YOHANES 11:25 - Alkitab Singog In Mongondow Masa In Tanaa

²⁵ Ki Yesus in noguman bui kon i Marta, “Akuoibí inta mobogoi in kobiagan bo inta momiag kon intau minatoi. Intau inta mopirisaya kon i-Nakó in mobiagbí, umpakabí in sia minatoidon.

YOHANES 11:25 ပူးပေါင်းရင်းမြစ်များ

MAZMUR 36:9

Mosia in moorop in kaanon mobarong kon Baḷoi-Mu, takin oinumon nongkon ongkag-Mu inta mokoguḻí kon yogang.

YESAYA 26:19

Umat-Mu inta ain minatoi in mobiagbí bui, awak mita monia in mobiagdon bui. Intau inta ain iḷobong kon bonu in butá in mobiagbí bo morogiow. Naonda bo oḷú inta mokoonow kon butá, Iko in momiag kon umat-Mu inta ain noonggot in minatoi.

YESAYA 38:16

Oo Tuhan, ogoiaidon in akuoi in kobiagan in tosingogon bo aid-Mu, biódon mako akuoi mobiag tongádon kon ini-Mu.

LUKAS 23:43

Dá kai Yesus doman, “Popirisayadon! Singgaipa doman in tanaa iko in moyotakin-Kudon kon Pirdaus.”

YOHANES 1:4

Pirman tatua in pangkoi in kobiagan, bo kobiagan tatua inta monimbayag kon intau.

YOHANES 14:19

Diádon moonggot bo diádon ontongon in dunia naa in Akuoi. Táe moiko in mokoontongbí kon i-Nakó. Bo lantaran in Akuoi nobiag, dá moiko in mobiagbí doman.

YOHANES 14:6

Ki Yesus in notubag, “Akuoibí naa in daḷan kon monotaau kon i Allah bo mokouḻí kon kobiagan. Diábí in tobatúmai intau in mokoyaput kon i Amá, aka diá mongin i-Nakó.

YOHANES 3:16

Popisí in ná domai tua in tabi i Allah kon intau kon dunia naa, dá inogoi-Neadon in ki Adí-Nea tuḷong, sinbá bayongan in intau inta mopirisaya kon i-Nia diá in moyoyang, táe mokouḻí kon kobiagan mononoi.”

YOHANES 3:36

Intau inta mopirisaya kon Adí tatua, mokouḻíbí kon kobiagan mopia bo mononoi, táe intau inta diá motoindudui kon Adí tatua, diábí doman mokouḻí kon kobiagan. Sia in umuran hukumon i Allah.

YOHANES 5:21

Ki Amá tua in momiag bui kon intau minatoi, bo mobogoi kon i monia in kobiagan mopia bo mononoi; ná tua doman in Adí mobogoi doman in kobiagan mononoi kon i monia inta moibog ogoian-Nea in kobiagan.

YOHANES 5:26

Ná ki Amá nobaḻí pangkoi in kobiagan, dá binaḻí-Nea doman in Adí pangkoi in kobiagan.

YOHANES 6:35

Dá kai Yesus doman, “Akuoibí naa in roti inta mobogoi in kobiagan, intau mita inta mamangoi kon i-Nakó in diá bidon angoian bui in gogoy. Bo intau inta mopirisaya kon i-Nakó in diá bidon moyoga-yogang bui.

YOHANES 6:44

Diábí in tobatúmai intau motaau mamangoi kon i-Nakó, aka diá diaan mangoi i Amá inta nopotabá mangoi kon i-Nakó. Ki ine in mamangoi kon i-Nakó, yo biagon-Kubí in sia kon singgai ponantúan.

OUMAN IN RASUL MITA 3:15

Moiko in noḻimodon kon i-Nia inta pangkoi in kobiagan in bayongan intau, táe bui bo biniag i Allah in Sia nongkon sigad in intau minatoi. Bo kami naa in nokoontong tontaní kon tua komintan.

SURAT I PAULUS KON JAMAAT RUM 4:17

Sin ki Allah in nogumandon kon i Abraham nanaa, “Iko ain binaḻí-Ku ki amá in bayongan intau inta mopirisaya.” Tua in dandi inta inogoi i Allah kon i Abraham. Bo ki Abraham in nopirisaya kon i-Nia. Sia tua in ki Allah inta nomiag kon intau minatoi, Siabí doman tua in ki Allah inta tongá takin singog in mogaid kon bayongan yagi-yagi inta diápa, mobaḻí oyúondon.

SURAT I PAULUS KON JAMAAT RUM 8:2

Sin Roho inta nobogoi in kobiagan ain nopoḷuat kon inakó inta ain notobatú i Kristus nongkon hukum in dosa bo hukum in popatoi.

KORINTUS 1 15:18

Tua in mangaḻenea kon intau mita in Keresten inta ain minatoi diá doman koharapan.

KORINTUS 1 15:29

Aka intau minatoi bo diá biagon bui, yo nongonu sin oyúonbí intau binaptis kon i monia inta ain minatoi? Aka totuu kon intau minatoi beresibí diá biagon bui, onubí in makusud in pinomiaan monia kon soaḷ tatua?

KORINTUS 2 4:14

Kami in mopirisayabí kon ki Allah inta nomiag bui kon i Tuhan Yesus, in momiag doman kon i monimu takin i Yesus, bo modia kon i monimu bo kon inami kon tayowon-Nea.

PILIPI 1:23

Doyowa norupa naa in morigugut kon bonu in ginaku. Moibogdon in akuoi monaḷámai kon dunia naa bo mayá mogutun takin i Kristus, sin tuabí inta totok in mopia;

PILIPI 3:10

Soaḷ inta totok in kinoibogku in monotaaubí kon i Kristus bo mokoalami kon kawasa inta nokobiag kon i-Nia nongkon kinopatoian. Bo moibog doman in akuoi mokoalami kon roriga ná inta kinorasaan-Nea bo notongkai doman ná kopopatoi-Nea,

TESALONIKA 1 4:14

Kita in mopirisaya kon ki Yesus ain minatoi, táe nobiagbí bui. Tuamai kita in mopirisaya doman, kon biagonbí bui i Allah in bayongan intau inta mopirisaya kon i Yesus Kristus inta ain minatoi bo mosia in mobiag moyotakin-Nea.

WAHYU 1:18

Akuoi naa in Sia inta nobiag tua! Akuoi ain minatoi, táe indoiaika, Akuoi in nobiagbí bo diá bidon mato-matoi. Popatoi bo dunia in intau minatoi kon bonu bidon in kawasa-Ku.

WAHYU 20:5

Naadon inta dungkuḷ totok in intau mita minatoi biniag bui. (Táe intau mita minatoi ibanea in diápabí biniag bui kon bonu in toribu notaong tatua.)

WAHYU 21:4

Paḻitandon i Allah in bayongan ḷuá kon mata monia. Diá bidon in popatoi. Diá bidon in mokoajar kon gina. Amui ande ombaḷ onu inta mokonakitpa kon gina in diá bidon. Soaḷ mita inta nokoyongandon ain noinggamá.”

WAHYU 22:1

Bo malaekat tatua in nopoontong doman kon inakó in ongkag inta mobogoi in kobiagan. Ongkag tatua in nosilang totok naonda bo kristal inta moiḻig nongkon tampat pomomarentaan i Allah bo i Adí in Domba tatua,

WAHYU 22:17

Roho i Allah bo Nonikaan Bobay in noguman, “Koḻigai!” Ki ine in nokodongog kon naa musti moguman doman, “Koḻigaidon!” Ki ine in moyogang, pogamádon in sia kon tubig inta mobogoi in kobiagan tatua, bo diábí uboḻian.