YOHANES 12:5 - Alkitab Singog In Mongondow Masa In Tanaa

⁵ “Nongonu sin ḷana mobondu tanion diábí inta pinotaḷui toḷu nogatut doit saḷaka, bo doit boḻinea in ogoidon kon intau bogá?”

YOHANES 12:5 ပူးပေါင်းရင်းမြစ်များ

EZRA 4:14

Kami in koboḻidon kon kopopia in gina i Tuang bo doíbí in mokoontong kon i Tuang porugionmai. Tuamai poigumon nami,

IḶUAIAN 5:17

Datu in notubag, “Moiko nion in totuu kon maḷat bo doí mogaid. Tuamai moiko mopoigum kon inakó sin mayá moposumba in kuruban kon i Tuhanmu.

IḶUAIAN 5:8

Táe pokiaidaibí doman in mosia in tela inta kobayongnea ná doman inta muna, donaai gaatan. Mosia tua in intau mita maḷat; tuamai mosia in umuran mongunsingog sinbá ogoi in mosia mayá sin moposumba in kuruban kon i Allah monia.

AMOS 8:5

Moiko in noguman kon i monimu tontaní, “Totuubí moonggot in singgai mita moḷoben. Kita in moibogdon ḷagi mopotaḷui in gandum naton, táe poramean tatua in diápabí doman mopaḷu-paḷut. Toonubí degá in singgai in Sabat mopaḷut, sinbá kita in motaaudon bui modagang? Kita in moibogdon totok in mongupit kon epa, monguboḷ kon pogogukuran, bo monombogá kon simbangan.

MATIUS 18:28

Tongá naonda in simpaḷnea tatua iḷumuai bo noyodungkuḷ in sia in simpaḷ ibanea inta koboḻi doman kon inia táe tongá pulúan ribu. Dinomok bo binongkugnea in yobayatnea tatua, bo poḷat noguman, ‘Uboḻiai in boḻimu!’

MATIUS 20:2

Naonda in nositantúandon kon tosinggai uboḻianan todinar, pinotabáneadon in mosia tua minayá nogaid kon gobánea.

LUKAS 12:33

Potaḷuidon in bayongan kapunyaanmu bo ogoi kon intau mita bogá. Bo pogaid kon pototaguan kon kapunyaanmu inta diá mogogu-goguyaat, tuata in tobatú kapunyaan inta mononoi, diá koyaputan in mononakow bo inta diá kopoguyaatan in sisik.

LUKAS 18:22

Nokodongogmai kon tua in ki Yesus, noguman in Sia nanaa, “Tobatúpa in musti aidanmu: Potaḷuidon in bayongan kapunyaanmu bodongka sila-silaidon mako in doit tatua kon intau mita bogá, dá mokouḻíbí in iko kon kapunyaan kon soroga. Mopaḷut mako kon tua angoi bo duduidon kon i-Nakó.”

LUKAS 6:41

Nongonu sin moiko in moindoibí kon puḻing kon i utatmu, táe balak kon bonu in matamu in diábí kinotaauanmu?

YOHANES 12:4

Táe ki Yudas Iskariot, tobatú murí i Tuhan Yesus – inta kon singgai noiduduimai nomaḻidawan kon i Yesus – noguman,

YOHANES 12:6

Ki Yudas noguman natua, deemanbí popisí sia moibog monarukira kon intau bogá táe popisíbí in sia mononakow. Sia mokakitdon in mogamá kon doit nongkon kas in doit inta pinoki kadai kon inia.

YOHANES 13:29

Oyúon in nosangka kon ki Yesus nopotabá kon i Yudas minayá notaḷui kon tobatú kaparaḷuan pakéon kon pesta, andeka mobogoi in doit topiḻik kon intau bogá, sin ki Yudas tua mokokadai kon doit in kas monia.

YOHANES 6:7

Ki Pilipus in notubag, “Aka roti bo tongá boḻi in doyowa nogatut doit saḷaka yo diábí tugat pokaan kon intau mita tanion, umpakabí tongá poyopiḻikon mako.”