YOHANES 11:41 - Alkitab Singog In Mongondow Masa In Tanaa

⁴¹ Dá pinosídon monia in batu tatua. Onda intua ki Yesus iḷumangag kon ḷangit bo nosingog, “Sukur moantó Amá, sin ain inindongogan-Mu in Akuoi.

YOHANES 11:41 ပူးပေါင်းရင်းမြစ်များ

MAZMUR 123:1

Dondong mayá kon Baḷoi Tuhan. Akuoi in iḷumangag kon ini-mu o Tuhan inta nomarenta kon soroga.

MATIUS 11:25

Kon wakutu intua nosambayang in ki Yesus kai-Nia: “Akuoi in mopoyaput in sukur kon ini-Mu, Amá, Tuhan in ḷangit bo butá, sin bayongan intua binuni-Mu kon intau mita inta mobijaksana bo kon intau mopandoi, táe pinoponiata-Mu kon intau inta moyangkó.

MATIUS 11:26

O, Amá, tuata in kinosanang-Mu.”

MATIUS 27:60

Bodongka pinopouḻidnea kon poḷoḷobongan nobagu, inta kinaḻinea kon bonu in buḷud batu. Nopaḷut mako iḻingkopannea in batu moḷoben, bodongka minayá.

MARKUS 15:46

Bo notaḷui in ki Yusup kon kaeng noaḷus inta nomahaḷ sin pinobakut. Onda intua pinoponagdon mayat i Yesus tatua bodongka binakutnea in kaeng tatua. Nopaḷut mako inukatneadon in mayat i Yesus kon tobatú poḷoḷobonganan inta inaidan kon bonu in buḷud batu. Onda intua iḻitoi monia in tobatú batu moḷoben bo pinoḻingkop kon ngara in poḷoḷobongan tatua.

LUKAS 10:21

Kon wakutu intua doman, noḷungangadon in gina i Yesus, sin kinawasa in Roho i Allah. Ki Yesus in nosingog nanaa, “Akuoi in mosukur kon ini-Mu Amá, Tuhan in ḷangit bo butá sin bayongan intua aindon binuni-Mu kon intau mita inta mopandoi bo mobijaksana, táe aindon pinoontong-Mu kon intau mita inta nongobodok. Tuabí in kinoibog i Amá.

LUKAS 18:13

Táe mononagi kon pajak tatua in sinimindog iyumayú bo diá doman kobaḻí in ḷumangag kon ḷangit in nosambayang. Sia in tongá kopia moyapu kon dodobnea bo nosingog nanaa, ‘O Allah, kotabipa in akuoi naa, sin akuoi naa intaubí baradosa!’ ”

LUKAS 24:2

Bo naonda in noiyaputmai kon poḷoḷobongan, indoianmai monia batu inta pinoḻingkop noḻitoidon.

YOHANES 11:22

Tongá kinotaauankubí doman kon tanaa mako ki Allah in mobogoibí doman in onukabí in poigumon i Tuhan kon i-Nia.”

YOHANES 17:1

Nopaḷut mako nosingog kon tua, ki Yesus iḷumangag kon ḷangit bo noguman, “Amá, naadon in wakutunea. Poḷantudon in ki Adí-Mu, sinbá ki Adí-Mu in mopoḷantud doman kon i Amá.

YOHANES 20:1

Kon singgai in Diminggu modiugpa mobayag, ki Maria Magdalena minayá in poḷoḷobongan. Inindoianneamai yo batu inta pinonaḷob noḻitoidon nongkon bubú in poḷoḷobongan tatua.

OUMAN IN RASUL MITA 7:55

Táe ki Stepanus inta kinawasa in Roho i Allah tatua, iḷumangag kon ḷangit bo inontongnea in kamuliaan i Allah bo ki Yesus in sinimindog kon dotá in koḷanan i Allah.

PILIPI 4:6

Donaai moḻia-ḻiaw in ginamu kon bayongan yagi-yagi. Onukabí in aidanmu umuran posambayang bo pogumandon kon i Allah onu in igumonmu. Onu in paraḷumu umurandon potaau kon i Allah bo dika mokoḻiong in mopoyaput in sukur kon i-Nia.