YOHANES 11:53 - Alkitab Singog In Mongondow Masa In Tanaa

⁵³ Mulaidon singgai tua itoi mita in Yahudi noyopakat kon moḻimod kon i Yesus.

YOHANES 11:53 ပူးပေါင်းရင်းမြစ်များ

KINOBAḺIAN 37:18

Nongkon moyayúpa inontongdon monia in ki Yusup, bo kon dodai in sia diápa nodapot kon i monia, mosia in noyosingogdon kon moḻimod kon inia.

NEHEMIA 13:21

Bo akuoi in noguman kon i monia, “Diábí in mangaḻenea in pogoḷatan monimu dapot in doḷo-doḷom kon nion. Pokoingat, aka aidanpa bui monimu intua, yo mobogatbí in aidanku!” Pinangkoi kon tua diádon kon dodai in onda in mosia in mamangoi kon singgai in Sabat.

NEHEMIA 4:16

Táe pinangkoi kon singgai tatua tongá tongobotak nongkon intauku in nogaid, bo inta tongobotakpa doman in noḷukad takin nogiḷambung in ḷambung parang bo nokadai kon pandong, kaḻeaw bo piot. Itoi mita in rayat in notuḷung domandon totu-totuu kon bayongan in rayat

MAZMUR 113:2

Tangoi-Nea in pinowaya-waya mako, tanaaya bo kinoouput in dunia.

MAZMUR 2:2

Datu mita in dunia simindog moyododai bo inta mongogawasa mita moyopakat moḷawang kon i Tuhan bo datu inta piniḻí-Nea.

MAZMUR 31:13

Akuoi in iḻiongdon naonda bo intau minatoi, bo nádon onda bo pakakat inta iḷumbú.

MAZMUR 71:10

sin musungku mita in mongongumandon kon inakó, intau mita inta moibog moḻimod kon inakó in noyopopogdon.

YEREMIA 38:15

Akuoi in notubag, “Aka akuoi in moguman kon inta totuu, yo notantú bidon kon ki Tuang datu in mopoḷabúbí in hukuman matoi kon inakó; bo aka akuoi mononggina, ki Tuang datu in doíbí dumudui kon tonggina tatua.”

YEREMIA 38:4

Dá minayádon in pojabat mita tatua kon i datu bo noguman, “Intau tanaa in mustibí hukumon matoi. Sin pongin singognea natua sia in mokoinggamá kon ibog in bayongan tontara bo intau ibanea inta nogutunpa kon kotá tanaa. Sia in diábí motuḷung kon rayat, táe mopoboditobí kon i monia.”

MATIUS 12:14

Bo intau mita in Parisi iḷumuai komintan bo noyopakatdon kon moḻimod kon i Yesus.

MATIUS 16:21

Pinangkoidon kon tungkuḷ intua, ki Yesus nopotaau kon murí-Nea mita, kon Sia in musti mayá in Yerusalem bo motarima kon mobayong in roriga inta popoaid in guhanga mita in ḻipú, imang mita itoi bo mototundú mita kon agama. Bain tua bodongka ḻimodon monia, táe kon singgai intoḷunea mobiag bui in Sia.

MATIUS 22:46

Diá tobatúmai in nokotubag kon singog-Nea tatua. Bo mulai singgai tua, diádon in tobatúmai in mokobaḻí mopoḻibó-ḻibómai kon i-Nia.

MATIUS 26:4

Mosia in noyosingog kon naonda in pododomok kon i Yesus bo poḷat moḻimod kon i-Nia.

MATIUS 26:59

Imang mita itoi bo bayongan in Sidang Agama moḷongasi motayak kon taḷá-Nea, sinbá baḻíon dodoyonan pohukuman kon i-Nia modapot in matoi.

MARKUS 14:1

Singgai moḷoben Paska bo Poramean kon Singgai in Roti Diá Koragi dongkadon doyowa nosinggai. Imang mita itoi bo mototundú mita kon agama umurandon motayak kon daya naonda in pododomok kon i Yesus bo ḻimodon, táe umuni-uni.

MARKUS 3:6

Dá intau mita in Parisi nonaḷámaidon kon baḷoi pososambayangan tatua, bo minayá noyosingog takin intau mita i Herodes, kon naonda in poḷoḻimod kon i Yesus.

YOHANES 11:47

Sin tuamai intau mita in Parisi bo imang mita itoi in nogaid kon rapat takin Mahkama Agama. Mosia in noḻibó, “Onu in musti aidan naton? Intau tanaa mokakitdon mogaid kon soaḷ mita inta mokoherang kon intau!

YOHANES 12:10

Tuamai imang mita itoi in moibog doman moḻimod kon i Lazarus.

YOHANES 7:1

Nopaḷut mako kon tua, ki Yesus minaya-mayá mako in Galilea. Doí in Sia minayá in Yudea, sin itoi mita in Yahudi nonomayádon mako moḻimod kon i-Nia.

OUMAN IN RASUL MITA 5:33

Nokodongogmai kon tua, totok in mosia sinumorú, dá ibogon monia ḻimodonbí in rasul mita tatua.

OUMAN IN RASUL MITA 9:23

Naonda in tongonumaidon nosinggai in koonggotnea intau mita in Yahudi noyopakat moḻimod kon i Saulus.