YOHANES 11:49 - Alkitab Singog In Mongondow Masa In Tanaa

⁴⁹ Tobatú nongkon sigad monia inta tangoinea ki Kayapas, imang moḷoben kon taong tatua, nosingog, “Moiko in diábí nonotaau in onu bo onu.

YOHANES 11:49 ပူးပေါင်းရင်းမြစ်များ

AMSAL 26:12

Intau inta totok in bodok in mopia-piabí kon intau inta tumangoi mopandoi.

MATIUS 26:3

Kon dodai intua imang mita itoi bo guhanga mita in ḻipú intau Yahudi noyosipun kon palas i Kayapas, imang moḷoben.

LUKAS 3:2

Tungkuḷ intua imang moḷoben in ki Hanas bo ki Kayapas. Kon taong tatuata ki Allah in nosingog takin nomaké kon i Yohanes inta ki adí i Zakharia. Ki Yohanes in namangoi nongkon padang gurun.

YOHANES 11:51

Sabanarnea ki Kayapas in nosingog kon tua, deemanbí nongkon raiannea tontaní. Táe saḷaku imang moḷoben taong tatua sia in nopotaaudon muna kon ki Yesus in matoibí sin kopontingan in bangusa Yahudi.

OUMAN IN RASUL MITA 4:6

Mosia in noyodungkuḷ i Imang Moḷoben ki Hanas bo ki Kayapas, ki Yohanes, bo ki Aleksander takin bayongan intau inta buí mita in imang moḷoben.

KORINTUS 1 1:20

Dá aka natua yo diá bidon in baraguna monia? Intau mita inta mongopandoi bo intau mita inta nonotaau kon bayongan in yagi-yagi? Sin pinoniatadon i Allah kon kapandoian intau kon dunia naa diábí in baragunanea!

KORINTUS 1 2:6

Umpaka, natua yo umuranbí doman oumanon in soaḷ kabijaksanaan i Allah kon sigad in intau mita inta totu-totuudon nopirisaya. Táe deemanbí kabijaksanaan in dunia, andeka kabijaksanaan pongawasa mita masa in tanaa, inta kawasanea in moinggamábí.