YOHANES 12:7 - Alkitab Singog In Mongondow Masa In Tanaa

⁷ Táe ki Yesus in noguman, “Pomayádon mako in pogaidan bobay tatua kon natua! Sia in nogaid kon natua sin moposadia kon poḷobongan kon i-Nakó.

YOHANES 12:7 ပူးပေါင်းရင်းမြစ်များ

MAZMUR 109:31

Sin Sia in moduḷu bo moposaḷamat kon intau bogá nongkon i monia inta mopoḷabú in hukuman matoi kon inia.

ZAKHARIA 3:2

Malaekat i Tuhan in noguman kon Ibilis, “Igumon mako ki Tuhan in mohukum kon inimu ei Ibilis! Igumon mako ki Tuhan inta notabi kon Yerusalem in mohukum kon inimu. Intau tanaa in naonda bo kayu topongkó inta inugut nongkon yuak in tuḷú.”

MATIUS 26:10

Táe kinotaauan i Yesus in raian monia, dá Sia in noguman, “Nongonu sin moiko in moposusabímai kon bobay tanaa? Sia tua in aindon nogaid kon inta mopia kon i-Nakó.

MATIUS 26:12

Kon dodai in sia nopoingú in ḷana tatua kon awak-Ku, sia aindon noposadia kon poḷobongan kon i-Nakó.

MARKUS 14:6

Táe ki Yesus in noguman, “Pomayádon mako in pogaidannea kon tua! Nongonu sin moposusabímai kon ginanea in moiko? Sia in nogaidon kon soaḷ inta mopia kon i-Nakó bo patus dayowon.

LUKAS 23:50

Oyúon tobatú intau, ki Yusup in tangoinea. Sia in nongkon kotá in Arimatea kon butá in Yudea. Sia tua in intau mopia bo mobanar inta umuran mogoḷat mako kon wakutu koangoian i Allah momarenta saḷaku Datu. Umpakabí in sia tobatú Mahkama Agama, táe sia naa in diábí nosotuju kon kaputusan bo gogutú in mahkama agama ibanea tua.