YOHANES 12:20 - Alkitab Singog In Mongondow Masa In Tanaa

²⁰ Kon sigad in intau mita inta minayá in Yerusalem sin moibada kon porayaan tatua oyúon doman in tongonumai intau in Yunani.

YOHANES 12:20 ပူးပေါင်းရင်းမြစ်များ

YESAYA 11:10

Moiangoibí in wakutunea datu tobatú buí i Daud in tantú tontongan in bangusa mita. Mosia in mamangoibí kon inia, bo pogogutunannea in tango-tangoionbí.

MARKUS 7:26

bo poḷat nopoigum sinbá ki Yesus in moguntun kon dimukud moraat nongkon adí tatua. Guyanga tatua deemanbí intau in Yahudi, sia tua nongkon butábí in Penisia kon Siria.

YOHANES 12:1

Onompa nosinggai kon poramean kon Singgai Moḷoben in Paska, ki Yesus in minayá in Betania. Ḻipú inta pinogutunan i Lazarus, inta ain biniag bui i Yesus nongkon kinopatoiannea.

YOHANES 12:19

Dá intau mita in Parisi mulaidon nosigumanan, “Diá mokopongonu in kita! Indoiaika bayongan in intau kon dunia naa mayá dumudui kon i-Nia!”

YOHANES 7:35

Dá itoi mita intau Yahudi in nosiḻibóandon, “Mayá in onda degá in Intau tanaa dá diá mouḻí naton in Sia? Degá mayá in Sia kon intau mita in Yahudi inta nogutun kon butá intau Yunani, bo mopoyaput doman in totundú kon intau mita in Yunani?

OUMAN IN RASUL MITA 14:1

Kon Ikonium ki Paulus bo ki Barnabas in nokorasa kon soaḷ inta notongkai. Mosia in minayá doman kon baḷoi pososambayangan in intau Yahudi bo nopoyaput in pirman i Allah kon tua, sahingga in nobarong totok intau Yahudi bo intau inta deeman Yahudi in nopirisaya kon i Yesus.

OUMAN IN RASUL MITA 16:1

Ki Paulus in nogingguputdon kon bobayáannea. Sia minayá in Derbe, bo Listra. Kon tua oyúon tobatú dumodudui i Yesus inta ki Timotius in tangoinea. Ki inánea intau in Yahudi táe nopirisayadon kon i Yesus; ki amánea intau in Yunani.

OUMAN IN RASUL MITA 17:4

Dá tongonumai intau kon tua nobaḻí nopirisaya kon i Yesus bo poḷat dinumudui mita kon i Paulus bo kon i Silas; natua doman in bayongan intau in Yunani inta moondok kon i Allah bo bobay mita inta duduianmai monia kon tua, nodait doman nopirisaya kon i Yesus.

OUMAN IN RASUL MITA 20:21

Akuoi in umuran doman noponorop kon intau mita in Yahudi bo bangusa ibanea sinbá mosia in mogogaidon in mogaid kon dosa mita monia bo mamangoi kon i Allah poḷat mopirisayadon kon i Yesus Kristus ki Tuhan naton.

OUMAN IN RASUL MITA 21:28

Mosia sindaḷan doman momaḷú nanaa, “Ei intau mita in Israel tuḷungaipa! Sin naadon in intau inta maya-mayá mako bo motundú kon bayongan intau sinbá diádon mokidongog kon i naton bo doí doman dumudui kon hukum i Musa bo momayow kon Baḷoi Tuhan. Bo tanaa sia in nodia domandon kon intau mita inta deeman Yahudi bo mongotor kon tampat motusi tanaa!” (

OUMAN IN RASUL MITA 8:27

Dá nobuat domandon in ki Pilipus bo minayá. Dodai intua oyúon tobatú pogawai moḷantud kon komaḻig in Etiopia. Sia tua intau inta pinirisaya mokadai kon bayongan kapunyaan i Sri Kandake, bokí kon butá in Etiopia. Intau tatua in namangoi nosambayang kon Yerusalem bo naonda in mobuidon, sia in sinumakoi kon keretanea. Kon bonu in binayáannea tatua sia sindaḷan mobaca kon buk i Nabi Yesaya.

SURAT I PAULUS KON JAMAAT RUM 1:16

Mopirisayabí totok in akuoi kon Habar Mopia tatua, sin Habar Mopia tatua in ropotbí i Allah moposaḷamat kon bayongan in intau inta mopirisaya; muna-munamai intau in Yahudi, bo bangusa doman ibanea.

SURAT I PAULUS KON JAMAAT RUM 10:12

Tua in pakéonbí kon bayongan intau, sin diábí in yoposinea kon intau in Yahudi bo bangusa mita ibanea. Sin ki Allah inta tobatú tua in Tuhanbí in bayongan in intau. Sia in mobogoibí in barakat mobayong kon bayongan in intau inta mokituḷung kon i-Nia.

GALATIA 2:3

Ki Titus inta noyotakinku tua intau in Yunani táe diábí in sia pinoki sunatku ná kon atorang in agama Yahudi,

GALATIA 3:28

Tuamai intau in Yahudi andeka intau in Yunani, diá bidon in yoposinea bo diábí domandon in sinangoian ata andeka intau nobebas, ḷoḷaki andeka bobay. Moiko komintan ain bidon notobatú takin i Kristus Yesus.

KOLOSE 3:11

Sahingga in diádon yoposi in intau Yahudi bo deeman Yahudi, intau sinunat bo inta diá sinunat. Bo diá domandon yoposi in intau mokokiangoi bo intau moromú, intau inta nobaḻí ata bo intau inta deeman ata, sin ki Kristus tua in Tuhanbí in bayongan yagi-yagi, bo Sia ain notobatú intua komintan!