YOHANES 12:44 - Alkitab Singog In Mongondow Masa In Tanaa

⁴⁴ Bo ki Yesus in nobaḷú, “Intau inta mopirisaya kon i-Nakó, sia tua in deemanbí mopirisaya kon i-Nakó, táe mopirisayabí kon i-Nia inta nopotabá kon i-Nakó.

YOHANES 12:44 ပူးပေါင်းရင်းမြစ်များ

AMSAL 1:20

Indongogaidon! Hikmat in mogoiní kon daḷan-daḷannea bo momaḷú kon rawang mita!

AMSAL 8:1

Indongogai! Ki inta bijak in momaḷú magí-mako, hikmat mobuká kon bibig.

MATIUS 10:40

“Ki ine in notarima kon i monimu, sia tua in notarima doman kon i-Nakó. Bo ki ine in notarima kon i-Nakó, sia in notarima doman kon i-Nia inta nopotabá kon i-Nakó.

MARKUS 9:23

Ki Yesus in notubag, “Onu in kainimu? Aka mokotuḷungbí in Akuoi? Komintanbí motaau-Ku aidan asaḷ bo mopirisaya intau!”

MARKUS 9:37

“Intau inta motarima kon tobatú adí ná tanaa popisí in nopirisaya kon i-Nakó, yo tua in mangaḻenea sia in notarima kon i-Nakó. Bo intau inta notarima kon i-Nakó, sia tua in deemanbí tongá notarima kon i-Nakó, táe notarima domandon kon i-Nia inta nopotabá kon i-Nakó.”

YOHANES 11:43

Nosingog mako natua, ki Yesus in nomaḷú noropot in noguman, “Lazarus, ḷuaidon!”

YOHANES 13:20

Naa in poguman-Ku kon i monimu: Ki ine in motarima kon intau inta pinotabá-Ku, yo sia in notarima kon i-Nakó. Bo ki ine in motarima kon i-Nakó, yo Sia tua in notarimadon kon i-Nia inta nopotabá kon i-Nakó.”

YOHANES 5:24

Totuu totok in singog-Ku tanaa: Intau inta monarukira kon singog-Ku mita, bo mopirisaya kon i-Nia inta nopotabá kon i-Nakó, yo oyúon in kobiagan mopia bo mononoi. Sia in diábí hukumon; sia in noipilatdon nongkon kinopatoian bo mokouḻí kon kobiagan.

YOHANES 7:28

Wakutu in ki Yesus koyogot mobogoimai in totundú kon bonu in Baḷoi Tuhan, Sia in nosingog noropot, kai-Nia, “Dá kinotaauan bidon monimu mongo ki ine in Akuoi naa bo kinotaauan bidon monimu in asaḷ usuḷ-Ku? Tongá bá kotaauan monimu, kon deemanbí ibog-Ku tontaní in namangoi. Akuoi naa in pinotabábí i-Nia inta Mobanar, táe diá kinotaauan monimu in Sia.

PETRUS 1 1:21

Sia in pinopodoyonan in pirisaya monimu kon i Allah inta ain nomiag bui kon i-Nia. Dá ki Allahbí in pinirisaya monimu bo ki Allahbí doman in pinopoandoḷan monimu in harapan.