YOHANES 11:47 - Alkitab Singog In Mongondow Masa In Tanaa

⁴⁷ Sin tuamai intau mita in Parisi bo imang mita itoi in nogaid kon rapat takin Mahkama Agama. Mosia in noḻibó, “Onu in musti aidan naton? Intau tanaa mokakitdon mogaid kon soaḷ mita inta mokoherang kon intau!

YOHANES 11:47 ပူးပေါင်းရင်းမြစ်များ

MATIUS 26:3

Kon dodai intua imang mita itoi bo guhanga mita in ḻipú intau Yahudi noyosipun kon palas i Kayapas, imang moḷoben.

MATIUS 5:22

Táe Akuoi in moguman kon i monimu, pomuḷoi intau inta tumorú kon i utatnea, yo musti hukumon; bo ki ine in moguman kon i utatnea kaper yo musti popotayow kon Itoi in Agama. Bo ki ine in moguman, ‘Pompuḷong,’ yo musti (pogonag) kon naraka inta kodoko-dokot.

MARKUS 14:1

Singgai moḷoben Paska bo Poramean kon Singgai in Roti Diá Koragi dongkadon doyowa nosinggai. Imang mita itoi bo mototundú mita kon agama umurandon motayak kon daya naonda in pododomok kon i Yesus bo ḻimodon, táe umuni-uni.

LUKAS 22:2

Imang mita itoi bo mototundú mita kon agama norai mongo naonda in poḷoḻimod monia kon i Yesus, táe umuni-uni sin moondok kon intau moantó.

YOHANES 11:57

Mosia in noguman natua sin imang mita itoi bo intau mita in Parisi ain nopoḷuai in parenta kon ki ine in nokotaau kon onda in Yesus, musti mopotaau sinbá Sia in kodomokan.

YOHANES 12:19

Dá intau mita in Parisi mulaidon nosigumanan, “Diá mokopongonu in kita! Indoiaika bayongan in intau kon dunia naa mayá dumudui kon i-Nia!”

YOHANES 2:11

Tuata in soaḷ mokoherang inta dungkuḷ totok inta pinomia i Yesus. Tua in pinomia-Nea kon Kana inta kon Galilea. Takin tanda tatua Sia in nopoontongdon in kawasa-Nea. Dá murí-Nea mita in nopirisayadon kon i-Nia.

YOHANES 6:2

Noiyaputmai in tua, mobayong in intau in dinumudui kon i-Nia sin nokoontongdon in mosia kon inta mokoherang inta pinomia i Yesus kon intau mita nongotakit inta sinokoundamanan-Nea.

YOHANES 7:32

Kinodongogandon in intau mita in Parisi onu in iyogombong in intau moantó soaḷ ki Yesus. Tuamai, mosia takin imang mita itoi nopotabá kon tongonumai in moḷoḷukad kon Baḷoi Tuhan bo modomok kon i Yesus.

YOHANES 7:45

Naonda in moḷoḷukad mita kon Baḷoi Tuhan inta pinotabá minayá modomok kon i Yesus nobuidon mangoi, imang mita itoi bo intau mita in Parisi noḻibó kon i monia, “Nongonu sin diábí dinia mangoi monimu kon naa in Sia tua?”

OUMAN IN RASUL MITA 5:21

Dá rasul mita tatua in dinumudui kon koyow in malaekat tatua. Modiugpa mobayag in mosia minayá in Baḷoi Tuhan bo mulai notundú kon tua. Kon wakutu intua imang moḷoben bo dumoduduinea mita in namangoi bo nogaid kon sidang takin itoi mita intau in Yahudi. Onda intua binayá monia pinoki gamá in rasul mita tatua kon ponjara sin sidangon potayow kon i monia.

OUMAN IN RASUL MITA 5:24

Naonda itoi moḷoḷukad kon Baḷoi Tuhan bo imang mita itoi nokodongog kon onu inta pinoguman monia tua, mosia in noondok bo poḷat noḻibó mongo onu in nobaḻí kon rasul mita tatua.