YOHANES 11:55 - Alkitab Singog In Mongondow Masa In Tanaa

⁵⁵ Wakutu intua motoyongdon Singgai in Paska intau Yahudi. Nobayongdon intau nongkon ḻipu-ḻipúannea in minayádon in Yerusalem sin mopobayá in adat pondaritan kon awak kon wakutu in diápa singgai porayaan tatua.

YOHANES 11:55 ပူးပေါင်းရင်းမြစ်များ

KINOBAḺIAN 35:2

Bo ki Yakub in noguman kon buḷoi, adí ginaḷumnea bo kon bayongan intau inta kotaki-takinnea, “Kita in mobuatdon nongkon naa bo mayá in Betel. Kon tua akuoi in moposindogdon in mezbah kon i Allah inta ain notuḷung kon inakó kon dodai in kinoantugan in roriga bo inta ain noḷukad kon inakó kon ondaka in binayáanku. Dá ḷumbúdon in patong dewa mita ibanea mako inta kodia-dia monimu; aidaidon in upacara pondaritan kon awak bo pakédon in pakeang inta modarit.”

AYUB 1:5

Mopaḷut mako in bobutungan, ki Ayub in tantú mobangon doḷo-doḷom bo moposumba in kuruban ponukid kon batúan in adínea sinbá ampungan i Tuhan. Sin kon raian i Ayub, dika-dikabo ki adínea mita ain noiaid kon dosa bo noiḷautdon nokopoompámai kon i Allah takin diá sinuod.

MAZMUR 26:6

Sinomokanku in ḻimaku nobaḻí tomponuot kon diá kotaḷá, bo minayá noḻibu kon mezbah-Mu, o Tuhan,

IḶUAIAN 19:10

Naa in bayádon pokipodungkuḷai in intau mita tatua, bo potabádon in mosia singgai naa bo ikoḷom mosadia sin moibada. Mosia in musti momatá kon pakeang monia.

PINOGIAPAN 9:10

moguman kon bangusa Israel, “Aka kon sigad monimu andeka kon buí monimu oyúon in nonajis popisí in nokadaidon kon intau minatoi andeka kon binayáan moyayú, yo sia in musti doman moraya kon Paska kon i Tuhan.

PINOGIAPAN 9:6

Táe kon sigad monia tua oyúon in tongonumai intau inta nonajis sin ain nokadai kon intau minatoi, dá mosia in diábí motaau moraya kon Paska kon singgai tatua. Mosia tua minayá nokipodungkuḷ kon i Musa bo kon i Harun

MATIUS 26:1

Naonda in ki Yesus nopaḷut nobogoi in topotundú natua, Sia in noguman kon murí-Nea mita,

MATIUS 26:2

“Kinotaauan monimu kon doyowapa nosinggai porayaan kon singgai moḷoben Paska, dá kon wakutudon tua Adí Intau posarakan sin popopakú kon kayu pinoyotaḻempang!”

MARKUS 14:1

Singgai moḷoben Paska bo Poramean kon Singgai in Roti Diá Koragi dongkadon doyowa nosinggai. Imang mita itoi bo mototundú mita kon agama umurandon motayak kon daya naonda in pododomok kon i Yesus bo ḻimodon, táe umuni-uni.

LUKAS 22:1

Kon singgai moḷoben Roti Diá in ragi inta sinangoi Paska nodiugdon.

YOHANES 12:1

Onompa nosinggai kon poramean kon Singgai Moḷoben in Paska, ki Yesus in minayá in Betania. Ḻipú inta pinogutunan i Lazarus, inta ain biniag bui i Yesus nongkon kinopatoiannea.

YOHANES 13:1

Tosinggaipa in Singgai Moḷoben Paska, koyongandon kinotaauan i Yesus kon wakutuneadon Sia in monaḷámai kon dunia naa sin mobuidon kon i Amá-Nea. Sia motabi kon intau mita inta nobaḻí kapunyaan-Nea kon dunia naa, bo tantú-Neabí doman kotabi umaai in kopaḷutan dunia naa.

YOHANES 18:28

Doḷo-doḷompa totok dinia monia in ki Yesus nongkon baḷoi i Kayapas pinobayá kon komaḻig i gubernur. Intau mita in Yahudi in diábí sinumuot kon komaḻig tatua, sinbá mosia in diá monajis podudui in agama monia, sin mosia in tumakindon mokaan kon kaanon in Paska.

YOHANES 2:13

Naonda in Singgai Moḷoben Paska in Intau Yahudi nodiugdon, ki Yesus minayá in Yerusalem.

YOHANES 2:6

Kon tua oyúon in tampayang onom inta sinadia sin pakéon pondaritan podudui in adat in Yahudi. Tampayang tobatú bonunea degá mogatut noliter.

YOHANES 5:1

Noiduduimai kon tua oyúon in pinorayaan kon Singgai Moḷoben in intau Yahudi, dá ki Yesus in minayá in Yerusalem.

YOHANES 6:4

Wakutu intua diádon moonggot in Singgai Moḷoben Paska intau in Yahudi.

OUMAN IN RASUL MITA 21:24

Dá, bayádon in ki utat poyotakin monia mayá mogaid kon upacara pondaritan kon awak, bo uboḻiaidon in ponggonsingan kon buok monia tua, sinbá mosia in motaaudon gonsingan. Sahingga in kotaauandon in bayongan intau kon habar inta dinongogdon monia tua in diábí totuu, sin ki utat tontaní in dinumudui doman kon hukum i Musa.

OUMAN IN RASUL MITA 21:26

Dá kon singgai noiduduimai ki Paulus noyotakin i nayaopat bo minayá nondarit kon awak takin i monia. Nopaḷut mako kon tua mosia in sinumuot kon Baḷoi Tuhan sin mopotaau kon tongonupamai nosinggai moiduduimai bo upacara pondaritan kon awak in mopaḷutdon bo mahaḷuk inta posumba monia in ogoi monia tontaní.

OUMAN IN RASUL MITA 24:18

Wakutu in akuoi koyogot nomia kon tua kon Baḷoi Tuhan, kinotambakan mangoi monia in akuoi, bo naonda in nopaḷut in upacara pinondaritan kon awakku tua, wakutu intua diábí nobayong intau bo diábí noropatoi. Tongábí tongonumai intau in Yahudi kon tua inta nongkon Asia.

KORINTUS 1 11:28

Manangka intua intau in mustipabí muna momirikisa kon awaknea bain tua bo motaau mokaan kon roti bo monginum kon anggur tatua.

YAKOBUS 4:8

Diugaidon in ki Allah, bo ki Allah in dimiugdon kon i monimu. Daritaidon in ḻimamu, moiko inta binaradosa! Bo insilangaidon in ginamu, moiko inta nonanga in gina!

SAMUEL 1 16:5

Tubag i Samuel, “Oo, totuu. Akuoi in mamangoi sin moposumba in kuruban kon i Tuhan. Dá potusidon in awakmu sinbá motaau dumudui kon upacara pobogoian kon kuruban tatua.” Ki Isai bo ki adínea mita in pinoki tusiannea doman in awak monia kon batúannea, bo inoinínea kon upacara tatua.