YOHANES 12:15 - Alkitab Singog In Mongondow Masa In Tanaa

¹⁵ “Donaai moondok, mongodeaga mita in Sion! Indoiaika Datumu in namangoi, Sia in sinumakoi kon tobatú keledai inta noguodpa!”

YOHANES 12:15 ပူးပေါင်းရင်းမြစ်များ

SAMUEL 2 15:1

Nopaḷut mako kon tua ki Absalom nosadiadon kon kereta in parangnea tobatú bo kabaḷo takin intaunea ḻima nopuḷú

SAMUEL 2 16:2

Ki Datu Daud in noḻibó kon inia, “Pongonu in naa komintan?” Tubag i Ziba, “Keledai mita tanaa in biag inta baḻíon totakoian in motoḷuadí i Tuang datu, roti bo bungai mita in ayop tanaa in ogoi kon bobantung mita i Tuang datu, bo tubig in anggur tanaa in ogoi kon i monia inta ain noḷopí kon padang gurun.”

DATU MITA IMITÁNEA 1:33

ki datu in noguman kon i monia, “Oinídon in porwiraku mita bo bayádon kon i Salomo adíku ḷoḷaki poyotakin monia. Popotakoidon in sia kon bagalku tontaní, bo diádon in sia kon bokaká in tubig in Gihon.

YESAYA 41:14

Guman i Tuhan, “Dika moondok, Israel, umpaka in iko mointok bo moyangkó. Akuoibí in ki Tuhan inta motuḷung kon inimu, Inta Totok in mokudus, Allah in Israel in mopoposaḷamatmu.

YESAYA 62:11

Ki Tuhan in nobogoi in koyow tanaa kon sinangkub in dunia, “Poguman kon intau inta nogutun kon Sion, ‘Indoiai, ki Tuhan Mopoposaḷamat namangoi! Sia in sinakinan in intau mita inta ain pinoḷuat-Nea.’ ”

MIKHA 4:8

Bo iko Yerusalem, tampat pinoḷukadan i Allah kon umat-Nea naonda bo gombala noḷukad kon paanan in dombanea, iko in buibí mobaḻí ki iná in kotá in dodatuanmu ná dungkuḷmai.

ZAKHARIA 9:9

Ei intau in Sion, pokoḷungangadon! Ei intau in Yerusalem, ponggoḷokapdon! Indoiaika! Datumu in mamangoi takin nountung! Sia in datu moadil inta nodia kon kasaḷamatan. Táe moompá totok in dodia sia in noiyaput sinumakoi kon keledai, keledai batánea.

MATIUS 21:5

“Pogumandon kon bobay in Sion, Indoiai, Datumu namangoi kon inimu. Moompá in dodia-Nea bo sinumakoi kon keledai tobatú, tobatú keledai inta moguodpa.”

YOHANES 12:14

Ki Yesus in nokodungkuḷ kon tobatú keledai inta noguodpa, bo sinumakoi in Sia kon keledai tatua. Dá nobaḻídon onu inta ain pinais kon bonu in Buk Motusi:

ULANGAN 17:16

Datu in diábí motaau kokabaḷo mobayong sin pakéon in tontaranea bo diábí motaau mopotabá kon bangusa tanaa in bui mayá in Mesir sin motaḷui kon kabaḷo, sin ki Tuhan ain noguman kon umat-Nea in diábí motaau mayá bui in butá tatua.

HAKIM MITA 12:14

Ki adínea ḷoḷaki in opat nopuḷú bo ki ompunea mita ḷoḷaki in toḷu nopuḷú. Mosia notukidbí in keledai totakoian. Waḷu notaong in ki Abdon in nobaḻí itoi kon umat in Israel.

HAKIM MITA 5:10

Ei moiko inta sinumakoi kon keledai nobudó, moiko inta iḻimitú kon permadani, bo moiko komintan inta minaya-mayá in sioḷ, pohabardon in kinountungan tanaa!