YOHANES 11:3 - Alkitab Singog In Mongondow Masa In Tanaa

³ Dá ki Maria bo ki Marta naa in minayá kon i Yesus bo nopotaau; “Tuhan, ki utat nami inta totok in kinotabi Tuhan tua notakit.”

YOHANES 11:3 ပူးပေါင်းရင်းမြစ်များ

KINOBAḺIAN 22:2

Guman i Allah, “Bayádon kon butá in Moria takin ki Ishak, ki adímu tuḷong tua, inta totok in kinotabimu tua. Kon tua, kon buḷud tobatú inta tundúon-Ku kon inimu, posumbadon in ki adímu tatua kon i-Nakó mobaḻí kuruban inta tubáan.”

MAZMUR 16:3

Ihoromatku in intau mita motusi kon butá tanaa; inta mokosanang kon ginaku in mogutunbí takin i monia.

LUKAS 7:13

Naonda in ki Yesus nokoontong kon boba-bobay tatua noḻiai in ginanea sin tabi-Nea. Dá Sia in noguman nanaa, “Donaaidon mongombaḷ!”

YOHANES 11:1

Oyúon tobatú intau ki Lazarus in tangoinea. Sia in nogutun kon Betania noyotakin i utatnea mita bobay ki Maria bo ki Marta.

YOHANES 11:11

Natua in pinoguman i Yesus. Noiduduimai kon tua noguman bui in Sia, “Ki utat naton ki Lazarus aindon nosiug, táe bayáan-Kubí bangonon in sia.”

YOHANES 11:2

Ki Maria naa in bobay inta nopoinggú in ḷana nobondu kon sioḷ i Tuhan bodongka iradatannea bui in buoknea. Kon singgai tobatú ki utat monia ki Lazarus naa in notakit.

YOHANES 11:21

Ki Marta in noguman kon i Yesus, “Tuhan, aka kuma bo kon naa in ki Tuhan dodai intua, yo diábí minatoi in ki utat nami.

YOHANES 11:36

Bo intau mita in Yahudi noguman, “Indoiaika, totokbí in Sia motabi kon i Lazarus!”

YOHANES 11:5

Ki Yesus in motabibí kon i Maria, kon i Marta bo kon i Lazarus ki utat monia.

YOHANES 13:13

Moiko in mogoiní kon i-Nakó Guru bo Tuhan. Bo Noitutuibí intua, sin totuu kon Akuoi in Gurubí bo Tuhan.

YOHANES 13:23

Murí inta totok kinotabi Yesus iḻimitú kon diugmai i Yesus

TIMOTIUS 2 4:20

Masai naa ki Erastus in nogutundon kon Korintus, bo ki Tropimus in sinaḷáankudon kon Miletus sin notakit.

WAHYU 3:19

Intau mita inta kotabi-Ku, mosia tuata in toboḷowon-Ku bo sambokon-Ku. Manangka intua koropotdon in gina monimu bo pogogaidon in mogaid kon dosa mita.