YOHANES 11:35 - Alkitab Singog In Mongondow Masa In Tanaa

³⁵ Bo ki Yesus in nongombaḷ.

YOHANES 11:35 ပူးပေါင်းရင်းမြစ်များ

KINOBAḺIAN 43:30

Gina i Yusup totokdon in morobonoḷ sin dinia in tanob bo tabinea kon i ai-ainea. Gogió bo diádon in sia mokotahang kon ginanea, tuamai sia in baḷúdon minayá nongkon tua bo sinumuot in sia kon gopot poḷat nongombaḷ.

AYUB 30:25

Akuoi naa in nongombaḷ noyotakin in intau inta kinoantugan in roriga, bo inta monotabi kon intau inta diá koonu bo onu?

MAZMUR 119:136

Ḷuáku in moiḻig naonda bo ongkag, popisí in hukum-Mu diá dinuduian.

YESAYA 53:3

Kita in moningkuḻe bo yumayú kon inia, intau inta nopuḻing in roriga bo nobiasa mobaba kon takit. Diá tobatúmai in intau in moibog imindoi kon inia, bo kita in diá doman moindoimai kon inia.

YESAYA 63:9

Sia tontaní in kinoantugan in roriga monia. Ki Tuhan in diábí nopotabá in totabá andeka duta; Siabí tontaní inta nopoḷuat kon i monia popisí in tabi bo totabi-Nea. Sia in umuranbí momiag kon i monia nongkon tungkuḷpabímai.

YEREMIA 13:17

Aka iko doí mokidongog, mongombaḷbí in akuoi umuni-uni. Takin monakit in gina ombaḷanku in ḷoḷatúmu tua. Ḷuáku in motutug sin umat i Tuhan in dinia nobaḻí intau dinakop.

YEREMIA 14:17

Ki Tuhan in nopotabá kon inakó nopotaau in robonoḷ in ginaku kon umat-Nea. Akuoi in mustibí moguman nanaa, “Biódon mako in akuoi mongombaḷ diá in gogainea, singgai doḷom tumomponggoḷuáanmai. Sin bangusaku in kinekeban modaḷom bo totokdon in mororiga.

YEREMIA 9:1

Totuu mopia aka uḷuku bo naonda bo parigí inta nopuḻing in tubig, bo mataku in pansurang inta umuran mopotampurang in tubig! Dá akuoi in mokopongombaḷdon singgai bo doḷom, mogamui kon intau mita tongobangusaku inta iḻimod in musung.

OMBAḶ 1:16

Tuamai in noḷabú in ḷuáku, diá in moginrigon kon gina bo moḻipoi. Bangusaku in kinobuḻiandon in bayongan in yagi-yagi, popisí in kawasa in musung in moḷobe-ḷoben.

LUKAS 19:11

Kon wakutu in intau mita mokidongogpamai kon i Yesus nongonguman, Sia in nongongumandon kon tobatú poumpamaan. Sin wakutu intua Sia in nodiugdon kon Yerusalem bo kai monia kamai ki Allah in ḷagi bidon momarenta saḷaku Datu kon dunia naa.

LUKAS 19:41

Táe naonda in ki Yesus nodiugdon kon Yerusalem, nongombaḷ in Sia in nokoontongmai kon kotá tatua.

YOHANES 11:33

Naonda inontong i Yesus in ki Maria nongombaḷ, bo intau mita in Yahudi inta namangoi noyotakinnea tua nongombaḷ doman, norobonoḷdon totok in gina-Nea, bo totokdon inagían tabi in Sia.

YOHANES 11:34

Dá Sia noḻibódon kon i monia, “Kon onda in pinoḷobongan monimu kon inia?” Tubag monia “Igai indoian, Tuhan.”

IBRANI 4:15

Imang Moḷoben naton tua in deemanbí imang inta diá umuran kotaki-takin mokorasa kon yoyiga mita naton. Sia ain sinoba kon bayongan yagi-yagi ná doman kita naa; táe diá in Sia nogaid kon dosa!