YOHANES 11:40 - Alkitab Singog In Mongondow Masa In Tanaa

⁴⁰ Dá ki Yesus in noguman kon i Marta, “Degá kinoḻionganmudon inta pinoguman-Ku kon inimu; Kon aka iko mopirisaya, yo iko in mokoontongbí kon kawasa i Allah inta totuu moḷoben!”

YOHANES 11:40 ပူးပေါင်းရင်းမြစ်များ

TAWARIKH 2 20:20

Nopoikoḷomai kon singgai, subupa totok, rayat iḻumuai bo minayá in butá kon padang gurun kon diug in Tekoa. Kon dodai in mosia mobuatdon, ki Yosapat nobogoi in koyow tanaa kon i monia, “Rayat in Yohuda bo Yerusalem! Popirisayabí kon i Tuhan Allahmu, dá mokotongodbí in moiko. Tarimadon in tonggina mita in nabimu mita, dá kodapotanbí monimu in sinayak monimu!”

MAZMUR 63:2

O Allah, Ikobí in ki Allahku, tayakonku bo kotanobanku in Iko. Naonda bo butá noḷogat inta morogang in tubig, natuata in rogangku kon ini-Mu.

MAZMUR 90:16

Poontongdon kon inami inta pinomia-Mu kon inami mogogundoi-Mu mita, bo kawasa-Mu inta mogaga kon buí nami.

IḶUAIAN 16:7

Ikoḷom doḷo-doḷom moiko in mokoontongdon kon sindar koangoian i Tuhan. Dinongogdon i Tuhan kon moiko sinumorú kon i-Nia; Oo kon i Tuhan, sin kami naa i tongábí nogaid kon onu in pinarenta-Nea.

MATIUS 17:20

Ki Yesus in notubag, “Popisí in diá mopirisaya in moiko. Tuamai Akuoi in moguman kon i monimu, ‘Aka oyúon pirisayamu tongá kabí ná koḷoben batoḷ in sesawi’, yo moiko in motaau moguman kon buḷud tanaa, ‘Pomampingdon kon tua!’ Dá buḷud tanaa in dumuduibí doman kon singogmu, bo diábí in tobatúmai in diá motaau monimu aidan. [

MARKUS 9:23

Ki Yesus in notubag, “Onu in kainimu? Aka mokotuḷungbí in Akuoi? Komintanbí motaau-Ku aidan asaḷ bo mopirisaya intau!”

YOHANES 1:14

Pirman ain nobaḻí intau, Sia in nogutun kon sigad naton, bo kita ain nokoontong kon kamuliaan-Nea. Kamuliaan inta sinarima-Nea saḷaku Adí tuḷong i Amá. Pinongin i-Nia tua kita mokoontong kon i Allah bo tabi-Nea kon i naton.

YOHANES 11:4

Táe naonda in dinongog i Yesus in habar tatua, Sia in noguman “Takitnea tatua in diábí mokopatoi kon inia. Naa in nobaḻíbí sinbá kawasa i Allah poponiatadon bo bá popisí in takit tatua ki Adí i Allah in poḷantudon doman.”

YOHANES 12:41

Ki Yesaya noguman natua sin sia ain nokoontong kon kamuliaan i Yesus, bo nongongumandon soaḷ Sia.

YOHANES 9:3

Ki Yesus in notubag, “Sia in nobilog deemanbí popisí in dosanea andeka dosa in guyanganea, táe bá poponiatadon kon inia in kawasa i Allah.

SURAT I PAULUS KON JAMAAT RUM 6:4

Wakutu in kita binaptis, kita in iḷobongdon takin i Kristus bo minatoidon noyotakin-Nea, sinbá ná doman ki Kristus inta ain biniag nongkon kinopatoian-Nea takin kamuliaan i Amá, yo natua doman in kita mokoalami doman kon kobiagan mobagu.

KORINTUS 2 3:18

Tongá tanaa mako, pogot naton naa in diá bidon kinokoḷubungan, bo moposindar bidon in bayag i Tuhan Yesus. Tuamai tantú baḷuian ná Sia in kita; koonggot-koonggot, yo kobayag-kobayag domandon in kita. Bayag tatua in nongkon Roho, bo Roho tatua in ki Tuhanbí.

KORINTUS 2 4:6

Sin ki Allah in nogumandon nanaa, “Nongkon sindip momukádon in bayag.” Bo ki Allah doman tatua inta nopomuká in bayag-Nea kon bonu in gina naton, sinbá mobayag domandon in raian naton bo monotaau kon kototarang in bayag i Allah inta nonindar kon pogot i Kristus.