guyanga mita. Moiko in musti mokopoompá kon dodia bo moibog doman mosibantungan sin kon Buk Motusi ain pinais nanaa: “Ki Allah in mohukum kon intau inta mokaḷakuang, táe motabibí kon intau inta moompá in dodia.”