YOHANES 11:46 - Alkitab Singog In Mongondow Masa In Tanaa

⁴⁶ Táe oyúon doman in tongonumai kon sigad monia tua in minayá kon intau mita in Parisi bo nongonguman kon onu inta ain inaidan i Yesus.

YOHANES 11:46 ပူးပေါင်းရင်းမြစ်များ

YOHANES 11:57

Mosia in noguman natua sin imang mita itoi bo intau mita in Parisi ain nopoḷuai in parenta kon ki ine in nokotaau kon onda in Yesus, musti mopotaau sinbá Sia in kodomokan.

YOHANES 12:37

Umpaka nobayongdon in soaḷ mita inta mokoherang in pinomia i Yesus kon tayowon monia tua, táe mosia in diábí mopirisaya kon i-Nia.

YOHANES 7:32

Kinodongogandon in intau mita in Parisi onu in iyogombong in intau moantó soaḷ ki Yesus. Tuamai, mosia takin imang mita itoi nopotabá kon tongonumai in moḷoḷukad kon Baḷoi Tuhan bo modomok kon i Yesus.

YOHANES 7:45

Naonda in moḷoḷukad mita kon Baḷoi Tuhan inta pinotabá minayá modomok kon i Yesus nobuidon mangoi, imang mita itoi bo intau mita in Parisi noḻibó kon i monia, “Nongonu sin diábí dinia mangoi monimu kon naa in Sia tua?”

YOHANES 9:13

Dodai intua singgai in Sabat wakutu in ki Yesus nopoyokitog in butá takin duyá-Nea sin pinongundam kon intau bilog tatua. Dá intau inta bagupa nokoontong tatua in dinia kon intau mita in Parisi.

OUMAN IN RASUL MITA 5:25

Tongá namangoidon in intau tobatú kon sigad monia tua bo noguman nanaa, “Indoiaika dá intau mita inta binonu monimu kon ponjara, tuabí komintan kon bonu in Baḷoi Tuhan koyogot in motundú kon intau moantó!”